We-ɛɛla 17:25 - mzwDBL

²⁵ Nɛwɛnyini kondikwaa waa laa o do le, waa nɛwɛnyini komɛlbwa nyin, dɛkalkɛŋɔ on dɛɛ tɛ yaa mkpa ne hweera ne komɛlbwa.

We-ɛɛla 17:25 ပူးပေါင်းရင်းမြစ်များ

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Job Tɔn 12:10

Korowii kontaala bwa nyu lɔ o nɔn ta, hale nɛwɛnyina bwa.

Job Tɔn 22:2

“Nɛn waa ɛɛ won dɔ tɔnɔ dɛ tɛ Korowii aa? Nɛn waa jemɛ waa kwaraa la, wɛɛ won ɛ waa á do wer o be naa?

Job Tɔn 27:3

n ta aa lɔ mkpa bini, Korowii ta ɡel mɛɛ hwee nɔ,

Job Tɔn 33:4

Korowii Doma taa o che ta mɛ, On Waa Ɛ Kpeɡri Bwa Dɔɔree hweera do n bini n dɔ mkpa.

Job Tɔn 34:14

Dɛ Korowii fe saahnɔ ŋɔ, wɛɛ laa o hweeraa kpɔ nɛn bini naa,

Yela 16:2

N ŋɔ Korowii be ŋɔ, “Henee Korowii maa dɛ tomɛ. He habɔɔ, n ta kondɛɛɡe bɛlbwa dɔe.”

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Jeremia 38:16

Anomanta, Kooro Sedekia sɔɔh dɛ ŋwɛɛ baɡ mɛ ŋɔ, “Korowii waa lole saŋ bɛlbwa dɛɛ tɛ yaa mkpa nɔ, maa hen kpo kɛɛ dɛ́ lawɛ do nɛra baa dɛ nyini dɛ́ kpo nɔn ta.”

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Nɛra Kura 27:16

“Korowii haa dɛ tɛ mkpa, mɔɔ haa kpo mɛ la, n poori le nɛn waa nyiŋi nɛra nɔ nɛ.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Matiu 9:13

Hé ka kwaa hweli waa baa chwera bil heyaa ŋɔ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ’ la. Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

We-ɛɛla 17:28

Nomɛl te kompɛɛ, ‘Korowii alaworomɛɛ ya bwa do le, dɛɛ hwee, dɛɛ ɛ ya tomare.’ He nɛra baa dɛ chwerɛ wobobeela la ɡba di ɡɛ waa nɔ danseɛ dɛ ŋɔ, ‘O biirii ya ɡbabir.’

Tɔn Pɔɔl Aa Chwerɛ Rom Tena 11:35

Ume komɛlee Korowii kemɛ ka a ɛ kɛŋɔ Korowii di o kem dɛ ba bɔɔ wɔ?”

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.