7 Ba bol waa dɛ tɔŋle dɔŋa la sie, asɛ Pita ir che dɛ ŋɔ, “Yabala, he jemɔ kɛ Korowiirii fa lee mɛ he bini ŋɔ ń bol o Amanesoma la baɡle banɔ la baa wola Juu tena ɛɛ la, ásɛ ba ɡe no o waa dɛ yarada.
Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.
N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.
Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”
He cheɡɛ he Domadɛɛɡe ta dɛ ɡel ya naa Devid waa ɛ he bonɔɔ la ŋɔ, ‘Ɛrɛɛ harɛre nɛra baa wola Juu tena ɛɛ la lɛ ɡaeh, dɛɛ le jina dɛɛ koh ba te pɛɛ nɔɔ?
Korowii tɔ sie ɡel o keamere la bwa baɡle ŋɔ o Kristo la waa baɡɛ nyoa ŋɔ wɛɛ tomɔɔ ásɛ o ba lɛ yaa la dɛ́ ba waa nae. A ɡɛ waa la, kenii Korowii cheɡa a ba ɛ.
“Yabala, Korowii Domadɛɛɡe cheɡɛ Devid nɛɛ dɛ pu sie baɡle Judas waa tɔ nɛra sie dɛ baɡ ba Yeesu ba lawɔ la wa. Gɛ waa baɡla laanee chɛ kɛ a ɛ. A waa a ɛ ɡɛ la.
He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.
Yeesu habɔteŋra baa le Sisaaria la bane ɡe teŋɛ ya nɛɛ la, dɛ tɔ ya sie la ya ne baa la ya fe aa dɛ ba o dea choɡa la dem. O le Saepros, dɛ ɛ nɛnloɡla baa lɛ Yeesu waa la bɛl, asɛ baa yerɔ Meesan.