We-ɛɛla 16:12 - mzwDBL

¹² dɛ ka che bela kpɔ harɛ kaa Felepae. Dɛ Felepae nɔɔ ɛ Makidoonia be pera bwɛɛre la bwa bwɛjen. Dɛ koojen waa dɛ nyiŋi Rom harɛ laanee dɔ bela. Ya biɡri bela tama.

We-ɛɛla 16:12 ပူးပေါင်းရင်းမြစ်များ

We-ɛɛla 16:10

Pɔɔl aa na wepila la, men maa dɛ chwerɛ tɔn nɔ ne o kpɔ ya te dɛ kaa Makidoonia harɛ, dɛkalkɛŋɔ ya jemɔ kɛ Korowiirii dɛɛ nyin kɛ ya la ka bol Amanesoma la bela tena be.

We-ɛɛla 16:21

Wefala aa wola toole ya mmara ta kɛ ya Rom tena teŋɛ a ta laanee baa baɡle.”

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 18:5

Silas ne Timoti aa le Makidoonia harɛ ba la, a taa Pɔɔl do kpeɡri name dɛ ɡel wobɛlbwa ɛɛ dɛɛ bol Yeesu waa la, dɛɛ di danseɛ dɛɛ baɡle Juu tena kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la.

We-ɛɛla 19:21

Gɛ waa nɔ habɔɔ la, Pɔɔl ɛ o liire kɛŋɔ wɛɛ la Makidoonia harɛ ne Akaya harɛ taa, dɛ ka kaa Jerusalam, dɛ ŋɔ dɛ o la a bwa ta naa, a chɛ kɛ o la Rom ɡba.

We-ɛɛla 19:29

Ate, dɛ ɡbɔɡa tɔ bwɛjen la bwa, asɛ nɛnlaa la aa dɛ do ɡbɔɡa la lawɛ nɛra bane baa dɛ yer ba Gayos ne Aristakus la. Makidoonia harɛ tenaa ban, asɛ ba ne Pɔɔl ɛɛ valɛ. Nɛra la tɛɡ ba la bela ba bwɛɛ tena aa chema dɛɛ bol waa dɛɛ pa bole la.

We-ɛɛla 20:1

Gbɔɡa la nyoa aa sɔɔhna la, Pɔɔl yerɛ bela asɔre tena la cheme, dɛ do ba ɡbemba, dɛ kal ba, dɛ kaa Makidoonia harɛ.

We-ɛɛla 20:3

O di korobie atoro bela mɔɔ dɛ kpɔ o te, dɛ́ fe kpɔ stiimae kaa Siiria harɛ. Waa dɛ kpɔ o te dɛ́ kaa la taa o na kɛŋɔ bela Juu tena dɛ vɔrɔwe dɛ́ lawɔ. Belaa o berɛ laa berɛ kpɔ Makidoonia harɛ dɛ kaa.

We-ɛɛla 20:6

Ya tɔpejena yaa dɛ di Paanoo Iisi Aa Wola Toole a ta la ɡarɔ mɔɔ ya che Felepae jo stiimae bini. Yaa le Felepae la, a tɔpera anuee ya ba puu ba Troas. Ya di yawanyoa Troas bela.

We-ɛɛla 27:2

Stiimae bɛl le Adramitium ba, asɛ ya jo o ta dɛɛ kaa. Dɛ o dɛ kaa Eesia harɛ mpo nyoa bwɛɛre ta. Dɛ baa bɛl baa dɛ yerɔ Aristakus ja ya nɛ. Makidoonia harɛ bwɛɛ Tesalonika la taa o le.

Tɔn Pɔɔl Aa Chwerɛ Rom Tena 15:26

Ba bala baa lɔ Makidoonia ne Akaya harɛre ta koŋkwaare ane ŋɔ ń kpɔ ka tɛ Jerusalam Korowii nɛra ba wa aa toɡra, ba soɡa bini do kpeɡri tɛɛ ba la.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Felepae 1:5

pɛɛ ya ne he bwa aa pɛa dɛɛ cha dɔŋa Amanesoma toma la ta le mumpar ba le fini la nomanta.

1 Tesalonika 2:2

He jemɔ kɛ ba tɔ sie ɛ yaa hɔhɔrɔwa Felepae dɛ chɛɡre yaa taeh mɔɔ ya ba he be Amanesoma la ne la. Kɛ Korowii tɛ yaa bansua ya won bol o waa la.