We-ɛɛla 15:36 - mzwDBL

³⁶ A habɔɔ la, Pɔɔl ŋɔ Banabas be ŋɔ ó ɡel ba berɛ la bwɛɛre baa baɡle nɛra Yeesu waa a ta la bwa ta, dɛ́ ka na ɡɛ ba bala baa baɡ ba Yeesu waa la aa doa.

We-ɛɛla 15:36 ပူးပေါင်းရင်းမြစ်များ

We-ɛɛla 14:6

Kɛ Yeesu toroma la no a ɡɛ waa nɔ, dɛ chwa kaa bwɛjena ane baa dɛ yera Lestra ne Dɛɛbe ne baah bela bwɛɛre la ta. Dɛ Laikoonia harɛ taa ɡɛ bwɛɛre la do.

We-ɛɛla 13:4

Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ.

We-ɛɛla 13:51

Pɔɔl ne Banabas pee ba napaala teera ta bela, dɛ baɡle kɛŋɔ ba kpɔ Korowii Waa ba ba be, asɛ ba vɛah, dɛ kaa Ikooniam.

2 Kɔrent 11:28

Anɔ te bwa chɔ keŋkeŋ. Maa won baɡle a bwa. Waa aa lɔ n bini dɛɛ swɛɛ n siwi laanee kɛŋɔ, asɔre tena baa lɔ bobɛlbwa la waa dɛɛ ha mɛ tɔpere te bwa.

Tɔn Pɔɔl Aa Chwerɛ Rom Tena 1:11

N sie cheɡɛ chiŋ mɛɛ nyin kɛ n na heyaa dɛ́ cha heyaa waane Korowii Domadɛɛɡe la aa tɛ mɛ ne, ásɛ he do kpeɡri he teŋa haa dɛ teŋɛ Yeesu nɛɛ la ta.

We-ɛɛla 14:1

Pɔɔl ne Banabas aa la Ikooniam la, ba kaa bol Korowii Waa bela Juu tena cheremi dea ta ɡɛ ba yon dɛɛ ɛ la. Korowii Domadɛɛɡe la cha ba, asɛ baa bola kɛrɛdɛ, asɛ bela Juu tena kɛrɛdɛ ne nɛra baa wola Juu tena ɛɛ la bwa yarada Yeesu waa la, dɛ kpɔ ba te tɛo.

Kaala 4:18

Belaa Mosis berɛ kaa o helabaa Jetro be dɛ ka ŋɔ o be ŋɔ, “N dɛ soŋe, ɡel ń berɛ kaa n lolanar be Ijipt dɛ́ ka na kɛŋɔ ba ta lole kɛɛ.” Anee o sɛh dɛ tao ŋwɛnɛ deŋnesɔɔhna ta o kaa.

2 Timoti 1:4

N lii wii awola haa wia la aa, ɡɛɛ n sie che chiŋ mɛɛ nyin n ba nae ásɛ n sie lɛ kɛrɛdɛ.

1 Tesalonika 3:6

Kɛ taraken Timoti aa le he be ba la, o ba amanesoma ne kɛŋɔ he dɛ yarada Korowii dɛɛ nyin nɛra ɡe. O ŋɔ ya be ŋɔ he dɛ lii ya waa kɛrɛdɛ tɔpere bɛlbwa, dɛɛ nyin kɛ he na yaa ɡɛ yaa dɛ nyin heyaa dɛ na la.

We-ɛɛla 14:21

Pɔɔl Ne Banabas aa lɔ bwɛjen Dɛɛbe la, ba bol Amanesoma la bela. Bela tena baa no ba waa la, dɛ charɛ ba liire, dɛ yarada Yeesu waa dɛ kpɔ ba te tɛo la warɔ. Ba le bela, dɛ laa berɛ ba Lestra, dɛ la Ikooniam, dɛ ka che bela kaa Anteɔk waa lɔ Pisidia harɛ ta la.

We-ɛɛla 7:23

Waa baa dɔ bene fifraanaarɛ la, a ba o nyu bini kɛŋɔ ó nyiŋi dɛ́ na ɡɛ baa dɛ ɛ o bala Israel tena la.

Matiu 25:43

Maa ɛ hɔɔh la, he ta men lawɛ kaa dem, maa valɛ mumɡbal ɡe la, he ta men yal tɛɛ ń tɔ. N bwara wee mɛ, ba do mɛ dea ɡe, kɛ he ta balɛ dɛ ba na mɛ.’

Matiu 25:36

maa valɛ mumɡbal la, he tɛ mɛ yal n tɔ. N bwara wee mɛ, he nyiŋi n nɛ, asɛ baa do mɛ dea ɡe la, he kaa na mɛ.’

Jeremia 23:2

Anomanta, waa Korowii Israel tena aa dɛ tomɔ la aa dɛ bol sitɔɔla aa chɛ kɛ bá nyiŋi o nɛra nɛɛ laanee nɔ, “He ta n nɛra la nɛɛ nyiŋe dɛ doŋ ba, dɛ ɡel ba lɔ peɡre. Taraken, n dɛ ba he deŋne tɛra, he wechɔɡa haa ɛa la wa.

Felepae 1:27

Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,

We-ɛɛla 13:12

Nomoa la aa na a ɡɛ waa nɔ la, o yarada Yeesu waa dɛ kpɔ o te tɛo, dɛkalkɛŋɔ Yeesu waa la baa dɛ chaɡle la kpo o nyoa.

Ɛsta 2:11

Tɔpere bɛlbwaa Mɔdekae yon le o dem dɛ́ la haahna dobɔr la sie bela, dɛ́ ka valɛ la sie dɛɛ ba habɔɔ kɛŋɔ o ken ɛɛ na Ɛsta dembaah belaa ɡɛ waa doa.