We-ɛɛla 17:1 - mzwDBL

¹ Pɔɔl ne Silas aa ira dɛɛ kaa la, ba kaa kpɔ bwɛɛre ane baa dɛ yera Amfepɔles ne Apolonia ta dɛ ka le Tesalonika. Dɛ Tesalonika Juu tena dɔ cheremi dea bela.

We-ɛɛla 17:1 ပူးပေါင်းရင်းမြစ်များ

We-ɛɛla 14:1

Pɔɔl ne Banabas aa la Ikooniam la, ba kaa bol Korowii Waa bela Juu tena cheremi dea ta ɡɛ ba yon dɛɛ ɛ la. Korowii Domadɛɛɡe la cha ba, asɛ baa bola kɛrɛdɛ, asɛ bela Juu tena kɛrɛdɛ ne nɛra baa wola Juu tena ɛɛ la bwa yarada Yeesu waa la, dɛ kpɔ ba te tɛo.

We-ɛɛla 15:21

dɛkalkɛŋɔ Mosis Mmara nɔ yaa baɡle a waa nɔ, bwɛɛre bɛlbwa taa nɛra baa dɛ baɡla la do. Ona Tɔpere te bɛlbwa taa baa kure Mosis Mmara waa nɔ cheremi deene ta, dɛ le saŋ la bwa ba le fini.”

We-ɛɛla 16:13

Ona Tɔpere la ta la, ya le dem dɛ la bwɛɛ la moo nyoa. Dɛ ya dɛ lii kɛ Juu tena ɛɛ dɛɛ cheme belaa dɛɛ soŋe Korowii. Dɛ haahna bane cheme bela, asɛ ya so harɛ dɛ bol waa ba be.

We-ɛɛla 17:10

Bɔr aa baa jo la, asɔre tena la kpɔ Pɔɔl ne Silas kaa Bɛrea. Baa la bela la, ba kaa jo bela cheremi dea bini.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

We-ɛɛla 17:13

Juu tena baa lɔ Tesalonika aa noa kɛŋɔ Pɔɔl kaa bol Korowii Waa Bɛrea ɡe la, ba ba bela dɛ ba do ba, asɛ ba bwaawee ir Pɔɔlwa nɛ.

We-ɛɛla 20:4

Perɔs bie Sopata waa le Bɛrea la teŋɛ Pɔɔl nɛɛ kaa. Aristakus ne Sɛkondos baa le Tesalonika la ɡe la bɛl. Gɛɛ Gayos waa le Dɛɛbe la, ne Tichikos ne Trɔfemos baa le Eesia harɛ la ɡe la bɛl. Timoti ɡe la bɛl.

We-ɛɛla 27:2

Stiimae bɛl le Adramitium ba, asɛ ya jo o ta dɛɛ kaa. Dɛ o dɛ kaa Eesia harɛ mpo nyoa bwɛɛre ta. Dɛ baa bɛl baa dɛ yerɔ Aristakus ja ya nɛ. Makidoonia harɛ bwɛɛ Tesalonika la taa o le.

Felepae 4:16

Hale n fa aa lɔ Tesalonika la, he fa wono ha mɛ kwaa aa hiah mɛ. Kerabeŋkpoŋ kwara laa.

1 Tesalonika 1:1

Men Pɔɔl ne Silas ne Timotii chwerɛ tɔn nɔ dɛɛ tɛ he nɛra haa ɛ asɔre tena dɛ do Tesalonika dɛɛ tomɛ N Naa Korowii ne ya Dɔɔ Yeesu Kristo la. Kórowii cha heya, dɛ tɛ heyaa bosɔɔhna.

1 Tesalonika 2:2

He jemɔ kɛ ba tɔ sie ɛ yaa hɔhɔrɔwa Felepae dɛ chɛɡre yaa taeh mɔɔ ya ba he be Amanesoma la ne la. Kɛ Korowii tɛ yaa bansua ya won bol o waa la.

2 Tesalonika 1:1

Men Pɔɔl ne Silvanos ne Timotii chwerɛ tɔn nɔ dɛɛ tɛ he nɛra haa ɛ asɔre tena haa lɔ Tesalonika dɛ ɛ N Naa Korowii waa bera ɛ ya Mɛɛ la ne ya Dɔɔ Yeesu Kristo nɛra la.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.