We-ɛɛla 2:27 - mzwDBL

²⁷ N Naa Korowii, haa he Biɡoroŋ waa soeh ba lalabwɛ. Haa ɡel o chɔ bɔɔ bini pɔh.

We-ɛɛla 2:27 ပူးပေါင်းရင်းမြစ်များ

Yela 116:3

Seo vɔɡ mɛ bil, lalbɔɔ weweele bɔle n nɛ n liire chɔɡ, ɔmee su n bwa.

Yela 16:10

tɔe haa dɛ tɔ mɛ ɡbemɡbe, dɛɛ le seo ta la wa. Haa he Bidɛɛɡe waa soeh ba lalabwɛ, haa ɡel ó chɔ bɔɔ bini pɔh.

Yela 49:15

Kɛ Korowii ɛɛ lɛɛ mɛɛ, wɛɛ lɛɛ mɛɛ le kpeɡri seo aa dɔa la nyoa.

Yela 86:13

He nyina aa wola jaɡa dɔe la kan tɛ mɛ! He lɛɛ mɛ le seo nyoa.

Yela 89:19

N Naa Korowii, saŋ la he pili he waa bini baɡle he nɛndɛɛɡa ŋɔ, “N tɛ banyoo bɛl kpeɡri, n kpɔ kora tɛ nɛn maa leo cheɡ le nɛra bini.

Jona 2:6

N sirimo ka chɔ bwejena lɔɡre, a do kɛŋɔ baa huɡ mɛ maa wola bɔree dɔ le dɛ́ dɔ n nyu. Kɛ n Naa Korowii le n ne seo ta.

Matiu 11:23

Ásɛ he Kapeeneɔm tena ɡe, he fe dɛ nyin kɛ he ɡbaɡba ir kaa Korowii doa kɛɛ? Baa viɡri heyaa Bɔnsam nii taa. Nyokpowaa nɔ maa ɛa he bini nɔ, dɛ ba fe ɛa Sodom aa, Sodom fe ta lole ba le fini, Korowii fe ta on chɔɡɛ.

Amanesoma Mak Aa Chwera Tɔn 1:24

“Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ la waa ŋɔa ŋɔ o dɛ ba bala la.”

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Luk Aa Chwera Tɔn 16:23

asɛ o ka jo Bɔnsam nii ta. Dɛ o dɛ na nii taeh. On ŋɔa o nyiŋi, dɛ na Abraham bojaŋ le, asɛ Lasorɔs so o be.

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Amanesoma Luk Aa Chwera Tɔn 4:34

“Aa! Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ waa ŋɔa ŋɔ o dɛ ba bala la.”

Amanesoma Jɔn Aa Chwera Tɔn 11:39

Yeesu ŋɔ ba be ŋɔ, “Hé laa bwe la ɡbili le bɔɔ la nyoa.” Belaa Maata waa ɛ Lasorɔs nimambie la ŋɔ o be ŋɔ. “N Dɔɔ, taraken o ken ka chɔɡɔ dɛ do sɔɔh, dɛkalkɛ o tɔpera anaarɛɛ la.”

We-ɛɛla 2:26

Anomanta, n sie lɛo, n wobol ɡe bwa ɛ bansɔɔhna wobol. Maa n bwadabii waa jare, dɛkalkɛŋɔ n sie dawɛ Korowii nɛ.

We-ɛɛla 2:28

He baɡ mɛ ŋwɛnɛ maa kpɔ dɛ́ dɔ mkpa saŋ bɛlbwa maa na he siwi la, n bwara ɛɛ sɔɔh mɛɛ.’

We-ɛɛla 2:31

Devid na chaahna dɛ won jemɛ waa Korowii aa dɛ ba ɛɛ kerekere. Anomanta, Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la seo ta ira waa o faa bol ŋɔ Korowii ta o waa soɛh lalabwɛ, o ta bɔɔ bini chɔe pɔh la.

We-ɛɛla 3:14

Wechɔɡa bɛlbwa toole o nɛ, wedɛɛɡa ɡboo o ɛ. Kɛ he ŋɔ haa on nyin, dɛ ŋɔ nɛn waa dɛ kpo nɛra laanee hɛɛ nyin kɛŋɔ Paelet foo ta dɛ́ ɡelo.

We-ɛɛla 4:27

Kpela ɡe, Hɛrɔd, ne Pɔnteɔs Paelet ne nɛra baa wola Juu tena ɛɛ, ne Israel tena bwa cheme bwɛjen nɔ ta. Ba yo Yeesu, he ɡbaɡba bonɔɔ waa wola wechɔɡe bɛlbwa dɔe la. Onee he ɛ he Kristo la.

1 Kɔrent 15:52

Aa ɛo wɔrɔbe nɛɛ kilo, ɡɛ saŋ Korowii bɛla aa ba si, dɛ́ baɡle waa bwa jaɡa la. Dɛ o sio waa, Korowii ɛɛ ir serewa laanee seo ta, ásɛ ba dɔ bwadabii waa wola pɔh, dɛ beɡre ya banɔ la yaa wola sewɛ dɛ ta so le la bwara,

1 Kɔrent 15:55

“Seo, lee he kpeɡri dɔɔ jaɔ? Ɛrɛɛ hɛɛ ba ɛɛ dɛ́ won do yaa weweele ta nɔ?”

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Wepila 20:13

Nɛra baa ka mpo ta la leɔ, asɛ nɛra baa sewɛ seo bwa soo siwi la ɡe le, asɛ Korowii che ɡɛ ba fa aa ɛa ta, dɛ bol ba waa dɛ pa bole.

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,