We-ɛɛla 14:15 - mzwDBL

¹⁵ “Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

We-ɛɛla 14:15 ပူးပေါင်းရင်းမြစ်များ

Mumpar 1:1

Komɛlbwa mumpar la, Korowii ta nyundua ne harɛ.

Mumpar 41:16

Anee Josef ŋɔ, “N naa, n laa dɛ́ baɡle deera nɔ mun. Korowiirii dɛ́ won baɡle a mun tɛɛ.”

1 Koranar 16:13

dɛkalkɛ, Kooro Baasa ne o bibaa Ɛla wechɔɡa baa ɛa dɛ jo Korowii nɛɛ laanee ɡela Israel tena ɛ wechɔɡa. Ba ɛ voɡa aa wola tɔnɔ bɛlbwa dɔe, dɛ kpɔ muɡli Korowii Israel tena aa dɛ tomɔ la baah.

1 Koranar 16:26

Ŋwɛnɛ Nɛbat bibaa Kooro Jɛroboam aa kpɔ o ta, ne wechɔɡa waa ɛa dɛ jo Korowii nɛɛ dɛ ɡel Israel tena ɡe ɛ wechɔɡa, ba ɛ voɡa aa wola tɔnɔ bɛlbwa dɔe a di Korowii baa dɛ tomɔ baah la, ɡɛɛ Kooro Omri ɛ Korowii.

2 Koranar 19:16

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.

2 Koranar 19:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa, anomanta, soŋe Korowii tɛ ya nɛra ya taa kaa nɔ.”

Yela 115:15

Korowii waa ta nyundua ne harɛ la, swee heya andɛɛɡa.

Yela 124:8

Korowii waa ta nyundua ne harɛ bee ya chae bwa le.

Yela 31:6

N hah nɛra baa kpɔ ba te dawɛ voɡa aa wola tɔnɔ bɛlbwa dɔe nɛ, kɛ hen Korowiirii mɛɛ yarada.

Yela 33:6

Nyoa wobol nee Korowii ta nyundua, ne kwaa aa lɔ nyundua bwa.

Kaala 20:11

Tɔpera anumɛlee n kpɔ ta nyundua ne harɛ, mpo ne koŋkwaa aa lɔ o ta bwa, asɛ dɛ onɛ tɔpere waa teŋa nuanɛ la ta. A waa n ɡel Ona Tɔpere la ɛ tɔpedɛɛɡe dɛ ɡel o do ɡoroŋ.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 46:7

Ba ɡɔɔro dɛ chwaa, dɛ choɡo cheɡ o chebɔr aa, dɛ o cheɡɔ, waa won tu nakpala. Ba yerɔ waa won sɛh. Waa won lɛɛ ba le ba wahala ɡe ta.

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Jeremia 32:17

“Nemenɛ Korowii, henee cheɡɛ he kpeɡri kohona ta dɛ ta nyundua ne harɛ. Wobɛlbwa aa kpeɡe tɛɛ.

Jeremia 51:15

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Jona 2:8

Nɛra baa daŋre voɡsale toma ne, ba siwi ɛɛ sua la, ba paŋɛ chae he fe aa cha ba la.

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Amanesoma Jɔn Aa Chwera Tɔn 5:26

Gɛ Korowii aa dɔ mkpa dɛɛ tɛ la, ɡɛɛ o ɡel o Bie la ɡe dɔ mkpa dɛɛ tɛ,

Amanesoma Jɔn Aa Chwera Tɔn 7:18

Dɛ nɛn kpɔ o kpeɡri dɛɛ baɡle wa aa, o nyin sɔn dɛɛ tɛ o ɡbaɡba. Nɛn waa nyin sɔn dɛɛ tɛ nɛn waa tomɔ la te la, o waa dɔ kasinteŋ, waa nɛra neɡre.

We-ɛɛla 10:26

Anee Pita lawɔ ir dɛ ŋɔ, “Ir harɛ, he nɛwɛnyini dɔŋee men.”

