We-ɛɛla 15:1 - mzwDBL

¹ Baala bane le Juda harɛ ba Anteɔk dɛ baa baɡle nɛra baa yarada Yeesu waa la dɛɛ ŋɔ, “Dɛ he ta he pena teŋe ɡɛ Mosis Mmara la aa baɡla la aa, haa Korowii mkpa dɔe ba.”

We-ɛɛla 15:1 ပူးပေါင်းရင်းမြစ်များ

Lewi Dea Tena 12:3

Tɔpenuatoro wee la, bá teŋe bie la pen.

Amanesoma Jɔn Aa Chwera Tɔn 7:22

Mosis bee he dɔ penteŋa Mmara la. O be laa penteŋa le te, he naawaa pa a mun. Anomanta, he won bie pen teŋa Ona Tɔpere kwaraa ta.

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

We-ɛɛla 15:22

Belaa Yeesu toroma la ne asɔre tena la ne ba nomonome bwa ɛ ba liire kɛŋɔ, baa le ba bini banee, ásɛ dɛ tomɛ ba ne Pɔɔl ne Banabas Anteɔk. Judas baa bera dɛɛ yerɔ Basabas la ne Silasee ba le. Dɛ a ɡɛ nɛra nɔ ɛ asɔre tena la nomonome baa dɛ tɔ ba sie la bane.

We-ɛɛla 15:23

Asɛ ba chwerɛ tɔn tɛɛ ba ŋɔ bá kpɔ kaa. Tɔn la bini waa nɔ, “Yabala haa lɔ Anteɔk ne Siiria harɛ ne Silisia harɛ haa wola Juu tena ɛɛ la, Yeesu toroma la ne ya asɔre tena ne ya nomonome yaa ɛ he bala Jerusalam la bwa dɛ na heya.

We-ɛɛla 15:24

Ya noɔ kɛ ya bini bane ba dɛ baɡle heyaa waane, asɛ he liire ɛ heyaa sakaa ken. Ya laa tom ba.

We-ɛɛla 15:3

Baa tom ba la, ba kaalɔ. Baa dɛ kaa la, ba kaa kpɔ harɛre ane baa dɛ yera Finiisia ne Samaria ta dɛɛ kaa, dɛɛ bol bela asɔre tena be ɡɛ nɛra baa wola Juu tena ɛɛ la aa bera dɛɛ yarada Yeesu dɛ kpɔ ba te tɛo. Ba ɡe aa no ɡɛ la, ba sie lɛo taeh.

We-ɛɛla 15:32

Dɛ Korowii keameree Judas ne Silas. Ba bol waa taeh dɛ kpɔ do ba ɡbemba, dɛ ja ba.

We-ɛɛla 15:5

Dɛ asɔre tena la bane ɛ Farisii tena. Ba iro dɛ ŋɔ, “A chɛ kɛ nɛra baa wola Juu tena ɛɛ dɛ baa yarada Yeesu taraken la ɛɛ teŋe ba pena dɛɛ teŋɛ Mosis Mmara ɡe ta.”

We-ɛɛla 21:20

Baa no Pɔɔl waa la, ba jam Korowii taeh. Belaa ba ɡe ŋɔ o be ŋɔ, “Nomoa, taraken nɔ, yaa won jemɛ Juu tena baa yarada ya Dɔɔ Yeesu nɔ nyoa baɡle. Ba warɔ kohona. Ba sie beɡre Mosis Mmara la ɡe ta taeh.

We-ɛɛla 6:14

Ya noɔ waa ŋɔa ŋɔ Yeesu waa le Nasarɛt la ɛɛ paɡre Korowii Dea nɔɔ, dɛ beɡre ya mmarare ne ya waa Mosis aa baɡle ya naawa la bwa.”

Galaasia 2:1

A habɔɔ bene fi dɛ anaarɛ la, n berɔ la Jerusalam ja. N kpɔ Taetos ja n nɛ, asɛ ya ne Banabas la.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Galaasia 6:12

Nɛra baa dɛ do heyaa ŋɔ hé teŋni he pena la, nɛra sie ta waa baa ɛ ɡɛ. Ba dɛ ɛ ɡɛ ásɛ Juu tena na dɛ bɛ ba yaradae baa yarada Yeesu Kristo daɡaɡre ta sewa waa koh dɛ́ hah ba.

Kolosi 2:16

Anomanta, dɛ nomɛlbwa dɛ pwah heyaa kwaa ane haa dɛ di, ne kwaa haa dɛ nyɔ, ne he tɔpejena dii benanyoa ne Korobifala Tɔpejena, ne Ona Tɔpera ta naa, he bɛ on dawɛ.

Kolosi 2:8

Webaɡla ane lole bane ɛɛ baɡle dɛɛ yera wejema. Hé nyiŋa kɛrɛdɛ. A ɛ nyosone kɛɛ wepuu ba kpɔ dɛɛ neɡre nɛra. Nɛwɛnyini nawee waa, ne koŋkwaa aa dɛ di kpeɡri harɛ nɔ ta wejema waa baa baɡle la. Yeesu Kristo be laa a le.