We-ɛɛla 16:13 - mzwDBL

¹³ Ona Tɔpere la ta la, ya le dem dɛ la bwɛɛ la moo nyoa. Dɛ ya dɛ lii kɛ Juu tena ɛɛ dɛɛ cheme belaa dɛɛ soŋe Korowii. Dɛ haahna bane cheme bela, asɛ ya so harɛ dɛ bol waa ba be.

We-ɛɛla 16:13 ပူးပေါင်းရင်းမြစ်များ

Matiu 13:2

Nɛnlaa la aa wara nomanta, o jo ɡbera ta ka so, asɛ nɛnlaa la bwa che baŋ.

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

Amanesoma Luk Aa Chwera Tɔn 13:10

Awola Ona Tɔpere bɛl, dɛ Yeesu dɛ baɡle waa ba cheremi dea bɛl ta.

Amanesoma Jɔn Aa Chwera Tɔn 8:2

Bɔr aa dɛ chaah chɔmbibi la, o berɛ kaa Korowii Dea. Belaa nɛnlaa ba o be dɛ ba baro cheme, asɛ o so harɛ dɛɛ chaɡ ba Korowii Wa.

We-ɛɛla 13:14

Pɔɔl ne o nɛra la le Pɛɛɡa dɛ la bwɛjen Anteɔk waa lɔ Pisidia harɛ la ta. Ona Tɔpere la aa baa tel la, ba kaa jo bela Juu tena cheremi dea bini dɛ so.

We-ɛɛla 13:42

Pɔɔl aa bol waa tonɛ la, o ne Banabas iro dɛɛ le cheremi dea la bini. Belaa nɛra baa bol waa baɡ ba la ŋɔ Pɔ́ɔlwa berɛ ba Ona Tɔpere waa ba ja la ta, dɛ́ ba bol waa la baɡ ba ja.

We-ɛɛla 16:16

Awola bɛl, ya dɛ la Korowii soŋebɔr moo nyoa bela dɛ ka na bitolo bɛl. Dɛ nɛra bane yomii, asɛ kwaa ɡe ɛɛ ir o nɛ, asɛ o yon dɛɛ voɡɛ. Dɛ o voɡa la ɡelɔ nɛra baa dɔɔ la ɛɛ dɔ suuɡa taeh.

We-ɛɛla 16:6

Ba valɔ dɛ ka kpɔ harɛre baa dɛ yera Frejea ne Galaasia la ta, dɛkalkɛ Korowii Domadɛɛɡe la ta ban ŋwɛnɛ tɛɛ bá bol Yeesu waa la Eesia harɛ.

We-ɛɛla 17:2

Pɔɔl la cheremi dea bela ɡɛ o yon dɛɛ ɛ bwɛɛre bwa ta la. Waa lɔ bela la, o yawanyoa atoro bwa dɛ o ne Juu tena la dɛ bol waa dɛɛ tɔŋle dɔŋa Korowii waa baa chwera la ta.

We-ɛɛla 18:4

Dɛ o dɛ la ba cheremi dea Ona Tɔpere bɛlbwa dɛ kaa bol wa, asɛ o ne Grik tena ne Juu tena bwa yon dɛɛ nyiŋi Korowii waa bini. Dɛ o dɛ tɔŋ ba, ásɛ ba fe teŋɛ o kon ta.

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

We-ɛɛla 9:20

asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.