We-ɛɛla 14:5 - mzwDBL

⁵ Juu tena la bane ne nɛra baa wola Juu tena ɛɛ la ne ba bela nomonome fe vɔrɔwɔ ŋɔ bá ɛ Yeesu toroma la hɔhɔrɔwa dɛ foɡ ba bwea ɡe.

We-ɛɛla 14:5 ပူးပေါင်းရင်းမြစ်များ

Yela 83:5

Ba nyoa pɛo baa vɔrɔwe he vɔrɔwa. Nɛra baa kpɔ ba te dɛɛ ba ba yoi laanee nɔ,

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

Amanesoma Luk Aa Chwera Tɔn 6:28

Hé swee andɛɛɡa dɛɛ tɛ banɔ la baa dɛ taah heya, dɛ́ soŋe Korowii dɛɛ tɛ banɔ la baa dɛ ɛ heyaa wechɔɡa la ɡe.

We-ɛɛla 13:45

Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.

We-ɛɛla 13:50

Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.

We-ɛɛla 14:19

A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.

We-ɛɛla 14:2

Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ.

We-ɛɛla 14:4

Bwɛjen la tena baah peɡro, bane teŋɛ Juu tena la nɛ, bane ɡe teŋɛ Yeesu toroma la nɛ.

We-ɛɛla 17:5

Nɛra baa yarada Pɔɔlwa waa la, dɛ baa ja asɔre tena la nɛɛ la aa dɛ warɛ la, dɛ aa somɛ Juu tena la be, asɛ ba ka nyin nɛŋkasale baa wola toma dɔe dɛ yon do dembaah dɛɛ ɡaaɡe ɡbo la, dɛ ir ba bwaawee, asɛ ba ne ba valɛ dɛɛ do ɡbɔɡa bwɛɛ la bwa. Ba la Jasen dem ŋɔ bá fe ka lawɛ Pɔɔl ne Silas ba tɛ bwɛɛla la.

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.

1 Tesalonika 2:14

Yabala, he ne Korowii nɛra baa lɔ Juda harɛ dɛɛ teŋɛ Yeesu Kristo nɛɛ la bwa ɛ beŋkpoŋ, dɛkalkɛŋɔ wahala baa naa Juu tena be la, he ɡe na a dɔŋa he bwɛɛ tena be.

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

1 Tesalonika 2:2

He jemɔ kɛ ba tɔ sie ɛ yaa hɔhɔrɔwa Felepae dɛ chɛɡre yaa taeh mɔɔ ya ba he be Amanesoma la ne la. Kɛ Korowii tɛ yaa bansua ya won bol o waa la.

2 Timoti 3:11

Fiiɡa baa fiɡ mɛ ne n wenaale maa naa Anteɔk, Ikooniam ne Lestra, n lawɛ bambile a bwa ta la, he jemɛ a bwa. Kɛ ya Dɔɔ la cha mɛ dɛ lɛɛ mɛ a ɡɛ waa la bwa ta.