We-ɛɛla 16:1 - mzwDBL

¹ Pɔɔl baa le Dɛɛbe ne Lestra dɛ ba na asɔre te bɛl baa dɛ yerɔ Timoti la bela. Dɛ o nya ɛ Juu te dɛɛ yarada Yeesu wa. Asɛ o mɛɛ te ɛ Grik te.

We-ɛɛla 16:1 ပူးပေါင်းရင်းမြစ်များ

Ɛsra 9:2

Israel baala la kpɔ harɛre aa bar ba cheme la haahna mo, a che a ta ba ne Korowii nɛra ba wa aa do ɡoroŋ la, ne ba we-ɛɛla aa wola were la koo dɔŋa. Nomonome ne sitɔɔla laanee tɔ ba sie ba ɛ ɡɛ waa nɔ.”

We-ɛɛla 14:1

Pɔɔl ne Banabas aa la Ikooniam la, ba kaa bol Korowii Waa bela Juu tena cheremi dea ta ɡɛ ba yon dɛɛ ɛ la. Korowii Domadɛɛɡe la cha ba, asɛ baa bola kɛrɛdɛ, asɛ bela Juu tena kɛrɛdɛ ne nɛra baa wola Juu tena ɛɛ la bwa yarada Yeesu waa la, dɛ kpɔ ba te tɛo.

We-ɛɛla 14:21

Pɔɔl Ne Banabas aa lɔ bwɛjen Dɛɛbe la, ba bol Amanesoma la bela. Bela tena baa no ba waa la, dɛ charɛ ba liire, dɛ yarada Yeesu waa dɛ kpɔ ba te tɛo la warɔ. Ba le bela, dɛ laa berɛ ba Lestra, dɛ la Ikooniam, dɛ ka che bela kaa Anteɔk waa lɔ Pisidia harɛ ta la.

We-ɛɛla 14:6

Kɛ Yeesu toroma la no a ɡɛ waa nɔ, dɛ chwa kaa bwɛjena ane baa dɛ yera Lestra ne Dɛɛbe ne baah bela bwɛɛre la ta. Dɛ Laikoonia harɛ taa ɡɛ bwɛɛre la do.

We-ɛɛla 17:14

Belaa asɔre tena la ɡel Pɔɔl kaa mpo nyoa buɡ ta, asɛ Silas ne Timoti te so Bɛrea.

We-ɛɛla 18:5

Silas ne Timoti aa le Makidoonia harɛ ba la, a taa Pɔɔl do kpeɡri name dɛ ɡel wobɛlbwa ɛɛ dɛɛ bol Yeesu waa la, dɛɛ di danseɛ dɛɛ baɡle Juu tena kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la.

We-ɛɛla 19:22

O tomɛ o bonɔɔna banɛ baa dɛ yer ba Timoti ne Erastos la, asɛ ba tɔ o sie kaa Makidoonia harɛ. Kɛ o te soɡe Eesia harɛ ta tama.

Tɔn Pɔɔl Aa Chwerɛ Rom Tena 16:21

Timoti n ne waa dɛ ɛ toma la dɛ na heya. Lusias ne Jasen, dɛ Sosipata ba bwa aa ɛ n bwɛɛ tena la dɛ na heya.

1 Kɔrent 16:10

Timoti ba he be naa, hé lɛo kɛrɛdɛ ásɛ o sie lɛ. Korowii toma maa dɛ ɛ la, anee o ɡee ɛ.

1 Kɔrent 4:17

A waa ɡela n tomɛ Timoti he be la. O ɛ n bie maa dɛ nyinu, wɛɛ no n deŋna waa Yeesu Kristo toma nɔ ta. Wɛɛ lii heyaa ɡɛ maa dɛ teŋɛ Yeesu Kristo waa la ta. Gɛ maa dɛ baɡle asɔrere ta bobɛlbwa laanee wɛɛ ba heyaa liira.

1 Kɔrent 7:14

Baa waa wola asɔre te ɛɛ la, o mo haah waa ɛ asɔre te aa, pɛɛ o ne haah la aa pɛa la nomanta, Korowii kpɔ baa la dɛɛ ɛ o nɛn. Gɛɛ a do, haah ɡe ta asɔre te ɛɛ dɛ yalɛ baa waa ɛ asɔre te aa, pɛɛ o ne waa pɛa la nomanta, Korowii kpɔ haah la ɡe dɛɛ ɛ o nɛn. Dɛ ɡɛ laa aa, ba bii fe ta Korowii bii ɛɛ, kɛ taraken ba ɛ o kwa.

2 Kɔrent 1:1

Men Pɔɔl aa too Korowii tea asɛ o lee mɛ ŋɔ ń ɛ Yeesu Kristo torome la, n ne ya dɔŋ Timotii chwerɛ tɔn nɔ. Ya chwerɔ dɛɛ tɛ asɔre tena baa dɛ tomɛ Korowii Kɔrent, ne Korowii nɛra ba wa aa toɡra bwa baa lɔ Akaya harɛ ta.

