We-ɛɛla 18:18 - mzwDBL

¹⁸ A habɔɔ la, Pɔɔl soɡe Kɔrent asɔre tena la be biɡri, asɛ dɛ kal ba dɛ le bela kaa Keŋkrea. Dɛ o baɡɛ nyoa bɛl, anomanta, o fonɛ o nyu mɔɔ dɛ le Keŋkrea, asɛ o ne Akwela ne Presela kpɔ stiimae dɛɛ kaa Siiria harɛ.

We-ɛɛla 18:18 ပူးပေါင်းရင်းမြစ်များ

Nɛra Kura 6:18

A chɛ kɛ a ɡɛ Nasiri te la ba n Dea Cheremibɔr la doonyoa, dɛ́ ba fonɛ o nyumpona waa kpɔ o te tɛ men Korowii dɛ ŋɔ waa an fonɛ la, ásɛ dɛ kpɔ nyumpona la do deŋnesɔɔhna saraha nii la ta.

Nɛra Kura 6:2

ó bol Israel tena be ŋɔ, “Dɛ haah kɛɛ baa dɛ nyin kɛ o baɡɛ nyoa dɛ́ kpɔ o te tɛ men Korowii kɛŋɔ Nasiri te aa,

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Amanesoma Mak Aa Chwera Tɔn 6:46

Nɛra la aa kaala la, o teehnɔ kaa bwe bɛl doa dɛ ka soŋe Korowii bela.

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

We-ɛɛla 15:23

Asɛ ba chwerɛ tɔn tɛɛ ba ŋɔ bá kpɔ kaa. Tɔn la bini waa nɔ, “Yabala haa lɔ Anteɔk ne Siiria harɛ ne Silisia harɛ haa wola Juu tena ɛɛ la, Yeesu toroma la ne ya asɔre tena ne ya nomonome yaa ɛ he bala Jerusalam la bwa dɛ na heya.

We-ɛɛla 15:41

Baa dɛ kaa la, ba kpɔ Siiria ne Silisia harɛ ta dɛɛ ja bela asɔre tena, dɛɛ do ba ɡbemba.

We-ɛɛla 18:2

Belaa o ka na Juu te bɛl, dɛ o sɔne Akwela. Dɛ Pɔntos tee on, asɛ o ka so Rom, dɛ berɛ le bela ba Kɔrent, dɛkalkɛŋɔ dɛ Rom Koojen Klɔdeɔs doŋi Juu tena bwa Rom. Dɛ Akwela haah sɔne Presela. Pɔɔl la ba be dɛ ka na ba,

We-ɛɛla 18:26

O lɔ bambile dɛ baa bol Korowii Waa cheremi dea. Presela ne Akwela no waa waa dɛ bol la, dɛ kpɔɔ la ba dem dɛ ka baɡlo Korowii Waa la kɛrɛdɛ.

We-ɛɛla 18:27

Belaa Apolos ŋɔ wɛɛ la Akaya harɛ taa. Anomanta, Ɛfesos asɔre tena la doo ɡbemba dɛ chwerɛ Akaya harɛ asɔre tena tɔn ŋɔ ó ba ba be naa, bá nyiŋu kɛrɛdɛ. Waa la bela la, o kaa cha nɛra Korowii aa sune ba nɛɛ dɛ ɡel ba yarada o waa la taeh.

We-ɛɛla 21:23

Yaa baɡlee ɡɛ aa chɛ kɛ he ɛ. Baala banaarɛ bane baɡɛ Korowii nyoa bonɔ.

We-ɛɛla 21:24

Kpɔ ba la Korowii Dea, ásɛ he ne ba ka pɛ ɛ we-ɛɛla haa dɛ ba ɛɛ, ásɛ dɛ laa doŋa kpɔ he nɛɛ la. He laŋaa, hé bɔ ba kem aa chɛ kɛ ba bɔ waa la ta la tɛɛ ba, ásɛ ba won fonɛ ba nyuune. He ɛ ken aa, nɛra bwa ɛɛ jemɔɔ kɛŋɔ haŋaa ba haŋɛ he nyoa. Baa nao kɛŋɔ he ɡbabir dɛ teŋɛ Mosis Mmara la ta.

We-ɛɛla 21:3

dɛ ba le bobɛl dɛ na ekwi bɛl baa dɛ yerɔ Saepros la, dɛ berɛ pa sie weekaŋle harɛbɔr dɛ ka le Siiria harɛ ta, dɛ ka tu Taaya, dɛkalkɛŋɔ dɛ belaa stiimae la ɛɛ ba bone aa lɔ o bini la ne.

Tɔn Pɔɔl Aa Chwerɛ Rom Tena 16:1

Yɔɔ. Ya nimambie nɔ sɔne Fiibi. Asɔre tena baa lɔ Keŋkrea la binii o do dɛɛ ɛ toma.

1 Kɔrent 9:20

Maa dɛ ɛ toma Juu tena bini la, n ɛ n te kɛŋɔ Juu te ásɛ dɛ dɔɔ ba tɛ Korowii. N ta Mosis Mmara la ta jae te, kɛ dɛ n koo nɛra baa dɛ teŋɛ a ta la nɛ aa, n dɛ ɛ n te kɛ ba bini bɛl, ásɛ dɛ yon dɛɛ teŋɛ ba mmarare la ta ɡɛ ba yon dɛɛ ɛ la, ásɛ dɛ dɔɔ ba tɛ Korowii.

Galaasia 1:21

A habɔɔ la, n la Siiria harɛ ne Silisia harɛ bwɛɛre ane ta.