Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




We-ɛɛla 19:9 - mzwDBL

9 Ba bini bane deŋne kpeɡri baa waa la yarada kwara, dɛɛ bol Yeesu nɛɛ teŋa la waa aa wola were kwara nɛnlaa la bwa baah ta. Anomanta, Pɔɔl ɡel ba, dɛ lawɛ nɛra baa yarada Yeesu waa la, asɛ tɔpere bɛlbwa o ne ba kaa cheme bobɛl baa dɛ yerɛ bela Teraanɔs Sukuu la ta.

အခန်းကိုကြည့်ပါ။ ကော်ပီ




We-ɛɛla 19:9
39 ပူးပေါင်းရင်းမြစ်များ  

A ɡɛ saŋ la, dɛ Ɛfesos tena baa wola asɔre tena ɛɛ la lɛ ɡaeh nɛra baa dɛ teŋɛ ŋwɛnɛfale la ta la nɛ.


dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.


Nɛra nɔ te do kɛ kpɔɡ bini ola Korowii aa taa ŋɔ báa kpoa la ken. Baa liire kpɔe dɛɛ ɛ wa. Waa mun noe kpeɡri ba be naa, sisa wobolee ba bol dɛɛ yaɡa. Baa serewoo kɛŋɔ ola ken.


Bwɛjen la tena baah peɡro, bane teŋɛ Juu tena la nɛ, bane ɡe teŋɛ Yeesu toroma la nɛ.


Waa nɛra nɔ aa wola a mun jemɛ la, wobochɔɡaa ba bol dɛɛ yaɡa. Ba ne ola bwa beŋkpoŋ, dɛkalkɛ ola ta liire dɔe. Waa aa ɛ á bwara sɔɔhna la, anee aa ɛ. Gɛɛ ba ɡe do. An ɡee dɛɛ chɔɡ ba.


Nɛndamanta ɛɛ teŋɛ ba wedoŋa baa dɛ ɛ la taa, ásɛ a che a ta nɛra bol kasinteŋ ŋwɛnɛ wobochɔɡa kɛ waa were.


Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.


Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.


Ɛrɛɛ yaa ba ŋɔe yɔ? Gɛ Israel tena aa dɛ nyin kɛ ba waa su Korowii siwi la, ba ta ɡɛ dɔe. Nɛra tama Korowii aa lee ba ba ɛ o nɛra la, ba waa su o siwi. Ba kar taŋ deŋne Korowii be.


Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.


Dɛ n fa cheɡɛ nɛra baa teŋɛ ɡɛ ŋwɛnɛfale nɔ ta nɔ nɛɛ dɛɛ nyin ba dɛ́ kpo, dɛ lawɛ ba baala ne haahna bwa do deene.


Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.


hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.


Baa dɛɛ ɛ ba we-ɛɛlaa kɛ nɛra baa dɛ tomɛ Korowii ken, kɛ dɛɛ vɛh kpeɡri waa lɔ Korowii toma ta la te. Laa he te kpɔ ɡɛ nɛra nɔ nɛ.


He jemɔ kɛ nɛra baa lɔ Eesia harɛ ta bwa chwa mɛ, hale Fejelas ne Hɛmojenes ɡba jao.


Yaa no he nyoa wobolee, dɛkalkɛŋɔ ya jemɔ kɛŋɔ he ŋwɛnɛfale nɔ haa kpɔ o ta dɛɛ tomɛ Korowii nɔ te, baa o waa nyin bobɛlbwa.”


Webeŋkpoŋ ɡbo waa n jemɛ. Onee kɛ, awola baa chem mɛ la, n kpɔ takpeɡ ŋɔ, ‘Maa dɛ yarada kɛ nɛra bwa ɛɛ ir seo taa la, a waa he laɡ mɛ cheme bonɔ nɔ.’ ”


A waa n ŋɔ hɛ́ɛ nyiŋi kɛrɛdɛ ŋɔ he bɛ ba soh kɛ n fa aa lɔ he be bene atoro bwa dɛ yon dɛɛ ja heyaa Korowii waa ta tɔpebii te bɛlbwa, dɛ koh he waa dɛɛ wi la.


