We-ɛɛla 15:4 - mzwDBL

⁴ Baa tel Jerusalam la, Yeesu toroma la ne bela asɔre tena ne ba nomonome lɛɛ ba kɛrɛdɛ. Pɔɔlwa baɡle toma Korowii aa cheɡɛ ba nɛɛ dɛ ɛ bwa.

We-ɛɛla 15:4 ပူးပေါင်းရင်းမြစ်များ

Matiu 10:40

Nomɛlbwa waa nyiŋi he nɛɛ la, menee o nyiŋi la. Asɛ nomɛlbwa waa nyiŋi n nɛɛ la, naate waa tom mɛ laanee o nyiŋi la.

We-ɛɛla 11:30

Ba ta a ɡɛ suuɡa la, dɛ kpɔ tɛ Banabas ne Sɔɔl ba ka tɛ Juda harɛ asɔre tena la nomonome.

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

We-ɛɛla 15:12

Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini.

We-ɛɛla 15:2

Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.

We-ɛɛla 15:22

Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane.

We-ɛɛla 15:3

Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh.

We-ɛɛla 15:6

Belaa Yeesu toroma la ne asɔre tena nomonome la cheme dɛ nyiŋi waa la ta.

We-ɛɛla 16:4

Baa valɛ bwɛɛre la ta dɛɛ kaa la, ba bol koŋkiila Yeesu toroma la ne Jerusalam asɔre tena nomonome la aa baɡla kɛ nɛ́ra ɛɛ ki la waa bela asɔre tena be.

We-ɛɛla 18:27

Belaa Apolos ŋɔ wɛɛ la Akaya harɛ taa. Anomanta, Ɛfesos asɔre tena la doo ɡbemba dɛ chwerɛ Akaya harɛ asɔre tena tɔn ŋɔ ó ba ba be naa, bá nyiŋu kɛrɛdɛ. Waa la bela la, o kaa cha nɛra Korowii aa sune ba nɛɛ dɛ ɡel ba yarada o waa la taeh.

We-ɛɛla 21:17

Yaa ba Jerusalam la, asɔre tena la lɛ yaa silɛɛ ne.

We-ɛɛla 21:19

Pɔɔl ne ba lea dɔŋa, asɛ o baɡle waa bwa Korowii aa chao o won ɛ nɛra baa wola Juu tena ɛɛ la harɛre ta.

Tɔn Pɔɔl Aa Chwerɛ Rom Tena 15:18

Waa Yeesu Kristo aa cheɡɛ n nɛɛ dɛ ɛ he nɛra haa wola Israel tena ɛɛ bini la, maa lii kɛŋɔ mɛɛ won bol anfala ane ja a ta. A ɡbo waa n jemɛ. Anee kɛŋɔ taraken haa yarada Korowii waa nɔ. Waa Yeesu aa cha mɛ mɛɛ bol dɛɛ baɡle heya, ne waa waa cha mɛ mɛɛ ɛ,

Tɔn Pɔɔl Aa Chwerɛ Rom Tena 15:7

Anomanta, hé lɛ nɛra dɛɛ ja he nɛɛ ɡɛ Yeesu Kristo aa lɛ heyaa la, ásɛ nɛra na dɛ tɛ Korowii jirima,

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Kolosi 4:10

Aristakus baa do n ne on dea la, ne Banabas nime Mak dɛ na heya. A ɡɛ Mak nɔ waa n faa bol he be la. O ba he be naa, hé lɛo silɛɛ ne.

2 Jɔn 1:10

Dɛ nomɛlbwa ba he be dɛ baa baɡle heyaa anɔ la aa wola Yeesu Kristo waa la ane ɛɛ yaa, he bɛ naate lɛ so he be, he bɛ o sie kwara lɛ.