We-ɛɛla 2:20 - mzwDBL

²⁰ Wee dɛ ba bira, ásɛ korobie swɛɛ kɛŋɔ chal ken mɔɔ Korowii jirima Tɔpejen la ba.

We-ɛɛla 2:20 ပူးပေါင်းရင်းမြစ်များ

Aesaya 13:10

Weweela aa chaah ɡɛ saŋ, wee aa bɔr chaahna ba kpa, korobie ɡe aa won chaah.

Aesaya 13:15

Nomɛlbwa baa lawɔ la, baa yaɡɔɔ kere nee kpo.

Aesaya 13:9

Hé na! Tɔpere Korowii aa lea cheɡ la dɛ ba. Awola tɔpere la aa werii do kwara, o baah ɛɛ diu taeh. Wɛɛ ɛ harɛ nɔɔ kɛŋɔ pua hɛŋle ɡbo harɛ ken, dɛ́ chɔɡ wechɔɡ-ɛɛra le o ta.

Aesaya 24:23

Dɛ Koranar Bwa Kooro baa di o kora Saayɔn Bwejen ta Jerusalam aa, o kora dii jirima ɛɛ ɡwaa korobie chaahna ne wee lɔe, ásɛ bwɛjen la nomonome na dɛ́ jemɛ ɡɛ waa kana.

Aesaya 34:8

Korowii le tɔpere bɛl cheɡ, dɛ́ ba lɛ Jerusalam tena, dɛ́ chɔɡ ba dɔma bɔ kem.

Jeremia 4:23

N nyiŋi harɛ nɔ dɛ o ta mar dɔe, komɛlbwa toole o ta, asɛ nyundua ɡe, kwaa aa dɛ chaah bɔr toole.

Joel 2:1

Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Joel 3:14

Nɛra kaɡboŋa baa wola nyoa dɔe, lɔ Jehosafat Fɛlembɔjen bini. Dɛkalkɛ, Tɔpere Korowii aa lea cheɡ la telo tonɛ, fɛlembɔjen la bini.

Emɔs 8:9

Nemenɛ Korowii ŋɔ, “Awola tɔpere la, mɛɛ ɡeloo bɔr jo webaŋa ásɛ bobɛlbwa bir.

Malakae 4:5

Hé no, mɛɛ tomɛ n keame Elaeja he bee, mɔɔ men Korowii Tɔpejen waa do ɔma kohona la ba.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Matiu 27:45

Wee aa baa che nyufala la, bɔr biro jumaa ken dɛ ka tel wekee saŋ mɔɔ dɛ berɛ chaah ja.

Amanesoma Mak Aa Chwera Tɔn 13:24

A ɡɛ wekpeɡa nɔ baa ɛ dɛ kaa laa, wee aa bɔr chaahna ba kpa, korobie ɡe aa bɔr chaahna ba kpa.

Amanesoma Luk Aa Chwera Tɔn 21:25

Hɛɛ na nyokpowaa wee ne korobie ne weweela taa. Harɛ ta ɡe, mpo ɛɛ jiɡruu dɛɛ lɔ nehɛma kohona, ásɛ nɛra bwa ɔmɛ, ba bwara yɔr.

We-ɛɛla 2:19

Mɛɛ ɛ nyokpowaa nyundua ne harɛ taa, ásɛ nɛra na chal ne nii ne ninchuu kohona.

We-ɛɛla 2:21

A ɡɛ saŋ la, nomɛlbwa waa yerɛ men Korowii sɔn la, mɛɛ lɛo.’

1 Kɔrent 5:5

hé kpɔ naate bwadabii do Bɔnsam nɔn ta ó chɔɡo, ásɛ awola tɔpere ya Dɔɔ aa ba la, ó ɡe ba lɛ o doma te.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.

Wepila 16:8

Nyundua torome naarɛte la ɡe leɔ, dɛ ka fuɡe o kwaa ta wee ta, asɛ a tɛo kpeɡri wɛɛ nyaa kɛŋɔ nii ken,

Wepila 6:12

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal.