We-ɛɛla 17:24 - mzwDBL

²⁴ Korowiirii ta harɛ ne kwaa aa lɔ o ta bwa. On dɔ nyundua ne harɛ bwa. O waane laa chɔɔbɔra nɛwɛnyini aa maa tɛo la wa.

We-ɛɛla 17:24 ပူးပေါင်းရင်းမြစ်များ

Mumpar 1:1

Komɛlbwa mumpar la, Korowii ta nyundua ne harɛ.

Mumpar 14:19

dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ.

Mumpar 14:22

Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ,

1 Koranar 8:27

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

2 Koranar 19:15

Asɛ dɛ soŋe Korowii ŋɔ, “N Naa Korowii Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

2 Webena 2:6

Nomɛlbwa toole dɛ́ won do Dea tɛ Korowii, dɛkalkɛ nyundua ɡba aa kanɛ tɛo ó so bela. N ɡee ume, n ŋɔ ń do Dea tɛo ó ba so o bini nɔ? Atane bɔr baa fuh saraha kwaa dɛɛ tɛo o sie ɡbo.

2 Webena 6:18

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so, maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

Yela 115:16

Korowii kpɔ nyundua ɛ o dobɔr, dɛ kpɔ harɛ nɔ tɛ ya nɛwɛnyina.

Yela 146:5

Nomɛlbwa waa kpɔ hwɛɡa do Korowii Jekɔb aa tomɔ nɛɛ wɛɛ chao la, o na som.

Yela 148:13

Hé bwa kpɛɛ Korowii, dɛkalkɛŋɔ o sɔn laanee kana ɡwaa sɔn bɛlbwa, o jirima ɡwaa nyundua ne harɛ.

Yela 24:1

Korowiirii dɔ harɛ nɔ ne komɛlbwa aa lɔ o ta, hale nɛwɛnyina bwa sekwara.

Aesaya 40:12

Umee dɛ́ won kpɔ o nɔŋkola maɡɛ moo, kɛɛ dɛ won kpɔ nɔn maɡɛ ɡɛ nyundua aa do kan nɔɔ? Umee wona kari harɛ nɔ ta teera, kɛɛ bwejena ne deŋɡarere tɔɡre kɛrɛdɛ nɔ?

Aesaya 40:28

Haa jemaa? He ta noɛ yaa? Korowii lole saŋ bɛlbwa. Onee ta harɛ nɔ bwa. Waa koh bwa, waa ɡwɛɡre ɡe. Nomɛlbwa aa won jemɛ o wejema waa dɔa mun bwa.

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Jeremia 32:17

“Nemenɛ Korowii, henee cheɡɛ he kpeɡri kohona ta dɛ ta nyundua ne harɛ. Wobɛlbwa aa kpeɡe tɛɛ.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Malakae 2:10

Mɛɛ beŋkpoŋ laa ya dɔ aa? Korowii beŋkpoŋ laa ta ya bwa naa? Ɛrɛɛ ya waa aa wola kasinteŋ dɔe dɛɛ tɛ dɔŋa, yaa chɔɡ fɔo Korowii ne ya naawa aa fɔwa la nɔɔ?

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Matiu 5:34

Kɛ n dɛ ŋɔ he be ŋɔ, he bɛ ŋwɛɛ kwaraa. He bɛ nyundua ŋwɛɛ, dɛkalkɛ Korowii soŋnibɔree.

Amanesoma Luk Aa Chwera Tɔn 10:21

Gɛ saŋ dɛ Korowii Domadɛɛɡe la ir Yeesu nɛɛ dɛ ɡel o sie lɛ, asɛ o ŋɔ, “N Mɛɛ, nyundua ne harɛ bwa Dɔɔ! N dɛ jaame kɛŋɔ haa kpɔ waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ. Jam, n Mɛɛ. Gɛɛ wera he be.”

Amanesoma Jɔn Aa Chwera Tɔn 1:1

Wobɛlbwa mumpar Korowii aa wola nyundua ne harɛ tae mɔɔ la, dɛ Korowii Nyoa Wobol la lole. Dɛ o ne Korowiirii lole, asɛ o ne o bwa ɛ beŋkpoŋ.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

We-ɛɛla 4:24

Ba bala la aa no waa la, ba bwa pɛo soŋe Korowii ŋɔ, “Nemenɛ Korowii haa ɛ komɛlbwa dɔɔ, hen ta nyundua ne harɛ ne mpo ne kwaa aa lɔ a ta bwa!

We-ɛɛla 7:48

Gɛ Korowii keame la aa baɡla la, Nemenɛ Korowii aa deene nɛwɛnyini aa maa la ta so. Korowii keame baɡle ɡɛ Korowii aa ŋɔa ŋɔ,

Tɔn Pɔɔl Aa Chwerɛ Rom Tena 1:19

Korowii wobɛlbwa nɛwɛnyini aa wona jemɛ la, o ɡelɔ ba naa chasee ken. O ɡbaɡbaa pili a bini baɡ ba.

Mmarare 10:14

Nyundua ne harɛ ne komɛlbwa aa lɔ o ta bwa ɛ Korowii haa dɛ tomɔ nɔ kwa.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Hibru 3:4

dɛkalkɛ dem bɛlbwa waa ɛ dem la, dɛ nɛnee doo. Korowii ɡee ta komɛlbwa.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.