We-ɛɛla 19:19 - mzwDBL

¹⁹ Asɛ ba bini bane baa ɛ dobodobo ka mɔɔ dɛ ɛ asɔre tena la le ba tɔne baa nyiŋi a bini dɛɛ ɛ dobodobo la ne, dɛ kpaa nii do a ta bombaah bela. Baa kari tɔne la suuɡa la, aa do kanee. Aa tel suuɡapoŋa kaɡboŋa fifraanuee.

We-ɛɛla 19:19 ပူးပေါင်းရင်းမြစ်များ

Mumpar 35:4

Anomanta, ba pa ba voɡa aa lɔ ba be la bwa ne deŋna kwaa baa doa la tɛ Jekɔb. Asɛ o huɡe a ɡɛ laala la bwa dajen bɛl waa cheɡa bɛne bwɛjen Sɛkem la mun.

1 Webena 10:13

Kooro Sɔɔl kasinteŋ bɛ dɔe dɛ tɛ Korowii waa o sewɛ. O ta Korowii waa ta teŋɛ, hale dɛ ka bɔɔ dɛɛ le nɛn waa dɛ yerɛ lala be, ó baɡlo waa waa ɛ,

2 Webena 33:6

O kpoo o bibaala, dɛ fuuh ba ɛ saraha Henɔm Fɛlembɔjen bini. O ɛ sɔm we-ɛɛla, dɛ voɡɛ dɛ yerɛ lala, dɛ la tɛɡre tena be. O ɛ wechɔɡa taeh, dɛ jo Korowii nɛɛ dɛ ir o bandia kohona.

Kaala 32:20

Belaa o fuh nabale baa kwaaro la, asɛ o namɔ dɛ ɛ o men la merɛ nee sie, asɛ dɛ ɡel Israel tena la nyɔ.

Kaala 7:11

Ijipt kooro yerɛ Ijipt wejerema ne dobodobo tena cheme, asɛ dobodobo tena ɡe ɛ ba wa.

Kaala 7:22

Belaa Ijipt dobodobo tena ba ɛ ba wa dɛ ɡe ɛ ɡɛ tenten. Dɛ kooro ta lɔ o deŋnekpeɡ la ta, o ta ba waa la ta noɛ ɡɛ Korowii aa bola la.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 8:19

Nɛra ŋɔ he be ŋɔ hé la voɡra baa dɛ bol waa woroworo ne ajɔsaara be dɛ́ ka jemɛ waane bini naa, dɛ a dɔ mun aa? Bɔkwa waa chɛ kɛŋɔ yá ka bɔɔ lala dɛ́ jemɛ weera waa bini nɔ? Korowii yaa dɛ tomɔ laa chɛ kɛŋɔ yá kpɔ ya waa dɛɛ bil o sie naa?

Daneɛl 2:2

Anomanta, o ɡelɔ ba ka yerɛ dobodobo tena, ne nɛra baa dɛ ɛ sɔmwe-ɛɛla, ne voɡra dɛ wejerema baa jemɛ weweela waa ŋɔ bá ba baɡlo deera la mun. Baa ba o be la,

Lewi Dea Tena 13:52

A chɛ kɛ sɔfo la fuh kon la, konfɔɔla aa yɛɛra jo o ta la wa.

Amanesoma Luk Aa Chwera Tɔn 14:33

Gɛ tentenee a chɛ kɛ he so lii mɔɔ. Nomɛlbwa ta o komɛlbwa ɡelaa, waa won ɛ n habɔteŋre.

Amanesoma Luk Aa Chwera Tɔn 15:8

Gɛ laa ɡe aa, haah besoo lole dɛ dɔ suuɡapoŋa fi, asɛ dɛ beŋkpoŋ nyoɡraa, waa wola niinii choŋi dɛ chaa o dea dɛ ɡaaɡe o bɔr sibeɡra ne ka tel kɛŋɔ waa nao wɔ?

We-ɛɛla 13:6

Ba ɡaaɡe Saepros harɛ la bwa ta, dɛ bol Korowii Waa baɡle nɛra, dɛ ka le o nyoa bwɛɛ bɛl baa dɛ yerɔ Pafɔs la ta. Baa tel Pafɔs la, ba kaa na Juu te dobodobo te bɛl. Dɛ o sɔne Baa Jesɛs. Dɛ Grik tena ɡe dɛ yerɔ Ɛlemas. O koh o dobodobo la waa dɛɛ yerɛ o te Korowii keame.

We-ɛɛla 13:8

Dɛ dobodobo te la aa nyin kɛŋɔ nomoa la no Yeesu wa, dɛɛ tɔ Banabas ne Sɔɔl ŋwɛnɛ, dɛɛ tɔŋ ba.

We-ɛɛla 19:18

Name nɛra baa yaradaa la kɛrɛdɛ le bombaah dɛɛ bol wechɔɡa baa ɛa, dɛɛ sɛh ba chɔɡre.

Hibru 10:34

He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.