We-ɛɛla 19:17 - mzwDBL

¹⁷ Juu tena ne Grik tena baa lɔ Ɛfesos la bwa no ɡɛ waa nɔ, asɛ ɔmee laɡ ba kɛrɛdɛ. Gɛ waa nɔ aa chiɡa la, bela tena ta Yeesu waa la wesale liire kpa. Ba ɔmɔ kɛrɛdɛ.

We-ɛɛla 19:17 ပူးပေါင်းရင်းမြစ်များ

2 Samoɛl 6:9

Kooro Devid ɔmɛ Korowii awola tɔpere dɛ ŋɔ, “Dɛ n kpɔ Korowii Ne Nɛwɛnyina Fɔo Daka nɔ ba n be bonɔ naa, ɛrɛɛ mɛɛ ba wona nyiŋi o ta nɔ?”

Yela 64:9

Nɛwɛnyina bwa ɛɛ ɔmɔɔ, dɛ́ na waa Korowii aa ɛa, dɛ́ kpɔ do ba liire bini.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Amanesoma Luk Aa Chwera Tɔn 1:65

Belaa ɔmee lawɛ nɛra baa lɔ bela la bwa, asɛ ba kpɔ ɡɛ waa nɔ perɛ Juda deŋɡarere harɛ bwɛɛre la bwa ta.

Amanesoma Luk Aa Chwera Tɔn 7:16

Ɔmee lawɛ nɛra baa lɔ bela la bwa, asɛ baa kpɛɛ Korowii dɛɛ ŋɔ, “Korowii keamejen bɛl ba ya bini bonɔ! Korowii balɔ dɛ́ ba lɛ o nɛra!”

We-ɛɛla 13:12

Nomoa la aa na a ɡɛ waa nɔ la, o yarada Yeesu waa dɛ kpɔ o te tɛo, dɛkalkɛŋɔ Yeesu waa la baa dɛ chaɡle la kpo o nyoa.

We-ɛɛla 18:19

Ba kaa tel Ɛfesos, asɛ Pɔɔl ɡel ba dɛ te kaa bela cheremi dea, asɛ o ne bela Juu tena kaa bol Korowii wa.

We-ɛɛla 18:21

Kɛ waa dɛ ba ba be lee dɛ kaa la, o ŋɔ ba be ŋɔ, “Dɛ Korowii sɛoh te naa, mɛɛ berɔɔ ba he be,” dɛ́ che Ɛfesos kpɔ stiimae kaa.

We-ɛɛla 19:1

Apolos aa lɔ Kɔrent la, Pɔɔl kpɔ harɛ la bwe doa bɔr dɛ ka le Ɛfesos. Waa la bela la, o kaa pu nɛra baa dɛ teŋɛ Yeesu nɛɛ la bane bela,

We-ɛɛla 19:16

Ate, dɛ baa la kwaa aa dɛ ir o nɛɛ la ɡuɡ ba dɛ lɔɔ ba, dɛ a ɔma. O do ba bola, dɛ kɛɛ ba laala dɛ wur ba, asɛ ba chwa le o dem bela.

We-ɛɛla 19:18

Name nɛra baa yaradaa la kɛrɛdɛ le bombaah dɛɛ bol wechɔɡa baa ɛa, dɛɛ sɛh ba chɔɡre.

We-ɛɛla 2:43

Dɛ Korowii cheɡɛ Yeesu toroma la nɛɛ dɛɛ ɛ tomkpeɡa, asɛ nɛra bwa nyoa kpo baa ɔmɛ.

We-ɛɛla 5:11

A ɡelɔ asɔre tena la bwa ne nomɛlbwa waa no a waa ɔmɛ taeh.

We-ɛɛla 5:13

Dɛ nɛra baa wola Yeesu waa yarada la dɛ kpɛɛ ba kɛrɛdɛ. Kɛ dɛ ba dɛ ɔmɛ kɛŋɔ bá ba puu ba dɛɛ so Solomɔn Pato ta bela.

We-ɛɛla 5:5

Ananias aa dena no waa nɔ la, o den chole, dɛ sewɛ ɡe. Nɛra baa no a ɡɛ waa nɔ la bwa ɔmɔ kɛrɛdɛ.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

2 Tesalonika 1:12

Ya dɛ soŋe Korowii ɡɛ, ásɛ ya Dɔɔ Yeesu sɔn won dɔ jirima dɛ́ le he we-ɛɛla ta, ásɛ he ɡe ɡba won dɔ jirima dɛ́ le o be. N Naa Korowii ne ya Dɔɔ Yeesu Kristo suna waa dɛ sune ya nɛɛ dɛɛ cha yaa la nomanta, á bwa won ɛ ɡɛ.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.

1 Samoɛl 6:20

Anee Bɛt Sɛmɛs baala ŋɔ, “Umee dɛ́ won che Korowii o wa aa do ɡoroŋ nɔ sie nɔ? Leperaa ya kaa Daka nɔ ne ó le ya nɛɔ?”