Pɔɔl fe dɛ nyin nɛra la be bela laŋa, kɛ nɛra baa dɛ teŋɛ Yeesu nɛɛ la ta on ŋwɛnɛ tɛɛ.


Bane yarada Pɔɔl waa la, dɛ ba ja o ne Silas nɛ. Bela haahna baa ɛ nɛnjena la ɡalɡa, ne bela Grik tena baa dɛ tomɛ Korowii la ɡalɡa ɡe baa ja ba nɛ.


Waa nao la, o kpɔɔ kaa Anteɔk. Baa lɔ bela la, ba benanyobir bwa, dɛ ba ne bela asɔre tena dɛ cheme. Ba baɡle nɛra pirim Yeesu waa bela. Anteɔk belaa ba tɔ sie yerɛ nɛra baa yarada Yeesu la Kristo tena.


“Korowii tɔɔɡe ba sie, dɛ ɡel ba bambile do kpeɡri, ɡɛ aa ɛ ba sibie bɛ na, ásɛ ba liiree bini bɛ chaah ba no a mun, á ba ɛ kɛ baa charɛ ba liire dɛ́ ba o be ó chaah ba.”


Anee Yeesu pɛɛ nɛra la ŋɔ, “Ŋwɛɛree men he kpɔ keri ne ɡule dɛɛ ba dɛ́ ba laɡ mɛ naa? Tɔpere bɛlbwaa n ne heyaa yon so Korowii Dea bela, ásɛ mɛɛ baɡle nɛra wa, kɛ he ta men bela lawɛ.


Fini nɛra haa ɛ wechɔɡ-ɛɛra ɡbo haa wola Korowii ɔmɛ nɔ, heyaa ŋɔa ń ɛ nyokpowaa he na naa? Maa wobɛlbwaa ɛ hé na. Waa aa pu Korowii keame Jona la dɔŋa ɡboo dɛɛ ba n ɡe pui, ásɛ he che a ta dɛ́ jemɛ n nɛnsoo.” Anomanta, o ɡel ba bela dɛ kaa.


He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”


“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”


Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.


Menee boɡoroŋ haa jo dɛ́ dɔ he nyu. N berɔ do kɛŋɔ bwe Israel tena ne Juda tena aa lɔ naa dɛ choɡli, dɛ berɛ do kɛŋɔ bel dɛ chɔ kpa Jerusalam tena dɛ́ laɡ ba.


Nɛn waa dɛ no n waa la, o na som, nɛn waa dɛ so n dem doonyoa kɛɛ dɛɛ kpa bela la, o na som.


“He bɛ deŋnekpeɡ ɛ kɛŋɔ he naawa fa aa ɛ deŋnekpeɡ Mɛreba, dɛ vɛh o waa noe, dɛ jo o nɛɛ la, ɡɛ baa ɛa pua hɛŋle ɡbo harɛ ta Maasa la.


He kah ba ŋɔ baa teŋɛ he webaɡla ta, kɛ ba ɛ mbarafo ba ta he Mmarare ta teŋɛ, a lole kɛŋɔ he waa ta teŋa taa dɛɛ tɛ mkpa. Ba ɛ deŋnekpeɡ, dɛ berɛ habɔɔ kpoe, dɛ vɛh he waa ta teŋa.


Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.


He bɛ lwɛmkpeɡ ɛ kɛ ban, dɛ́ kpɔ he te do Korowii haa dɛ tomɔ la lɔɡa. Hé ba o Dea waa ɡela o do ɡoroŋ saŋ bɛlbwa la bini Jerusalam, dɛɛ tomɔ ásɛ o bandia le he nɛ.


Kɛ Israel tena ta noɛ, dɛ ɛ deŋnekpeɡ kɛŋɔ ɡɛ ba naawa aa wola Korowii baa dɛ tomɔ yaradae la.


dɛkalkɛŋɔ n dɔ bɔr bonɔ dɛ́ won ɛ Korowii toma kohona, ásɛ a le tɔnɔ dɛ tɛo. Nɛra baa dɛ nyin ba tɔ n toma ŋwɛnɛ la warɔ te.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