We-ɛɛla 18:19 - mzwDBL

¹⁹ Ba kaa tel Ɛfesos, asɛ Pɔɔl ɡel ba dɛ te kaa bela cheremi dea, asɛ o ne bela Juu tena kaa bol Korowii wa.

We-ɛɛla 18:19 ပူးပေါင်းရင်းမြစ်များ

We-ɛɛla 18:20

Nɛra la fe ŋɔ ó so ba be tama, kɛ o ta sɛɛh.

We-ɛɛla 18:21

Kɛ waa dɛ ba ba be lee dɛ kaa la, o ŋɔ ba be ŋɔ, “Dɛ Korowii sɛoh te naa, mɛɛ berɔɔ ba he be,” dɛ́ che Ɛfesos kpɔ stiimae kaa.

We-ɛɛla 18:24

Dɛ Juu te bɛl ɛ bwɛɛ bɛl baa dɛ yerɔ Alɛksandrea la bie, dɛ ba Ɛfesos, asɛ baa yerɔ Apolos. Dɛ o jemɛ wobol taeh, dɛ jemɛ Korowii Tɔn bini waa ɡe kɛrɛdɛ.

We-ɛɛla 18:4

Dɛ o dɛ la ba cheremi dea Ona Tɔpere bɛlbwa dɛ kaa bol wa, asɛ o ne Grik tena ne Juu tena bwa yon dɛɛ nyiŋi Korowii waa bini. Dɛ o dɛ tɔŋ ba, ásɛ ba fe teŋɛ o kon ta.

We-ɛɛla 19:1

Apolos aa lɔ Kɔrent la, Pɔɔl kpɔ harɛ la bwe doa bɔr dɛ ka le Ɛfesos. Waa la bela la, o kaa pu nɛra baa dɛ teŋɛ Yeesu nɛɛ la bane bela,

We-ɛɛla 19:17

Juu tena ne Grik tena baa lɔ Ɛfesos la bwa no ɡɛ waa nɔ, asɛ ɔmee laɡ ba kɛrɛdɛ. Gɛ waa nɔ aa chiɡa la, bela tena ta Yeesu waa la wesale liire kpa. Ba ɔmɔ kɛrɛdɛ.

We-ɛɛla 19:26

Kɛ taraken, he ɡbabir na waa Pɔɔl nɔ aa dɛ ɛ, dɛ no waa waa dɛ bol. Ɛfesos bonɔ ɡbo laa wɛɛ ɛ o waa nɔ. Eesia harɛ kɛrɛdɛ bwaa wɛɛ ɛa. O wono berɛ nɛndamanta bwa liire baa teŋɛ waa waa dɛ baɡle la ta. O waa waa dɛ bol laanee kɛ voɡa nɛwɛnyini ɡbaɡba aa kpɔ nɔn dɛɛ ɛa la ta kasinteŋ dɔe.

We-ɛɛla 19:28

Nɛra la aa no ɡɛ waa nɔ la, ba bwaawee iro, asɛ baa dooɡe lɔŋɔre dɛɛ ŋɔ, “Ya Ɛfesos tena voɡ Aatemes nɔ dɔŋ toole!”

We-ɛɛla 19:35

Belaa ba bwɛjen karake nomoa waa chɔ ba nyoa la le dɛ ɡel ba tɔ nyoa. Baa tɔ nyoa la, o ŋɔ ba be ŋɔ, “Yabala Ɛfesos tena, nomɛlbwa jemɔ kɛŋɔ ya bwɛɛ nɔɔ dɔ ya voɡjen Aatemes voɡ dea dɛɛ nyiŋi o ta. Yanee dɔ Aatemes bwe la aa le Korowii doa ba le harɛ la ɡe.

We-ɛɛla 20:16

Yaa dɛ ba la, ya ta Ɛfesos cheɡɛ, dɛkalkɛ dɛ Pɔɔl aa nyin kɛ o ba biɡri Eesia harɛ ta. O dɛ nyin kɛ o won tel Jerusalam warane mɔɔ ba Pɛntekɔs Tɔpejen la tel.

We-ɛɛla 20:17

Pɔɔl cheɡɛ Maeletus kal Ɛfesos asɔre tena nomonome ŋɔ bá ba o be Maeletus.

We-ɛɛla 21:29

Dɛ ba na o ne baa bɛl waa le Ɛfesos baa yerɔ Trɔfemos la bwɛjen Jerusalam bela. A waa ba ŋɔ ɡɛ la, dɛkalkɛ dɛ ba dɛ lii kɛŋɔ Pɔɔl jo o ne ba Korowii Dea la bini.

1 Kɔrent 15:32

Gɛ nɛra fa aa ɛɛ mɛ Ɛfesos la do kɛŋɔ n ne kpɔɡ bini ola aa yoa ken. Dɛ harɛ nɔ ta waa ɡbo waa n ne ba yo aa, bɔkwa tɔnɔɔ n dɔ a ta nɔ? Dɛ nɛra aa seo taa iraa, ya fe ɛɛ ŋɔɔ, “Hé ɡel ya ir dɛ́ di kwaa dɛ́ lɛ sie, dɛkalkɛŋɔ tɔpebɛl yaa sewɔɔ.”

1 Kɔrent 16:8

Mɛɛ so Ɛfesos bonɔɔ ka tel kɛŋɔ Pɛntekɔs Tɔpejen la aa tel,

Ɛfesos 1:1

Men Pɔɔl aa too n tea asɛ o lee mɛ ŋɔ ń ɛ Yeesu Kristo torome la, menee chwerɛ tɔn nɔ. N chwerɔ dɛɛ tɛ Korowii nɛra ba wa aa toɡra dɛ do Ɛfesos, he ne Yeesu Kristo aa pɛa dɛɛ teŋɛ o waa ta kasinteŋ ne la.

1 Timoti 1:3

Waa maa ba dɛ kaa Makidoonia harɛ ta dɛ ŋɔ he be la, a taa n ta do. N ŋɔ hé so Ɛfesos dɛ kah nɛra baa teŋe nyosone dɛɛ tɛ nɛra ŋɔ Korowii Waa baa chaɡle la ŋɔ bá ɡel ɡɛ waa la, dɛ bɛ Korowii waa la sie berɛ.

2 Timoti 1:18

Ya Dɔɔ laanee dɛ na o sum o bala tɔpere la ta. Henee jemɛ koeh damanta waa koh n nɛɛ Ɛfesos.

2 Timoti 4:12

N tomɛ Tichikos Ɛfesos.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 2:1

“Tɔn nɔ dɛ kaa nyundua torome waa cheɡa tɛ asɔre tena baa lɔ Ɛfesos la be. Kenii men maa kpoŋe weweela anuanɛ n nɔndiɡ ta, dɛɛ valɛ suuɡaswɛm kandea daa anuanɛ baah la ŋɔ,