We-ɛɛla 16:34 - mzwDBL

³⁴ asɛ o kpɔ ba ba o dem, dɛ ba tɛɛ ba kondikwaa ba di. Ate, o ne o dem tena bwa sie lɛ kɛŋɔ baa yarada Korowii dɛ kpɔ ba te tɛo la.

We-ɛɛla 16:34 ပူးပေါင်းရင်းမြစ်များ

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Amanesoma Luk Aa Chwera Tɔn 19:6

Asɛ Sakeos tu harɛ warane dɛ ba kpɔ Yeesu kaa o dem silɛɛ ne.

Amanesoma Luk Aa Chwera Tɔn 5:29

Lewi ɡelɔ ba ɛ kondikonjena o dem dɛ hɔɔh Yeesu, asɛ o ne Yeesu ne toɔ lɛɛra pirim ne nɛra bane ka so dɛɛ di kwaa la.

We-ɛɛla 11:14

Wɛɛ bol waa he bee ásɛ he ne he dem tena bwa che a ta dɛ́ dɔ he nyu.’

We-ɛɛla 16:15

Ya sɔ o ne o dem tena bwa Korowii ne, asɛ o soŋe yaa ŋɔ, “Dɛ he jemɔ ŋɔ n dɛ tomɛ Korowii kɛrɛdɛ naa, amɔ hé ba so n be.” O soŋe yaa, asɛ ya kaa o dem.

We-ɛɛla 16:35

Tɔɔ aa pera chɔɔ ne la, Rom nomonome la tomɛ nɛra ŋɔ bá ba ŋɔ nomoa la be ŋɔ ó ɡel Pɔɔl ne Silas kaa.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

We-ɛɛla 8:39

Baa le nee la ta la, Korowii Domadɛɛɡe baa kpɔ Felep kaa buɡ la ta. Nomoa la ta on nae kpa, dɛ chiɡ ŋwɛnɛ ta kaa silɛɛ ne.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Tɔn Pɔɔl Aa Chwerɛ Rom Tena 5:2

Yaa yarada Yeesu dɛ kpɔ ya te tɛo la, a taa a che o ɡel Korowii ɛɛ na ya sum dɛɛ cha yaa ɡɛ waa dɛ cha yaa nɔ. Anomanta, ya sie lɛo, dɛkalkɛŋɔ ya jemɔ kɛŋɔ bela Korowii aa lole o waa dɔ jirima kohona la, ya ɡee do belaa.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Felepae 4:17

Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Faelemɔn 1:7

N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.

1 Jɔn 3:18

N bidɛɛɡa, he bɛ ɡel ya kpɔ wobol ne nyotor berɛ dɔŋa nyina. Kɛ hé ɡel ya we-ɛɛla baɡle kɛŋɔ ya nɛnnyin ɛ kasinteŋ nyina.