We-ɛɛla 19:26 - mzwDBL

²⁶ Kɛ taraken, he ɡbabir na waa Pɔɔl nɔ aa dɛ ɛ, dɛ no waa waa dɛ bol. Ɛfesos bonɔ ɡbo laa wɛɛ ɛ o waa nɔ. Eesia harɛ kɛrɛdɛ bwaa wɛɛ ɛa. O wono berɛ nɛndamanta bwa liire baa teŋɛ waa waa dɛ baɡle la ta. O waa waa dɛ bol laanee kɛ voɡa nɛwɛnyini ɡbaɡba aa kpɔ nɔn dɛɛ ɛa la ta kasinteŋ dɔe.

We-ɛɛla 19:26 ပူးပေါင်းရင်းမြစ်များ

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Hosia 8:6

Israel harɛ taa voɡ la le, Israel tee loɡɔ, men Korowii laa. Samaria nabale la, baa kuuɡu buruburu ken.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

We-ɛɛla 17:29

Korowii biirii yan, anomanta, ya bɛ on kpɔ maɡɛ suuɡaswɛm ne suuɡapoŋ ne bwea koŋkwaare nɛwɛnyini ɡbaɡba aa kpɔ ba liire maa la.

We-ɛɛla 18:19

Ba kaa tel Ɛfesos, asɛ Pɔɔl ɡel ba dɛ te kaa bela cheremi dea, asɛ o ne bela Juu tena kaa bol Korowii wa.

We-ɛɛla 19:1

Apolos aa lɔ Kɔrent la, Pɔɔl kpɔ harɛ la bwe doa bɔr dɛ ka le Ɛfesos. Waa la bela la, o kaa pu nɛra baa dɛ teŋɛ Yeesu nɛɛ la bane bela,

We-ɛɛla 19:10

Gɛ Sukuu la ta laŋa dɛ kaa hweli Korowii waa tɔpere bɛlbwa la, ba ɛ ɡɛ bene anɛ. Anomanta, Juu tena ne Grik tena ɛɛ dɛ do Eesia harɛ ta bela bwaa no Yeesu waa la.

We-ɛɛla 19:25

O yerɛ o tom-ɛɛra la bwa ne nɛra o ne baa dɛ ɛ tonsiwi beŋkpoŋ la bwa, dɛ ŋɔ ba be ŋɔ, “Yabala, he jemɔ kɛ toma nɔ taa a che ya do wer la.

1 Kɔrent 12:2

He na kɛŋɔ ɡɛ saŋ he fa aa wola Korowii tomɛ la, dɛ he nyoɡrɔ dɛɛ tomɛ voɡa aa wola waa bol, kɛ dɛ a dɔ kpeɡri he nɛɛ hɛɛ toma.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Galaasia 4:8

Wubwa la, dɛ haa Korowii jemɛ, anomanta, dɛ koŋkwaa aa wola Korowii ɡbaɡba ɛɛ la ɔma vɔrɔwe heya.

Mmarare 4:28

Bela haa ka so la te, hɛɛ tomɛ voɡa nɛwɛnyini aa ɛa, daa ne bwea aa wola na, aa waa no, aa kwaa di aa wola sɔɔh ɡe no.

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.