We-ɛɛla 18:14 - mzwDBL

¹⁴ Pɔɔl te ne ŋɔ o bol waa dɛ Galio ŋɔ Juu tena la be ŋɔ, “Juu tena, dɛ tonchɔɡa anee baa nɔ fe tomɛ nɔ naa, ŋwɛnɛ fe lole kɛ ń lawɛ bambile dɛ́ no he be.

We-ɛɛla 18:14 ပူးပေါင်းရင်းမြစ်များ

Hibru 5:2

A ɡɛ Sɔfonomoa nɔ ɛɛ wonoo dɛɛ sune nɛra baa wola waa jemɛ dɛɛ koni la nɛ, dɛkalkɛŋɔ o ɡba kwaraa ta kpeɡri dɔe dɛ́ won dɛɛ vɛh wechɔɡa ɛɛ.

2 Kɔrent 11:4

Kɛ he dɛ lawɛ bambile dɛɛ no nɛra baa ba he be dɛ baa baɡle Yeesu waa a korɛ waa ya fa aa baɡle heyaa la ta nɔ? Kɛ ba dɛ baɡle kwaa aa dɛ ir nɛra nɛɛ waa a korɛ Korowii Domadɛɛɡe waa soɡe he nɛɛ la ta, kɛɛ ba dɛ baɡle heyaa amanesoma a korɛ anɔ la ya fa aa baɡle heyaa la ta naa, he dɛ lawɛ bambile dɛɛ no ba be nɔ?

2 Kɔrent 11:1

N dɛ nyin he lawɛ bambile dɛ́ no n ɡɛnewaa nɔ tama. Soŋaa mɛɛ soŋe heya.

Tɔn Pɔɔl Aa Chwerɛ Rom Tena 13:3

Nɛra baa dɛ ɛ wedɛɛɡa la, baa nomonome ɔmɛ. Wechɔɡ-ɛɛraa dɛɛ ɔm ba. Haa nyin kɛ hɛɛ ɔmɛ nomonome sie cheɡa aa, amɔ dɛɛ ɛ wedɛɛɡa. He dɛ ɛ wedɛɛɡa aa, baa kpɛɛree,

We-ɛɛla 25:26

Kɛ waa maa baɡla do tɔn bini kɛŋɔ ken ne kenii o ɛ waa n ŋɔ Rom Koojen ɡbaɡba nyiŋi o waa bini la, an kpeɡa tɛ mɛ nɔ. Amɔ a waa n ba o ne he bwa sie, ne Kooro Aɡrepa ɡbaɡba sie, ásɛ he nyiŋi o waa nɔ bini la. Bɛl lole he ken ɛɛ wonoo cha mɛ ń dɔ o waane dɛ́ chwerɛ ka tɛ Rom Koojen,

We-ɛɛla 25:11

Dɛ n fe jo ya kii bɛl nɛɛ asɛ a ɛ kɛ a chɛ kɛ bá kpo mɛ naa, n fe aa won ŋɔ mɛɛ chwa sewee. Kɛ dɛ ba waa baa kpɔa dɛ daɡ mɛ nɔ ta kasinteŋ ɛɛ te naa, nomɛlbwa aa won kpɔ mɛ do ba nɔn ta. N dɛ nyin kɛ he la n ne Rom Koojen Siisa sie, ásɛ o ka bol n waa nɔ dɛ́ pa bole.”

We-ɛɛla 21:39

Anee Pɔɔl ŋɔ, “Juu te e men. Silisia harɛ bwɛjen baa dɛ yerɔ Taasos la biee men. N poori, tɛ mɛ ŋwɛnɛ ń bol waa nɛra nɔ be.”

We-ɛɛla 13:18

dɛ nyiŋi ba nɛɛ ba bene fifraanaarɛ baa dia pua hɛŋle ɡbo harɛ la bwa ta.

Amanesoma Mak Aa Chwera Tɔn 9:19

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”

Matiu 5:2

asɛ wɛɛ baɡ ba waa dɛɛ ŋɔ,

We-ɛɛla 13:10

“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.