We-ɛɛla 16:19 - mzwDBL

¹⁹ Kwaa la aa lea la, dɛ yomhaah la aa wone dɛɛ voɡɛ kpa. Nɛra baa dɔɔ la aa naa kɛŋɔ o bɛ won voɡa la tɔ ba suuɡa dɔe ŋwɛnɛ la, ba lawɛ Pɔɔl ne Silas dɛ tɛɡ ba kaa ba bela Rom nomonome be bombaah ta.

We-ɛɛla 16:19 ပူးပေါင်းရင်းမြစ်များ

Daneɛl 6:12

Anomanta, ba la Kooro Dareɔs be dɛ ka ŋɔ, “He ta mmara doe ŋɔ tɔpera fifraatoro aa lɔ ya sie nɔ ta, nomɛlbwa waa ɡuŋi voɡ kɛɛ nɛn, dɛ he kooro laa o ba ɡuŋi dɛ́ soŋe la, bá lawɔ ka do nyujentena bɔɔ bini naa?” Ate, kooro chaŋe ŋɔ, “Mmara la ta chɔ le dɛ che kiŋkiŋ ɡɛ Midia ne Pɛɛsea tena mmara baa wola won berɔ la.”

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Amanesoma Mak Aa Chwera Tɔn 13:9

Hé ɡbaɡba ɡe nyiŋi kɛrɛdɛ. Baa larawe heyaa dɛ la he ne nomonome sie, dɛ́ lɔɔ heyaa cheremi deene bini. Men nomanta hɛɛ che Abane nomonome ne koranar siinii dɛ́ bol Korowii Amanesoma la baɡ ba.

We-ɛɛla 14:19

A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.

We-ɛɛla 14:5

Juu tena la bane ne nɛra baa wola Juu tena ɛɛ la ne ba bela nomonome fe vɔrɔwɔ ŋɔ bá ɛ Yeesu toroma la hɔhɔrɔwa dɛ foɡ ba bwea ɡe.

We-ɛɛla 15:22

Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane.

We-ɛɛla 15:26

Bambile bwa nee Pɔɔl ne Banabas ɛɛ ɛ ya Dɔɔ Yeesu Kristo toma nɔ. Dɛ baa dɔ sewee toma nɔ ɛɛ ta noo, ba waane laa.

We-ɛɛla 15:40

asɛ Pɔɔl ɡe kpɔ Silas. Baa dɛ ba kaala la, asɔre tena la kpɔ ba do Korowii nɔn ta ŋɔ wɛ́ɛ nyiŋi ba nɛ.

We-ɛɛla 16:16

Awola bɛl, ya dɛ la Korowii soŋebɔr moo nyoa bela dɛ ka na bitolo bɛl. Dɛ nɛra bane yomii, asɛ kwaa ɡe ɛɛ ir o nɛ, asɛ o yon dɛɛ voɡɛ. Dɛ o voɡa la ɡelɔ nɛra baa dɔɔ la ɛɛ dɔ suuɡa taeh.

We-ɛɛla 16:20

Dɛ a ɡɛ nomonome nɔɔ dɛɛ bol nɛra waa dɛɛ pa bole. Yom la dɔɔranar la ŋɔ ba be ŋɔ, “Juu tenaa nɛra nɔ. Ba hae baa dɛ ha ya bwɛjen nɔ tena la aa were.

We-ɛɛla 16:25

Harambaŋa la, dɛ Pɔɔl ne Silas dɛ soŋe Korowii dɛ ɡo yela dɛɛ kpɛɛ Korowii, asɛ nɛra baa do ba dea ja ba nɛɛ la ɛɛ no ba be.

We-ɛɛla 16:29

Belaa nomoa la ŋɔ bá tɛo kandea. Baa ba kandea ne la, o chwao jo Pɔɔl ne Silas be. Dɛ o dɛ ɔmɛ ɔma tenten, asɛ o bwara ɛɛ sa, asɛ o ba ɡuŋi ba sie.

We-ɛɛla 17:6

Baa wola ban dɔe lawɛ la, ba tɛɡre Jasen ne asɔre tena la bane ka tɛ bwɛɛ la nomonome, dɛ nyɛɡ dɛɛ ŋɔ, “Nɛra nɔ, ban chɔɡ nɛra liire bobɛlbwa dɛɛ valɛ dɛ ɡel bobɛlbwa ɛɛ ɛ yeŋyeŋ la. Taraken ba ba ya bwɛɛ nɔ ta,

We-ɛɛla 21:30

Ate, bwɛɛ la tena bwa lɛ ɡaeh, dɛ chwa le bobɛlbwa dɛ lawɛ Pɔɔl, dɛ tuuɡu le Korowii Dea la bini. Buɡ la ta, dɛ ba tɔɔɡe Korowii Dea la ɡbeni bwa.

We-ɛɛla 8:3

Sɔɔl ɡe ɛ wobɛlbwa waa won dɛ́ chɔɡ asɔre tena la waa bwa, dɛ jo bela deremi bwa ta dɛ tɛɡre ba bini baala ne haahna bwa kaa do dea.

We-ɛɛla 9:16

Mɛɛ ɡeloo ó jemɛ wahala bwa waa dɛ ba n waa koeh dɛ́ na.”

2 Kɔrent 6:5

Ba dɛ lɔɔ yaa, dɛɛ do yaa deene, dɛ lɛ ɡaeh ya nɛɛ dɛɛ ɛ yaa saɡasaɡa. Ya dɛ ɛ tomkpeɡa dɛɛ koh. Tɔpebɛl yaa dom dɔe dɛɛ chɔ. Tɔpebɛl yaa kondikwaa dɔe dɛɛ di.

Felepae 1:30

He ɡba dɛ yo ɡɛ tenten he fa aa na mɛ mɛɛ yo la. Gɛ yoi laanee hɛɛ no kɛ n ta dɛ yo la.

1 Tesalonika 2:2

He jemɔ kɛ ba tɔ sie ɛ yaa hɔhɔrɔwa Felepae dɛ chɛɡre yaa taeh mɔɔ ya ba he be Amanesoma la ne la. Kɛ Korowii tɛ yaa bansua ya won bol o waa la.

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

Jems 2:6

Kɛ he te lawɛ nyaara sie teɡɛ harɛ. Dɔɔhna laa dɛɛ fiiɡi heya, dɛ lawɛ heyaa kaa che kɔɔto la aa?