2 Kɔrent 1:19

Korowii Bie Yeesu Kristo la n ne Silvanos ne Timoti aa baɡle o waa he be la dɔ kasinteŋ. O ta dɔe kɛŋɔ o ŋɔ ɔɔh, dɛ berɛ le habɔɔ dɛ ŋɔ ɔɔhɔh. O te bol wa aa, dɛ o bolɔ.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Felepae 2:19

Dɛ ya Dɔɔ Yeesu sɛoh waa, mɛɛ tomɛ Timoti he bee taraken ó ba na heya, dɛ́ ba bol he waa n be ásɛ n baah sɔɔh mɛ.

Kolosi 1:1

Men Yeesu Kristo torome Pɔɔl ne ya dɔŋ Timotii chwerɛ tɔn nɔ. Korowii tetooraa o tɛ yaa toma nɔ.

1 Tesalonika 1:1

Men Pɔɔl ne Silas ne Timotii chwerɛ tɔn nɔ dɛɛ tɛ he nɛra haa ɛ asɔre tena dɛ do Tesalonika dɛɛ tomɛ N Naa Korowii ne ya Dɔɔ Yeesu Kristo la. Kórowii cha heya, dɛ tɛ heyaa bosɔɔhna.

1 Tesalonika 3:2

Timoti ɛ ya dɔŋ dɛ ɛ Korowii torome dɛɛ bol Yeesu Kristo Amanesoma la wa. Ya tomɔ ó ba do heyaa ɡbemba dɛ́ ja heyaa he yarada haa dɛ yarada Korowii la bɔr,

1 Tesalonika 3:6

Kɛ taraken Timoti aa le he be ba la, o ba amanesoma ne kɛŋɔ he dɛ yarada Korowii dɛɛ nyin nɛra ɡe. O ŋɔ ya be ŋɔ he dɛ lii ya waa kɛrɛdɛ tɔpere bɛlbwa, dɛɛ nyin kɛ he na yaa ɡɛ yaa dɛ nyin heyaa dɛ na la.

2 Tesalonika 1:1

Men Pɔɔl ne Silvanos ne Timotii chwerɛ tɔn nɔ dɛɛ tɛ he nɛra haa ɛ asɔre tena haa lɔ Tesalonika dɛ ɛ N Naa Korowii waa bera ɛ ya Mɛɛ la ne ya Dɔɔ Yeesu Kristo nɛra la.

1 Timoti 1:18

N bie Timoti, n dɔ waane dɛ́ bol he be, ásɛ he lawɛ a bini he Korowii toma ta. Gɛ ba fa aa cheɡɛ Korowii Domadɛɛɡe kpeɡri ta dɛ bol o toma waa tɛɛ kpeɡri hɛ́ɛ ɛ nɔ waa la, ɡɛ waa la tenten taa mɛɛ doe la. Anomanta, ɡel ɡɛ waa la doe ɡbemba ásɛ he won yo kɛrɛdɛ,

1 Timoti 1:2

N bie Timotii n chwerɛ tɔn nɔ dɛɛ tɛ. Menee bol Korowii Waa he no dɛ yarada, dɛ berɛ n bie a ta la. Ń Naa Korowii ne ya Dɔɔ Yeesu Kristo chae dɛ́ na he sum, dɛ́ tɛɛ bosɔɔhna.

2 Timoti 1:2

N bidɛɛɡe Timoti, n dɛ nae. Ń Naa Korowii ne ya Dɔɔ Yeesu Kristo chae, dɛ́ na he sum, dɛ́ tɛɛ bosɔɔhna.

2 Timoti 1:5

N dɛ lii ɡɛ haa kpɔ kasinteŋ dɛɛ yarada Korowii ɡɛ he naa Lowis ne he nya Yunis fa aa dɛ yaradao la. N jemɔ kɛ ɡɛ ba fa aa yarada Korowii dɛ kpɔ ba te tɛo la, ba luɡe taa he den teŋɛ la.

2 Timoti 3:11

Fiiɡa baa fiɡ mɛ ne n wenaale maa naa Anteɔk, Ikooniam ne Lestra, n lawɛ bambile a bwa ta la, he jemɛ a bwa. Kɛ ya Dɔɔ la cha mɛ dɛ lɛɛ mɛ a ɡɛ waa la bwa ta.

Faelemɔn 1:1

Men Pɔɔl baa koh Yeesu Kristo waa dɛ do mɛ dea la, ne ya dɔŋ Timotii chwerɛ tɔn nɔ dɛɛ tɛ ya dandɛɛɡe Faelemɔn waa bera ɛ ya dɔŋ tom-ɛɛ ɡe la,

Hibru 13:23

N dɛ nyin he jemɛ kɛŋɔ ba le ya dɔŋ Timoti dea. O balɔ warane asɛ mɛɛ ba he be naa, n ne wɛɛ bao.