We-ɛɛla 15:23 - mzwDBL

²³ Asɛ ba chwerɛ tɔn tɛɛ ba ŋɔ bá kpɔ kaa. Tɔn la bini waa nɔ, “Yabala haa lɔ Anteɔk ne Siiria harɛ ne Silisia harɛ haa wola Juu tena ɛɛ la, Yeesu toroma la ne ya asɔre tena ne ya nomonome yaa ɛ he bala Jerusalam la bwa dɛ na heya.

We-ɛɛla 15:23 ပူးပေါင်းရင်းမြစ်များ

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

We-ɛɛla 11:20

Kɛ Saepros ne Sairini baala bane ba ɡe aa ɛ asɔre tena la te iro, dɛ la Anteɔk dɛ ka bol ya Dɔɔ Yeesu Amanesoma la waa Grik tena be.

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

We-ɛɛla 15:1

Baala bane le Juda harɛ ba Anteɔk dɛ baa baɡle nɛra baa yarada Yeesu waa la dɛɛ ŋɔ, “Dɛ he ta he pena teŋe ɡɛ Mosis Mmara la aa baɡla la aa, haa Korowii mkpa dɔe ba.”

We-ɛɛla 15:2

Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.

We-ɛɛla 15:22

Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane.

We-ɛɛla 15:4

Baa tel Jerusalam la, Yeesu toroma la ne bela asɔre tena ne ba nomonome lɛɛ ba kɛrɛdɛ. Pɔɔlwa baɡle toma Korowii aa cheɡɛ ba nɛɛ dɛ ɛ bwa.

We-ɛɛla 15:41

Baa dɛ kaa la, ba kpɔ Siiria ne Silisia harɛ ta dɛɛ ja bela asɔre tena, dɛɛ do ba ɡbemba.

We-ɛɛla 18:18

A habɔɔ la, Pɔɔl soɡe Kɔrent asɔre tena la be biɡri, asɛ dɛ kal ba dɛ le bela kaa Keŋkrea. Dɛ o baɡɛ nyoa bɛl, anomanta, o fonɛ o nyu mɔɔ dɛ le Keŋkrea, asɛ o ne Akwela ne Presela kpɔ stiimae dɛɛ kaa Siiria harɛ.

We-ɛɛla 21:25

Asɛ nɛra baa wola Juu tena ɛɛ dɛ yarada Yeesu waa la ɡe la, ya chwerɛ tɔn ka tɛɛ ba ŋɔ ba bɛ voɡ kwaa ne chal ne ol baa wola o baŋa teŋe o sewɛ la dɛɛ di, dɛ ŋɔ bá laa ba te dɛɛ kpɔ jwamane waa ta.”

We-ɛɛla 21:3

dɛ ba le bobɛl dɛ na ekwi bɛl baa dɛ yerɔ Saepros la, dɛ berɛ pa sie weekaŋle harɛbɔr dɛ ka le Siiria harɛ ta, dɛ ka tu Taaya, dɛkalkɛŋɔ dɛ belaa stiimae la ɛɛ ba bone aa lɔ o bini la ne.

We-ɛɛla 23:26

Men Klɔdeɔs Lisiasii chwerɛ tɔn nɔ dɛɛ tɛ n nomoa Fɛlekse. He le aa?

We-ɛɛla 6:9

Belaa Juu tena baa dɛ cheme cheremi dea bɛl baa dɛ yerɔ Libetines la, ir dɛɛ tɔŋle Steeven. Dɛ Juu tena nɔ le Sairini ne Alɛksandrea, bane ɡe le Silisia harɛ ne Eesia harɛ ta.

Galaasia 1:21

A habɔɔ la, n la Siiria harɛ ne Silisia harɛ bwɛɛre ane ta.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.

2 Jɔn 1:10

Dɛ nomɛlbwa ba he be dɛ baa baɡle heyaa anɔ la aa wola Yeesu Kristo waa la ane ɛɛ yaa, he bɛ naate lɛ so he be, he bɛ o sie kwara lɛ.

2 Jɔn 1:13

He nime la Korowii aa leo cheɡ tɛ o te la, o bii dɛ na heyaa kohona.

2 Jɔn 1:3

Ń Naa Korowii ne o Bie Yeesu Kristo sune ya bwa sekwara nɛ, dɛ́ cha yaa, dɛ́ tɛ yaa bosɔɔhna yá won jemɛ kasinteŋ la, dɛ́ dɔ nɛnnyin.

3 Jɔn 1:14

N dɛ nyin kɛŋɔ n ba chɔɔre taraken bɔr, ásɛ ya sie ɡba dɔŋa ya bol wa.