We-ɛɛla 2:11 - mzwDBL

¹¹ Ba lolɛ ya bane Juu tena harɛ, bane ɡe ɛ hɔɔhra, kɛ ya bwa ɡe dɛ tomɛ Korowii ɡɛ Juu tena aa dɛ tomɔ la. Ya bane ɡe le Kret ne Arab harɛre ta. Kɛ ya bwa dɛ no kɛŋɔ baa dɛ bol waa ya ɡbaɡba wobol ta dɛɛ baɡle wejena Korowii aa ɛa!”

We-ɛɛla 2:11 ပူးပေါင်းရင်းမြစ်များ

1 Koranar 10:15

Anɔ la waa dɔa dɛɛ le bonadiire ne kon-yoɡra ne Arab harɛ koranar dɛ nomonome baa chɔ harɛre nyoo be te ta jae.

2 Webena 17:11

Filisti tena bane kpɔ harɛ la ta kwaa ne suuɡapoŋa ba kɛo, Arab tena ɡe ba tɛo peera kaɡboŋa anuanɛ lafraanuanɛ, dɛ boohna kaɡboŋa anuanɛ lafraanuanɛ.

2 Webena 26:7

Korowii chao o pɔ Filisti tena ne Arab tena baa soɡe Gur Baal, dɛ Meuni tena nɛ.

Job Tɔn 9:10

O dɛ ɛ wejena nomɛlbwa aa wola won jemɛ a mun, dɛɛ ɛ nyokpowe-ɛɛla aa wola nyoa dɔe.

Yela 107:15

A chɛ kɛ bá kpɔ jam tɛ Korowii, o nyina aa wola jaɡa dɔe, ne o nyokpowaa waa ɛa tɛɛ ba la wa,

Yela 107:21

A chɛ kɛ bá kpɔ jam tɛ Korowii, o nyina aa wola jaɡa dɔe, ne o nyokpowaa waa ɛa tɛɛ ba la wa.

Yela 107:8

A chɛ kɛ bá kpɔ jam tɛ Korowii, o nyina aa wola jaɡa dɔe, ne nyokpowaa waa ɛa tɛɛ ba la wa,

Yela 111:4

O ɡelɔ yaa lii nyokpowaa waa ɛa, Korowii dɔ tedoma tɛ yaa dɛɛ na ya sum.

Yela 136:4

O ɡboo dɛɛ ɛ wejena aa ɛ nyokpoa. O nyina lole saŋ bɛlbwa dɛɛ la.

Yela 26:7

N ɡo yela kohona dɛɛ kpɛɛre, dɛɛ bol he nyokpowe-ɛɛla bwa wa.

Yela 40:5

N Naa Korowii yaa dɛ tomɛ, nyokpowe-ɛɛla haa ɛa la warɔ ɡa. Yaa won baɡle wejena haa vɔrɔwa bil tɛ yaa la, a warɔ kohona, yaa wola won kura.

Yela 71:17

N bechale saŋ bwaa he le baɡ mɛ he nyokpowe-ɛɛla wa, n ta ɛɛ bola dɛ ba le fini.

Yela 77:11

N Naa Korowii, mɛɛ lii he wejena haa ɛa la waa, he nyokpowaa haa ɛa saŋ la.

Yela 78:4

Yaa kpɔ sɔh ya bii, yaa boloo baɡle ya naanar baa ka ba, dɛ́ kpɛɛ Korowii kpeɡri ne o wejena, dɛ o nyokpo we-ɛɛla waa ɛa.

Yela 89:5

Kwaa aa lɔ nyundua dɛ kpɛɛ he nyokpowe-ɛɛla, nyundua toroma ɡe ɡo yela dɛɛ kpɛɛ he kasinteŋ haa dɔa.

Yela 96:3

Hé bol o jirima waa baɡle harɛre nɛra, dɛ́ bol o nyokpowe-ɛɛla waa baɡle nɛra bwa.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Aesaya 13:20

Nomɛlbwa aa belaa so kpa bwa, nɛra ba taa dɛ lol ba ne banɔ la ba ta aa dɛ ba ba lola bwa. Arab tena baa vala dɛɛ valɛ aa ba tɛnte deene baŋre bela, peteɡra kwara aa ba peeraa teɡɛ la bela á ka di kpa.

Aesaya 21:13

Waa aa chiɡ Arab harɛ ta, Korowii bol baɡle Aesaya chaahna ta laanee nɔ. Dedan tena haa lɔ Arab harɛ ta dɛ valɛ dɛɛ ɡaaɡe, pua hɛŋle ɡbo harɛ taa hɛɛ ba he tɛnte deene baŋra dɛɛ chɔ jwaana.

Aesaya 25:1

N Naa Korowii, henee mɛɛ tomɛ, mɛɛ tɛɛ sɔnee dɛ́ kpɛɛre. He ɛ nyokpowa, waa haa maɡla bil saŋ la, he ɛa kasinteŋ ne.

