We-ɛɛla 2:39 - mzwDBL

³⁹ dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

We-ɛɛla 2:39 ပူးပေါင်းရင်းမြစ်များ

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Aesaya 54:13

Men Korowiirii dɛ́ baɡle he bii wa, dɛ́ ɡel a chiɡ ba kɛrɛdɛ, bá dɔ deŋnesɔɔhna.

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Aesaya 59:20

Korowii ŋɔ o nɛra be ŋɔ, “Mɛɛ ba Saayɔnee dɛ́ ba lɛ he banɔ la haa charɛ liire le he wechɔɡa ta bwa.

Aesaya 65:23

Baa koh ta pɛɛ bwa, ba tomare bwa ɛɛ do werii tɛɛ ba. Wekpeɡa ɡe aa ba bii nɛɛ ba bwa. Mɛɛ swee andɛɛɡaa tɛ ba ne ba naanaree saŋ bɛlbwa dɛɛ la.

Ɛsekeɛl 37:25

Harɛ maa kpɔa tɛ n bonɔɔ Jekɔb la taa baa ba soɡa, harɛ ba naawa fa aa soɡe o ta la. Ba ne ba bii ne naanar, dɛ ba ɡe bii ɛɛ so o taa saŋ bɛlbwa dɛɛ la, ásɛ kooro waa do kɛ n bonɔɔ Kooro Devid ɛ ba kooro saŋ bɛlbwa dɛɛ la.

Joel 2:28

Korowii berɔ ŋɔ, “A habɔɔ la, mɛɛ tɛ nɛra bwa soo siwii n Doma la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

We-ɛɛla 10:45

Juu tena baa ɛ asɔre tena ba ne Pita le Jopa ba aa na ɡɛ la, ba nyoa kpoo kɛŋɔ Korowii aa ɡela o Domadɛɛɡe la ba so nɛra baa wola Juu tena ɛɛ ɡba nɛ,

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

We-ɛɛla 15:14

Seemɔn Pita baɡle ɡɛ Korowii aa tɔ sie ɛ dɛ baɡle kɛ o dɛ nyin nɛra baa wola Juu tena ɛɛ la taeh. O baɡlɔ ŋɔ Korowii le ba bini bane ŋɔ ba ɛ o nɛra.

We-ɛɛla 15:3

Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh.

We-ɛɛla 15:8

Korowiirii jemɛ nomɛlbwa nyu bini, dɛ tɛɛ ba o Domadɛɛɡe ɡɛ waa tɛ yaa la, dɛ baɡle kɛ o nɛraa ba ɡe.

Tɔn Pɔɔl Aa Chwerɛ Rom Tena 11:29

Korowii te dɔɔ ŋɔ o nɛnee nɛn, dɛ ŋɔ wɛɛ ɛo wedɛɛɡaa yaa, waa nsana le.

Tɔn Pɔɔl Aa Chwerɛ Rom Tena 8:30

Anomanta, nɛra Korowii aa tɔ sie lee ba ɡɛ la, o lee ba ŋɔ bá ɛ o toma. Waa lee ba ŋɔ bá ɛ o toma la, o lɛɛ ba kɛ nɛndɛɛɡa ba waa su o siwi, asɛ o tɛɛ ba ŋwɛnɛ kɛŋɔ ba ba so o jwɛh dɛ́ dɔ jirima.

Tɔn Pɔɔl Aa Chwerɛ Rom Tena 9:24

Yanee o sune ya nɛɛ la. Yanee o le ŋɔ ya ɛ o nɛra la. Israel tena ɡbo bini laa o le nɛra ŋɔ ba ɛ o nɛra. O le bane nɛra baa wola Juu tena ɛɛ ɡe bini.

Tɔn Pɔɔl Aa Chwerɛ Rom Tena 9:4

Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.

1 Kɔrent 7:14

Baa waa wola asɔre te ɛɛ la, o mo haah waa ɛ asɔre te aa, pɛɛ o ne haah la aa pɛa la nomanta, Korowii kpɔ baa la dɛɛ ɛ o nɛn. Gɛɛ a do, haah ɡe ta asɔre te ɛɛ dɛ yalɛ baa waa ɛ asɔre te aa, pɛɛ o ne waa pɛa la nomanta, Korowii kpɔ haah la ɡe dɛɛ ɛ o nɛn. Dɛ ɡɛ laa aa, ba bii fe ta Korowii bii ɛɛ, kɛ taraken ba ɛ o kwa.

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Ɛfesos 4:4

Yeesu bwadabii lɔ beŋkpoŋ, o Domadɛɛɡe ɡe lɔ beŋkpoŋ, asɛ hwɛɡa Korowii aa le yaa ya bwa dɔ la ɡe ɛ beŋkpoŋ.

Mmarare 29:15

O ɛo, aa ba le chɔe tɛ ya ne ya naanar ne banɔ la ba taa dɛ́ ba ba lola bwa.

2 Tesalonika 1:11

Yeesu bala la waa ya yon dɛɛ soŋe Korowii dɛɛ tɛ heya, ásɛ o cha heyaa he soɡa bini won maɡre dɛ́ chɛ lee waa le heyaa dɛ tɛ o te la, dɛ́ tɛ heyaa kpeɡri he won ɛ wedɛɛɡa la bwa aa lɔ he bambile bini ne wobɛlbwa haa ŋɔ hé ɛ, yarada haa yaradao la nomanta.

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

2 Pita 1:10

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.

2 Pita 1:3

Yeesu dɔ Korowii kpeɡri la dɔŋ. Anee o kpɔ cha yaa, asɛ ya dɔ komɛlbwa yaa hiah dɛ won do le dɛɛ ɛ wedɛɛɡa. Yaa jemɛ Korowii waa le yaa ásɛ ya won dɔ o jirima ne o dadɛɛɡe la waa o ɛ ɡɛ.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 19:9

Anee nyundua torome la ŋɔ n be ŋɔ, “Chwerɛ waa nɔ bil. Nɛra baa yer ba ŋɔ bá ba di Pebie la hanfale kwaa la na som,” dɛ́ berɛ ŋɔ, “Korowii wobolee, a ɛ kasinteŋ.”