We-ɛɛla 17:7 - mzwDBL

⁷ asɛ Jasen ɡe lɛɛ ba do o dem. Waa ya Koojen Siisa aa wola nyin laanee baa ɛ. Ba ŋɔ Koojen bɛl ɡe berɔ do le ja ya Koojen nɔ nɛ. Dɛ o sɔne Yeesu.”

We-ɛɛla 17:7 ပူးပေါင်းရင်းမြစ်များ

Daneɛl 3:12

Sadrak ne Mesak dɛ Abɛdnɛɡo baa ɛ Juu tena he kpɔ ba chɔ Babelɔn harɛ nɔ waa nyoa la, ba vɛh he waa la. Baa he voɡa tomɛ, dɛ vɛh suuɡaswɛm voɡ haa kpɔa cheɡ la ɡe ɡuŋa.”

Daneɛl 6:13

Asɛ ba ŋɔ kooro be ŋɔ, “Daneɛl waa ja nɛra baa laɡ ba le Juda harɛ bojaŋ ba la aa hen duu, waa mmara haa doa la ɡe ta teŋɛ. O ta dɛ soŋe Korowii tɔpere bɛlbwa keraatoro.”

Amanesoma Luk Aa Chwera Tɔn 10:38

Yeesu ne o habɔteŋra la aa dɛ kaa la, ba kaa tel bwɛɛ bɛl ta, belaa haah bɛl baa dɛ yerɔ Maata lɛo dɛ kaa o ne o dem.

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Amanesoma Jɔn Aa Chwera Tɔn 19:12

Paelet aa no ɡɛ la, dɛ o dɛ nyin ŋwɛnɛ bɛl dɛ́ fee kpɔ Yeesu ta ó kaa. Ate, nɛnlaa la kpɔ takpeɡ dɛɛ ŋɔ, “Nomɛlbwa waa dɛ yerɛ o te kooro la ɛ Rom Koojen Siisa dɔm! Anomanta, dɛ he kpɔ baa nɔ ta aa, amɔ dɛ Rom Koojen la dɔmee hen!”

We-ɛɛla 16:21

Wefala aa wola toole ya mmara ta kɛ ya Rom tena teŋɛ a ta laanee baa baɡle.”

We-ɛɛla 17:5

Nɛra baa yarada Pɔɔlwa waa la, dɛ baa ja asɔre tena la nɛɛ la aa dɛ warɛ la, dɛ aa somɛ Juu tena la be, asɛ ba ka nyin nɛŋkasale baa wola toma dɔe dɛ yon do dembaah dɛɛ ɡaaɡe ɡbo la, dɛ ir ba bwaawee, asɛ ba ne ba valɛ dɛɛ do ɡbɔɡa bwɛɛ la bwa. Ba la Jasen dem ŋɔ bá fe ka lawɛ Pɔɔl ne Silas ba tɛ bwɛɛla la.

We-ɛɛla 17:8

Bwɛɛ la tena ne ba nomonome aa no waa nɔ la, a ɡelɔ ba liire ɛ sakaa.

Jems 2:25

Gɛ tentenee a do hanjwamane baa dɛ yerɔ Rahab la ɡba nɛ. Israel tena toroma bane aa bala dɛ́ fe ba sɔh hweli o bwɛɛ harɛ waane dɛ́ ka taa ba bwɛɛ tena be la, o lɛɛ ba sɔh dɛ baɡ ba ŋwɛnɛfale ba chwa kaa. Gɛ wedɛɛɡa nɔ taa a che Korowii ŋɔ o ɡe ɛ nɛndɛɛɡe o waa su o siwi.

1 Pita 2:15

Korowii dɛ nyin kɛ hɛɛ ɛ wedɛɛɡa, dɛ́ won dɛɛ tɔ ɡɛna ŋwɛnɛ ba bɛ won bol ɡɛnewaa dɛɛ chɔɡ heya.