We-ɛɛla 2:1 - mzwDBL

¹ Ba tɔpejen baa dɛ yerɔ Pɛntekɔs la telo, asɛ ba bwa cheme bobeŋkpoŋ.

We-ɛɛla 2:1 ပူးပေါင်းရင်းမြစ်များ

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Kaala 23:16

Hé di Koo Kondikwaa Koma Tɔpejen la he koo kondikonloɡla ne. Hé di Koo Kondikwaa Nyoa Boara Tɔpejen la, benanyoa la aa ba kaa o jaɡa he yon boa he kooni kondikwaa bwa nyoa ba cheɡ dem la ta.

Kaala 34:22

Hé di Koo Kondikwaa Koma Tɔpejen la he meloɡla ne, dɛ́ di Koo Kondikwaa Nyoa Boara Tɔpejen benanyoa la aa baa kaa o jaɡa la.

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Sefania 3:9

A ɡɛ saŋ la, mɛɛ beɡre harɛre nɛra bwa liiree, ásɛ dɛ ɡel ba ɡel voɡa toma dɛɛ yerɛ n sɔn ɡbo. Ba bwa ɛɛ pɛ nyoa dɛɛ tom mɛ.

We-ɛɛla 1:5

Nee nee Jɔn sɔ nɛra Korowii ne, kɛ aa tɔpere bɛlee di ásɛ Korowii kpɔ o Domadɛɛɡe la sɔ heya. Anomanta, hé so kpao.”

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

We-ɛɛla 20:16

Yaa dɛ ba la, ya ta Ɛfesos cheɡɛ, dɛkalkɛ dɛ Pɔɔl aa nyin kɛ o ba biɡri Eesia harɛ ta. O dɛ nyin kɛ o won tel Jerusalam warane mɔɔ ba Pɛntekɔs Tɔpejen la tel.

We-ɛɛla 4:24

Ba bala la aa no waa la, ba bwa pɛo soŋe Korowii ŋɔ, “Nemenɛ Korowii haa ɛ komɛlbwa dɔɔ, hen ta nyundua ne harɛ ne mpo ne kwaa aa lɔ a ta bwa!

We-ɛɛla 4:31

Baa soŋe Korowii tonɛ la, dea baa lɔ o bini la jiɡro. Korowii Domadɛɛɡe baa so ba nɛ, asɛ baa bol Korowii Waa la bansua bwa ne.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

We-ɛɛla 5:12

Dɛ Yeesu toroma la dɛ ɛ wekpeɡa ne nyokpowaa nɛra la bini. Dɛ asɔre tena la dɛ cheme Korowii Dea la dahara bobɛl baa dɛ yerɛ bela Solomɔn Pato la ta.

Tɔn Pɔɔl Aa Chwerɛ Rom Tena 15:6

ásɛ he pɛ dɛ́ kpɔ nyopɛo kpɛɛ ya Dɔɔ Yeesu Kristo Mɛɛ Korowii.

1 Kɔrent 16:8

Mɛɛ so Ɛfesos bonɔɔ ka tel kɛŋɔ Pɛntekɔs Tɔpejen la aa tel,

Felepae 1:27

Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,

Felepae 2:2

amɔ hé ɛ waane dɛɛ ja, ásɛ n sie lɛ kohona ka tonɛ. N dɛ nyin kɛŋɔ he bwa dɔ nyopɛo, ásɛ he liire ne he dɔŋa nyina ne wobɛlbwa haa lii la bwa won ɛ beŋkpoŋ.