Aesaya 28:29

Gɛ liire nɔ bwa, Koranar Bwa Kooro bee a le. Baɡla waa baɡle nɛra waa dɔ nyokpoa, o wejema ta jaɡa dɔe.

Jeremia 25:24

ne Arab koranar bwa ne harɛfala koranar baa soɡe pua hɛŋle ɡbo harɛre ta,

Jeremia 3:2

Hé ha sie dɛ́ nyiŋi deŋɡarere dor! Bobɛl lole haa wola jwamane ka bɔe yaa? He yon so ŋwɛnɛ nyoa dɛɛ kpa baala kɛŋɔ nɛra baa soɡe pua hɛŋle ɡbo harɛ ta, dɛɛ ɡaaɡe ken. He cheɡɛ nyubinikpeɡ ne jwamane ta, dɛ kpɔ doŋa kah harɛ la.

We-ɛɛla 2:10

bane le Frejea ne Pamfilia, bane le Ijipt ne Lebya harɛ, Sairini jwɛɛh bela. Ya bane le Rom.

We-ɛɛla 2:12

Asɛ ba nyoa kpo kohona, baa bɔɔ dɔŋa ŋɔ, “Aah bɔkwa soo waa nɔɔ?”

We-ɛɛla 27:12

Leebɔdɛɛɡe leebɔɔ bela aa were ne stiimae la cheɡa peujena la saŋ. Ba ŋɔ stiimae leebɔdɛɛɡe lɔ Kret harɛ bwɛɛ bɛl baa dɛ yerɔ Finiks la ta, anomanta, ba kɛrɛdɛ ŋɔ bá takapɔ so stiimae la bini tama tama dɛɛ la bela dɛ́ ka so bela, ásɛ peujena la saŋ kaa mɔɔ. Dɛ Finiks leebɔɔ la chɔɔ kɛ korobifale ɡuri aa do ɡɛ la, asɛ o harɛ la nyoa bɛl sie chaɡɛ wee cholibɔr diɡ pera, asɛ bɛl ɡe chaɡɛ wee cholibɔr ɡal pera.

We-ɛɛla 27:13

A ta biɡre dɛ peujeɡa bɛl tao le weekaŋle harɛbɔr dɛɛ ba, asɛ ba lii kɛ baa wonoo kaa ɡɛ ba fe aa liira wubwa la. Ba laa ba stiimae la buni baa kpɔa do nee bini dɛ ɡel stiimae la ɛɛ che la kpɔ dɛ fɛrɛ Kret harɛ dɛɛ kaa.

We-ɛɛla 27:7

Ya kaalɔ tama tama ken tɔpera anɛ, mɔɔ dɛ ta ba tel Kenaedes, dɛkalkɛ dɛ peu aa yaa ŋwɛnɛ tɛ. Peu la aa wola ŋwɛnɛ tɛ la, ya pa sie Kret ne Salmone a bwa aa ɛ ekwie la baah ta, dɛ fɛrɛ Kret baŋ bela peu la aa wola bela te ta la dɛɛ kaa.

1 Kɔrent 12:10

O tɛ bane kpeɡri ba won nyokpowaa ɛɛ, asɛ bane ɡe won che o kpeɡri la ta, dɛ́ won bol Korowii Wa aa dɛ ba bala kerekere. O ɡelɔ bane won jemɛ kon la soo waa dɛ ir nɛra nɛɛ ba che o ta dɛɛ ɛ wa, dɛ ɡel bane ɡe won bol wobofala, asɛ dɛ ɡel bane ɡe won wobofala mun baɡla dɛɛ baɡle nɛra.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

Galaasia 1:17

N ta Jerusalam laŋɛ dɛ ka na nɛra baa tɔ sie ɛ Yeesu toroma n nɛɛ la mɔɔ. Pae n den pa sie kaa Arab harɛ. Maa le bela la, n baa kaa Damaskɔs.

Galaasia 4:25

Heeɡaa cheɡa tɛ Sinai Bwejen waa lɔ Arab harɛ ta la. O tenten, on cheɡa tɛ fini Jerusalam bwɛjen nɔ o nɛra bwa aa ɛ yoma nɔ.

Taetos 1:12

Kret tena la bɛl baa dɛ liiru kɛŋɔ o jemɛ wobol kɛrɛdɛ fa bolɔ ŋɔ, “Ya Kret tena bwa ɛ nyosonteŋna, ya we-ɛɛla do kɛŋɔ kpɔɡ bini ola ken. Ya ɛ bɔhwaahra dɛɛ di kwaa kohona.”

Taetos 1:5

N ɡele Kret harɛ ásɛ he tonɛ waa aa hiah kɛ he ɛ la bwa, dɛ́ cheɡ nomonome asɔrere aa lɔ bwɛɛre la bɛlbwa ta ɡɛ maa baɡle la.

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.