We-ɛɛla 19:10 - mzwDBL

¹⁰ Gɛ Sukuu la ta laŋa dɛ kaa hweli Korowii waa tɔpere bɛlbwa la, ba ɛ ɡɛ bene anɛ. Anomanta, Juu tena ne Grik tena ɛɛ dɛ do Eesia harɛ ta bela bwaa no Yeesu waa la.

We-ɛɛla 19:10 ပူးပေါင်းရင်းမြစ်များ

We-ɛɛla 13:12

Nomoa la aa na a ɡɛ waa nɔ la, o yarada Yeesu waa dɛ kpɔ o te tɛo, dɛkalkɛŋɔ Yeesu waa la baa dɛ chaɡle la kpo o nyoa.

We-ɛɛla 16:6

Ba valɔ dɛ ka kpɔ harɛre baa dɛ yera Frejea ne Galaasia la ta, dɛkalkɛ Korowii Domadɛɛɡe la ta ban ŋwɛnɛ tɛɛ bá bol Yeesu waa la Eesia harɛ.

We-ɛɛla 18:11

Anomanta, Pɔɔl soɡe bwɛɛ la ta dɛ baɡle nɛra Korowii waa benanyoa dɛ korobie anumɛl.

We-ɛɛla 18:4

Dɛ o dɛ la ba cheremi dea Ona Tɔpere bɛlbwa dɛ kaa bol wa, asɛ o ne Grik tena ne Juu tena bwa yon dɛɛ nyiŋi Korowii waa bini. Dɛ o dɛ tɔŋ ba, ásɛ ba fe teŋɛ o kon ta.

We-ɛɛla 19:20

Gɛ ŋwɛnɛkpeɡ nɔ taa a che Korowii waa la perɛ, dɛ won do kpeɡri kohona.

We-ɛɛla 19:22

O tomɛ o bonɔɔna banɛ baa dɛ yer ba Timoti ne Erastos la, asɛ ba tɔ o sie kaa Makidoonia harɛ. Kɛ o te soɡe Eesia harɛ ta tama.

We-ɛɛla 19:8

Pɔɔl di korobie atoro bwa bela, dɛɛ bol Korowii Waa bela tena be bansua ne ba cheremi dea bini. O laɡ ba dɛɛ so, o ne baa bol Korowii Kora la wa. O takapɔ kɛ wɛɛ berɛ ba liiree, ásɛ ba fe teŋɛ o kon ta.

We-ɛɛla 2:9

Ya bwa harɛre kokoɡrɔ. Ya bane le Paatea, bane le Midia ne Elam, bane ɡe le Mɛsopoteemea ne Juda, ne Kapadoosia. Ya bane ɡe le Pɔntos ne Eesia,

We-ɛɛla 20:18

Baa bala la, o ŋɔ ba be ŋɔ, “Le awola maa ba he be Eesia harɛ bonɔ la ba le fini, he na n da maa kpoŋa bwa.

We-ɛɛla 20:31

A waa n ŋɔ hɛ́ɛ nyiŋi kɛrɛdɛ ŋɔ he bɛ ba soh kɛ n fa aa lɔ he be bene atoro bwa dɛ yon dɛɛ ja heyaa Korowii waa ta tɔpebii te bɛlbwa, dɛ koh he waa dɛɛ wi la.

We-ɛɛla 6:9

Belaa Juu tena baa dɛ cheme cheremi dea bɛl baa dɛ yerɔ Libetines la, ir dɛɛ tɔŋle Steeven. Dɛ Juu tena nɔ le Sairini ne Alɛksandrea, bane ɡe le Silisia harɛ ne Eesia harɛ ta.

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Tɔn Pɔɔl Aa Chwerɛ Rom Tena 10:18

Mɛɛ bɔɔ heyaa webeŋkpoŋii. Kpelaa kɛŋɔ ba ta noɛ yaa? Ba noɔ, dɛkalkɛŋɔ Korowii Tɔn bolɔ ŋɔ, “Ba waa baa dɛ bol la la harɛ ta bobɛlbwa nɛra aa lole, a tel harɛ jaɡa bwa.”

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.

2 Timoti 1:15

He jemɔ kɛ nɛra baa lɔ Eesia harɛ ta bwa chwa mɛ, hale Fejelas ne Hɛmojenes ɡba jao.

1 Pita 1:1

Men Pita maa ɛ Yeesu Kristo torome la, men chwerɛ tɔn nɔ dɛɛ tɛ he Korowii nɛra haa peɡra dɛ ka ɛ hɔɔhra Pɔntos, ne Galaasia, ne Kapadoosia, ne Eesia dɛ Bitiinia harɛre ta la.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,