We-ɛɛla 16:29 - mzwDBL

²⁹ Belaa nomoa la ŋɔ bá tɛo kandea. Baa ba kandea ne la, o chwao jo Pɔɔl ne Silas be. Dɛ o dɛ ɔmɛ ɔma tenten, asɛ o bwara ɛɛ sa, asɛ o ba ɡuŋi ba sie.

We-ɛɛla 16:29 ပူးပေါင်းရင်းမြစ်များ

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

We-ɛɛla 16:19

Kwaa la aa lea la, dɛ yomhaah la aa wone dɛɛ voɡɛ kpa. Nɛra baa dɔɔ la aa naa kɛŋɔ o bɛ won voɡa la tɔ ba suuɡa dɔe ŋwɛnɛ la, ba lawɛ Pɔɔl ne Silas dɛ tɛɡ ba kaa ba bela Rom nomonome be bombaah ta.

We-ɛɛla 16:28

Asɛ Pɔɔl do lɔŋɔ kpeɡri nɛɛ ŋɔ, “Bɛ he te kpo! Ya bwa lole!”

We-ɛɛla 24:25

Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.”

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.