We-ɛɛla 15:20 - mzwDBL

²⁰ kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,

We-ɛɛla 15:20 ပူးပေါင်းရင်းမြစ်များ

We-ɛɛla 15:29

Anee kɛ, he bɛ voɡa kwaa dɛɛ di, he bɛ chal dɛɛ di, he bɛ ol baa wola o baŋa teŋe o sewɛ dɛɛ di, hé laa he te kpɔ jwamane waa ta. Dɛ he wono dɛɛ ki anɔ bwa naa, he wobɛlbwa ɛɛ maɡroo tɛ heya. Kórowii cha heya.”

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Lewi Dea Tena 3:17

A ɛ Mmara dɛ́ chɔ le tɛ he ne he naanar baa ka ba bwa. Bobɛlbwa haa lole bwa, a ta chɛ kɛŋɔ hé di ol noo kɛɛ o chal.”

Mumpar 9:4

Kɛ he bɛ konlale di, dɛkalkɛ o sewɔ ta baŋa. Komɛlbwa mkpa lɔ o chal ta.

We-ɛɛla 21:25

Asɛ nɛra baa wola Juu tena ɛɛ dɛ yarada Yeesu waa la ɡe la, ya chwerɛ tɔn ka tɛɛ ba ŋɔ ba bɛ voɡ kwaa ne chal ne ol baa wola o baŋa teŋe o sewɛ la dɛɛ di, dɛ ŋɔ bá laa ba te dɛɛ kpɔ jwamane waa ta.”

1 Kɔrent 6:18

Anomanta, hé laa he te dɛɛ kpɔ jwamane ta. Wechɔɡa bɛlbwa nɛn aa dɛ ɛ la, aa o bwara bini so. Kɛ nɛn waa dɛ bɔ jwamane la, o ɡbaɡba bwadabii wɛɛ do wechɔɡa ta.

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

1 Tesalonika 4:3

Korowii dɛ nyin kɛ he ɛ nɛndɛɛɡa dɛ laa he te kpɔ jwamane ta.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

Ɛfesos 5:3

Kɛ jwamane ne wedoŋa ne sibeɡra dɔe dɔŋa kwaa ta te, he bɛ a waa dɛɛ bol á ba ɛ kɛŋɔ hɛɛ ɛa, dɛkalkɛŋɔ aa were tɛ Korowii nɛra.

Galaasia 5:19

Nomɛlbwa jemɛ nɛwɛnyini mar wechɔɡa aa suu nɔ tetoowa. Anee kɛŋɔ jwamane, ne wedoŋa, ne pɛlchɔɡa we-ɛɛla te bwa soo siwi,

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

1 Kɔrent 7:2

Kɛ jwamane aa wara la nomanta, a chɛ kɛŋɔ baa bɛlbwa dɔ o haah, ásɛ haah bɛlbwa ɡe dɔ o jaa.

1 Kɔrent 5:11

Nɛra maa dɛ bol ba waa laanee nɛra baa ŋɔa ba ja yabala asɔre tena nɛ, kɛ dɛɛ bɔ jwamane, dɛ kpɔ suuɡa ɡwaa komɛlbwa, dɛɛ tomɛ voɡa, dɛɛ bol nɛra bwara wechɔɡa, dɛ nyɔ sen dɛɛ dɛɛ, dɛɛ ŋwɛ la. Ba ŋɔ ba ɛ asɔre tena dɛ berɛ dɛɛ ɛ waa aa do ken nɔ la, he ne ɡɛ nɛra nɔ te bɛlbwa bɛ pɛ, a ba ɛ kɛ hɛɛ pɛ nɔnee di kwa.

Ɛsekeɛl 4:14

Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”

Mmarare 15:23

He bɛ a chale la te daa dɛɛ di, hé fuɡa ta kɛŋɔ nee ken.”

Mmarare 12:16

He bɛ a chale te di, hé teŋni a baŋa ásɛ chal la fuɡe kɛŋɔ nee ken.

Wepila 10:8

N berɛ no taa la waa le nyundua dɛ bol waa n be la. O ŋɔ, “La ka lɛ tɔn la waa pila dɛ do nyundua torome la o naa bɛl aa lɔ mpo ta, bɛl che baŋ la nɔn ta.”

