We-ɛɛla 17:5 - mzwDBL

⁵ Nɛra baa yarada Pɔɔlwa waa la, dɛ baa ja asɔre tena la nɛɛ la aa dɛ warɛ la, dɛ aa somɛ Juu tena la be, asɛ ba ka nyin nɛŋkasale baa wola toma dɔe dɛ yon do dembaah dɛɛ ɡaaɡe ɡbo la, dɛ ir ba bwaawee, asɛ ba ne ba valɛ dɛɛ do ɡbɔɡa bwɛɛ la bwa. Ba la Jasen dem ŋɔ bá fe ka lawɛ Pɔɔl ne Silas ba tɛ bwɛɛla la.

We-ɛɛla 17:5 ပူးပေါင်းရင်းမြစ်များ

Yela 35:15

Kɛ wenaale aa puu mɛ la, ba sie lɛo, dɛ ba bar mɛ cheme, dɛɛ di n loro. Ba teŋɔ do mɛ hɔhɔrɔwa kohona, baa wola n nɛɛ sune.

Yela 69:12

Ba dɛ bol n waa fɔɡbaahna, sennyɔdɛɛra kpɔ mɛ dɛɛ ɡo yela.

Sɛɡla 14:30

Deŋnesɔɔhna dɛ tɛ bokpeɡa, kɛ bɔweela te, ɛ weela.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Matiu 27:18

Dɛ o ɡbabir jemɔ kɛŋɔ bɔweela waa ba che Yeesu nɛɛ pɛɛpɛɛ dɛ kpɔɔ ba o be la.

We-ɛɛla 13:45

Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.

We-ɛɛla 14:19

A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.

We-ɛɛla 14:2

Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ.

We-ɛɛla 17:13

Juu tena baa lɔ Tesalonika aa noa kɛŋɔ Pɔɔl kaa bol Korowii Waa Bɛrea ɡe la, ba ba bela dɛ ba do ba, asɛ ba bwaawee ir Pɔɔlwa nɛ.

We-ɛɛla 17:6

Baa wola ban dɔe lawɛ la, ba tɛɡre Jasen ne asɔre tena la bane ka tɛ bwɛɛ la nomonome, dɛ nyɛɡ dɛɛ ŋɔ, “Nɛra nɔ, ban chɔɡ nɛra liire bobɛlbwa dɛɛ valɛ dɛ ɡel bobɛlbwa ɛɛ ɛ yeŋyeŋ la. Taraken ba ba ya bwɛɛ nɔ ta,

We-ɛɛla 17:7

asɛ Jasen ɡe lɛɛ ba do o dem. Waa ya Koojen Siisa aa wola nyin laanee baa ɛ. Ba ŋɔ Koojen bɛl ɡe berɔ do le ja ya Koojen nɔ nɛ. Dɛ o sɔne Yeesu.”

We-ɛɛla 17:9

Nomonome la ɡelɔ Jasen ne asɔre tena la kpɔ suuɡa cheɡ ajinamuu kɛŋɔ baa wobɛlbwaa ɛ kpa. Jasenwa waa baa ɛa laanee ba nyiŋi dɛ lɛɛ ba suuɡa dɛ ta ba.

We-ɛɛla 18:12

Gɛ saŋ baa tɛ baa bɛl baa dɛ yerɔ Galio nomonome, asɛ o nyiŋi Akaya harɛ dɛɛ tɛ Rom Koojen laanee Juu tena pɛ nyoa, dɛ lawɛ Pɔɔl la o be.

We-ɛɛla 19:40

Yaa dɛ do ɡbɔɡa ken nɔ, ya ta kɛrɛdɛ nyiŋaa, baa koh a waa lawɛ yaa. Ba lawɛ yaa ɡe aa, yaa wobɛlbwaa dɔ bol, dɛ́ baɡle ɡbɔɡa nɔ mun.”

We-ɛɛla 7:9

Dɛ Jekɔb bii la aa ba nime Josef la waa nyin, dɛ kpɔ bɔweela yoɡu tɛ Ijipt tena, asɛ ba ka kpɔɔ ɛ ba yom. Dɛ Korowii teŋɛ Josef nɛ,

Tɔn Pɔɔl Aa Chwerɛ Rom Tena 16:21

Timoti n ne waa dɛ ɛ toma la dɛ na heya. Lusias ne Jasen, dɛ Sosipata ba bwa aa ɛ n bwɛɛ tena la dɛ na heya.

1 Kɔrent 3:3

dɛkalkɛŋɔ he ta dɛ teŋɛ nɛwɛnyini mar waa ta. Bɔweela ne naɡra aa lɔ he baah ta nɔ, nɛwɛnyini mar nɛɛ laa hɛɛ teŋɛ nɔ naa? Haa jemɛ kɛŋɔ dɛ he dɔ ɡɛ da nɔ naa, he ja nɛra baa dɔ harɛ nɔ ta liire nɛɛ kɛɛ?

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.

Galaasia 5:21

ne bɔweela, ne dɛɛra dɛ́ dɛɛ do ɡbɔɡa kohona, dɛ wesale aa do ken nɔ. N fa ŋɔ he be wubwa ŋɔ hé nyiŋi kɛrɛdɛ, dɛ ŋɔ nɛra baa dɛ ɛ ɡɛ waa nɔ la, baa Korowii Kora la ta jae ba. N berɔ kwaa dɛɛ lii heyaa ja.

Galaasia 5:26

A ta chɛ kɛ yaa ɛ jenu. A ta chɛ kɛ yaa ir dɔŋa bwaawee. A ta chɛ kɛ ya dɔ bɔweela dɔŋa nɛ.

1 Tesalonika 1:6

Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.

Jems 4:5

Kɛ he dɛ lii kɛŋɔ pɛɛpɛɛ Korowii Tɔn la ŋɔ lileo Korowii aa kpɔa do ya bini la dɛ mee la?

Sitɔɔla 9:4

Ba kpɔ suuɡapoŋa fifraanuanɛ le ba voɡ Baal Bɛret dea ba tɛo. O kpɔ ɡɛ suuɡa la bɔ nɛra ba siwi aa kpeɡa paa ba ba teŋɛ o nɛ.