We-ɛɛla 18:5 - mzwDBL

⁵ Silas ne Timoti aa le Makidoonia harɛ ba la, a taa Pɔɔl do kpeɡri name dɛ ɡel wobɛlbwa ɛɛ dɛɛ bol Yeesu waa la, dɛɛ di danseɛ dɛɛ baɡle Juu tena kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la.

We-ɛɛla 18:5 ပူးပေါင်းရင်းမြစ်များ

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Ɛsekeɛl 3:14

Korowii Doma la baa so n nɛɛ kpeɡri nɛ, dɛ kpɔ mɛ kaa, asɛ n sie beɡre n baah di n bambile bini.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Amanesoma Luk Aa Chwera Tɔn 12:50

Wahala ane chɔ n sie a chɛ kɛŋɔ bá do mɛ a ta kɛŋɔ ba dɛ sɔ nɛn Korowii ne aa, ba yon doo nee ta la. Dɛ n ta a ɡɛ wahala la nae tonaa, n bambile ta men sɔɔhnɛ.

Amanesoma Luk Aa Chwera Tɔn 16:28

dɛ́ ka kah n nimanar banue bane baa lɔ bela la ŋɔ, ɡɛ maa ɛa la, ba bɛ ɡɛ ɛ ásɛ dɛ ba bonɔ maa lole dɛɛ na wahala nɔ.’

Amanesoma Jɔn Aa Chwera Tɔn 1:41

Waa waa tɔ sie ɛ laanee kɛŋɔ o kaa nyin o dɔɔ Seemɔn bɔr, dɛ ŋɔ o be ŋɔ, “Ya na Mɛsaya la.” Mɛsaya munii Kristo.

Amanesoma Jɔn Aa Chwera Tɔn 10:24

asɛ Juu tena ba baro cheme dɛ pɛɛro ŋɔ, “Ɛrɛɛ he ta ɡel yaa ɛ he waa aahna aahna ken nɔɔ? Dɛ henee Kristo la aa, den ɡel ya jemɛ.”

Amanesoma Jɔn Aa Chwera Tɔn 15:27

He ɡe ɛɛ bol n waa baɡle nɛra, dɛkalkɛ chɔɔ bwaa n ne he do le.”

Amanesoma Jɔn Aa Chwera Tɔn 3:28

Maa ŋɔa ŋɔ n laa Kristo la, dɛ ŋɔ tomaa ba tom mɛ ŋɔ ń tɔ o sie la, he ta noɛ yaa?

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

We-ɛɛla 15:22

Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane.

We-ɛɛla 16:1

Pɔɔl baa le Dɛɛbe ne Lestra dɛ ba na asɔre te bɛl baa dɛ yerɔ Timoti la bela. Dɛ o nya ɛ Juu te dɛɛ yarada Yeesu wa. Asɛ o mɛɛ te ɛ Grik te.

We-ɛɛla 16:12

dɛ ka che bela kpɔ harɛ kaa Felepae. Dɛ Felepae nɔɔ ɛ Makidoonia be pera bwɛɛre la bwa bwɛjen. Dɛ koojen waa dɛ nyiŋi Rom harɛ laanee dɔ bela. Ya biɡri bela tama.

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 17:3

Dɛ o dɛ baɡ ba Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛwɛnyina la waa Korowii Tɔn bini, ásɛ ba jemɛ kɛ Korowii keamere fa baɡlɔ kɛŋɔ Kristo la ɛɛ na wahalaa dɛ́ sewɛ, dɛ́ ir seo ta. Gɛ baa chwera la chɛ kɛ a ɛ. Waa bol ɡɛ tonɛ la, o ŋɔ ba be ŋɔ, “Yeesu nɔ n yon dɛɛ bol o waa nɔ, onee Kristo la.”

We-ɛɛla 18:28

O wono baɡle Korowii Waa bini bombaah kpeɡri nɛ, Juu te bɛlbwa aa wola wone tɔŋlo, dɛ won baɡle waa Korowii Tɔn bini kɛŋɔ Yeesuu Kristo la waa ɛ nɛwɛnyina bwa Lɛɛ la.

We-ɛɛla 2:36

Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

We-ɛɛla 20:23

Waa maa jema bwaa kɛŋɔ bwɛjen bɛlbwa ta maa la la, ɡɛɛ Korowii Domadɛɛɡe che nɛra nɛɛ dɛ ŋɔ wahala ne dea chɔe chɔ n sie dɛɛ kpaa mɛ.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 4:20

Waa ya ɡbaɡba aa naa dɛ no la, yaa won ɡel a bola bwa!”

We-ɛɛla 9:22

Sɔɔl aa dɛ bol Korowii Waa la, dɛ name kwaraa o wobol la bini ɛɛ do kpeɡri. O baɡlɔ le Korowii wobol la ta kɛŋɔ Yeesuu Kristo la kasinteŋ, anomanta, Juu tena baa soɡe Damaskɔs la ta wone tɔŋlo kpa.

2 Kɔrent 1:19

Korowii Bie Yeesu Kristo la n ne Silvanos ne Timoti aa baɡle o waa he be la dɔ kasinteŋ. O ta dɔe kɛŋɔ o ŋɔ ɔɔh, dɛ berɛ le habɔɔ dɛ ŋɔ ɔɔhɔh. O te bol wa aa, dɛ o bolɔ.

2 Kɔrent 11:9

Gɛ saŋ maa lɔ he be la, suuɡa waa hiah mɛ naa, maa n te kpɔe dɛɛ dawɛ he nɛ. Yabala baa le Makidoonia harɛ ba laanee baa tɛ mɛ kwaa maa dɛ nyin bwa. Gɛ n fa aa wola n te kpɔe dawɛ he nɛɛ wubwa la, ɡɛɛ maa wola n tenee kpɔ dawɛ he nɛɛ saŋ bɛlbwa bwa.

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

Felepae 1:23

N chinchaŋo. N dɛ nyin kɛ n sewɛ dɛ́ ka so Yeesu Kristo be. A bɔ kohona kɛ maa soɡe bonɔ.

1 Tesalonika 3:2

Timoti ɛ ya dɔŋ dɛ ɛ Korowii torome dɛɛ bol Yeesu Kristo Amanesoma la wa. Ya tomɔ ó ba do heyaa ɡbemba dɛ́ ja heyaa he yarada haa dɛ yarada Korowii la bɔr,

1 Tesalonika 3:6

Kɛ taraken Timoti aa le he be ba la, o ba amanesoma ne kɛŋɔ he dɛ yarada Korowii dɛɛ nyin nɛra ɡe. O ŋɔ ya be ŋɔ he dɛ lii ya waa kɛrɛdɛ tɔpere bɛlbwa, dɛɛ nyin kɛ he na yaa ɡɛ yaa dɛ nyin heyaa dɛ na la.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.