Wepila 10:2

O dɔ tɔnjeɡa bɛl waa pila do o nɔn ta, dɛ kpɔ o nadiɡ do mpo ta, o naɡal ɡe che baŋ,

Hibru 12:16

He bini bɛlbwa bɛ jwamane ba bɔ, dɛ bɛ vɛh kɛ hɛɛ kpɔ duure tɛ Korowii, kɛŋɔ Esɔ aa koh kerabeŋkpoŋ kondikwaa dii waa charɛ o nomonome tɛ o nime la.

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

1 Kɔrent 6:13

Bɛl ɡee ŋɔɔ, “Tea waa kondikwaa do le, asɛ kondikwaa ɡe che dɛ tɛ tea.” Kpelaa, kɛ Korowii ɡelɔ a bwa dɔ jaɡa dɛ chɔɡ. O ta nɛn bwadabii ɛɛ tɛo ŋɔ ó kpɔ ɛ jwamanwa, kɛ o ɛo tɛo kɛŋɔ ó kpɔ tomɔ. Anomanta, nɛn bwadabii ɛ Korowii kon, wɛɛ tɛo komɛlbwa.

Daneɛl 1:8

Kooro kondikwaa ne sen waa ŋɔa ba kpɔ dɛɛ tɛɛ ba la, Daneɛl ɛ o liire kɛŋɔ waa ɡɛ kondikwaa la ne sen laanee nyɔ, ásɛ dɛ kpɔ o te kah doŋa. Asɛ dɛ soŋe Aspenas waa ɛ koodem nomoa la a wa, dɛ bɛ doŋa kah.

Ɛsekeɛl 33:25

Anomanta, ŋɔ men Nemenɛ Korowii ŋɔ, ‘Haa dɛ di ola ne a chale, dɛ tomɛ voɡa dɛɛ kpoo dɔŋa nɔ, a chɛ kɛ he dɔ harɛ nɔ o ɛ he kon aa?

1 Samoɛl 14:32

Buɡ la ta, ba den ka su kwaa baa paa laa ta le ba dɔma be la ta dɛɛ kama, peera ne nae ne a bii, ba kpoora dɛ chɛwa buɡ la ta bela, dɛ chwea ane chal ɡɛ.

Mmarare 14:21

He bɛ ol waa sewa ta baŋa la di. Hé kpɔ tɛ nɛra baa ɛ nɛŋhɔɔhra dɛ so he baah ta. Gɛ laa ɡe aa, hé yoɡ tɛ nɛn waa wola he nɛɛ jae. He ɛ Korowii nɛra dɛ do ɡoroŋ. He bɛ pebie kɛɛ bombie daa o nya elnee ne.”

Nɛra Kura 25:2

Haahna la yerɛ Israel baala la dɛɛ la ba voɡa mune, dɛ ka kpoo kwaa dɛɛ tɛ ba voɡa, ba ne ba di dɛɛ ɡuŋi voɡa la harɛ.

Kaala 20:23

He bɛ suuɡapoŋa kɛɛ suuɡaswɛm bɛlbwa kpɔ ɛ voɡa dɛɛ toma ka ja n nɛ.

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

Lewi Dea Tena 18:6

Nomɛlbwa, dɛ baa kɛɛ haahnee yoo, o ta chɛ kɛ o ne o lole tenten ka chɔ baa ne haah. Men Korowiirii bola.

Lewi Dea Tena 19:26

He bɛ ol ne o chal di. Hɛ́ɛ berɛ he te kpɔe dɛ do voɡra kɛɛ sɔm we-ɛɛla soo siwi bɛlbwa ta.

1 Samoɛl 14:33

Anee nomɛl ka ŋɔ Kooro Sɔɔl be ŋɔ, “Na, laa tena la dɛ chwe ol lwɛɛ ne chal, dɛ jo Korowii nɛ.” Ate, Kooro Sɔɔl ŋɔ, “Hé ɛ nɛnchɔɡa kohona. Hé ɡbili bwejen ba tɛ mɛ bonɔ warane.”