We-ɛɛla 17:16 - mzwDBL

¹⁶ Pɔɔl aa soɡe bwɛjen Atens bela dɛɛ kpa Silas ne Timoti la, o nao kɛ voɡa su bwɛɛ la bwa. Waa na ɡɛ la, o tea bini chɔɡɔ.

We-ɛɛla 17:16 ပူးပေါင်းရင်းမြစ်များ

1 Koranar 19:10

O chaŋe ŋɔ, “Korowii Haa Ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa baa nyin n ɡe dɛ́ kpo.”

1 Koranar 19:14

Anee o chaŋe ŋɔ, “Korowii waa ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa, baa nyin n ɡe dɛ́ kpo.”

Yela 119:136

N sinii dɛ yɔɔ mɛ kɛŋɔ nenapale ken, dɛkalkɛ nɛra aa he Mmarare ta teŋɛ.

Yela 119:158

Maa nɛra baa wola hen yarada la nyin, dɛkalkɛ baa he Mmarare ta teŋɛ.

Yela 69:9

He Dea la waa swɛɛ n siwi taeh, chɛɡa baa dɛ chɛɡre bwa ɡe dawɛ n nɛ.

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Amanesoma Mak Aa Chwera Tɔn 3:5

Asɛ Yeesu nyiŋi ba bwa, o baah di. Gɛ ba liire aa do toŋɡboŋ kohona la ta o sie lɛɛ. Anee o ŋɔ baa la be ŋɔ ó tɛr nɔn. Waa tɛr o nɔn la, dɛ o nɔn la berɔ do kpeɡri.

Amanesoma Jɔn Aa Chwera Tɔn 2:13

Dɛ Juu tena tɔpejen baa dɛ yerɔ Galekaa la joɔ tonɛ, anomanta, Yeesu la Jerusalam.

We-ɛɛla 17:15

Nɛra la baa tɔ Pɔɔl sie dɛɛ kaa o ne la, ba la o ne ka tel Atens, dɛ berɛ kaa Bɛrea. Baa dɛ kaa la, Pɔɔl ŋɔ ba be ŋɔ bá ka ŋɔ Silas ne Timoti be ásɛ ba ba o be warane.

We-ɛɛla 17:21

Dɛ Atens tena ne ba hɔɔhra tomaa wefala bola ne wefala pɛɛra dɛ́ no.

We-ɛɛla 17:23

dɛkalkɛŋɔ maa dɛ ɡaaɡe he bwɛɛ nɔ ta dɛ na bɔra haa dɛ tomɛ la, n na kon haa dɛ ɛ saraha o ta, dɛ na kɛŋɔ baa chwerɛ bobɛl ŋɔ, ‘Ya dɛ tomɔ, kɛ yaa on jemɛ.’ Kon haa wola on jemɛ dɛ ɡee tomɔ la, o waa mɛɛ bol he be la. O sɔne Korowii.

We-ɛɛla 18:1

A habɔɔ la, Pɔɔl le Atens dɛ kaa Kɔrent.

We-ɛɛla 20:22

Taraken nɔ, Jerusalamee mɛɛ kaa la, dɛkalkɛŋɔ Korowii Domadɛɛɡe kpɔ bela laŋa do n bambile ta maa wola won vɛh. Dɛ waane ɛɛ puu mɛɛ belaa yaa, maa jemɛ.

1 Tesalonika 3:1

Ya haŋrɔ kahonɛ, yaa wola he waa no la, ya liiro kɛŋɔ aa do werii kɛ ya tomɛ Timoti he be ásɛ a ka ya nɛra banɛ ɡbo Atens.

2 Pita 2:7

Dɛ Lɔt te ɛ nɛndɛɛɡe waa dɛ ɔmɛ Korowii bela, asɛ wedoŋa bwɛɛre la tena aa wola Korowii ɔmɛ dɛɛ ɛ la ɛɛ hao. O te, Korowii lɛo.