We-ɛɛla 13:32

Amanesoma nee ya ba he be. Gɛ Korowii aa baɡɛ ya naawa nyoa la,

We-ɛɛla 14:21

Pɔɔl Ne Banabas aa lɔ bwɛjen Dɛɛbe la, ba bol Amanesoma la bela. Bela tena baa no ba waa la, dɛ charɛ ba liire, dɛ yarada Yeesu waa dɛ kpɔ ba te tɛo la warɔ. Ba le bela, dɛ laa berɛ ba Lestra, dɛ la Ikooniam, dɛ ka che bela kaa Anteɔk waa lɔ Pisidia harɛ ta la.

We-ɛɛla 14:7

Baa lɔ bela la, dɛ ba dɛ bol Yeesu Amanesoma la bela.

We-ɛɛla 16:30

O laɡ ba le buse dɛ bɔɔ ba ŋɔ, “Nomonome, ɛrɛɛ mɛɛ ba ɛɛ ásɛ Korowii lɛɛ mɛ nɔ?”

We-ɛɛla 27:10

“Bwɛɛla, n nao kɛ le bonɔ dɛɛ kaa la, ya ŋwɛnɛ nɔ aa werii do tɛ yaa. Ya dɛ la naa, yaa ka na siswɛmee, asɛ ya ne ya stiimae nɔ ne ya bone nɔ ka nee ta.”

We-ɛɛla 27:21

Baa lɔ ɡbera la bini biɡri baa wola kondikwaa dii la, Pɔɔl iro che dɛ ŋɔ ba be ŋɔ, “Yabala, maa ŋɔa ya bɛ Kret le la, a chɛ kɛ he fe no n kon ta. Laala aa chɔɡa ne anɔ la haa paa ta nɔ, a fe ta ɡɛ balɛ.

We-ɛɛla 27:25

Pɔɔl aa bol ɡɛ la, o ŋɔ ba be ŋɔ, “Anomanta, he bɛ ɔmɛ, dɛkalkɛ n dɛ yarada Korowii. N jemɔ kɛŋɔ ɡɛ waa bola la, ɡɛɛ aa ba ɛɛ.

We-ɛɛla 4:24

Ba bala la aa no waa la, ba bwa pɛo soŋe Korowii ŋɔ, “Nemenɛ Korowii haa ɛ komɛlbwa dɔɔ, hen ta nyundua ne harɛ ne mpo ne kwaa aa lɔ a ta bwa!

We-ɛɛla 7:26

Tɔ aa pera la, o na Israel tena banɛ baa yo, dɛ la ŋɔ ó ka larawe ba yoi la. O ŋɔ ba be ŋɔ, ‘Nɛmbeŋkpoŋii heya. Bɔkwaa dɔ heyaa hɛɛ yo ken ɔ?’

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Mmarare 32:21

Ba ɡelɔ mɛɛ meeh voɡa aa wola tɔnɔ dɔe hɛɛ toma la, n bwaawee ir ba voɡpuune nɛ. Anomanta, mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.

Mmarare 5:26

Nɛwɛnyini besoo no Korowii waa lole saŋ bɛlbwa wobol le nii ta kɛ yan, dɛ ta dɔ o nyu dɛ so le nɔ?

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

1 Timoti 3:15

ásɛ dɛ n baa biɡri aa, tɔ́n nɔ baɡle ɡɛ aa chɛ kɛ yá banɔ la Korowii aa kpɔ yaa ɛ o dem tena nɔ so dɛɛ ɛ ya wa. Yanee Korowii waa lole saŋ bɛlbwa la toroma, o kpɔ o kasinteŋ waa la tɛ ŋɔ yá lawɛ a bini kpoŋe kiŋkiŋ, kɛ pila yon lawɛ dea kpoŋe la.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Jems 5:17

Korowii keame Elaeja fa ɛ nɛn kɛŋɔ yan. O soŋe Korowii taeh dɛ ŋɔ ó ɡel bwaala nɛɛ, asɛ bwaala ta nɛɛ, hwel che bene atoro korobie anumɛl.

Josua 3:10

Anɔ taa hɛɛ ba cheɡa, dɛ́ jemɛ kɛŋɔ Korowii waa lole saŋ bɛlbwa la ja he nɛ, dɛ́ doŋi nɛra baa soɡe harɛ waa kpɔa tɛ heyaa ŋɔ hé ka so o ta he sie, baa yer ba Keenan ne Hiti ne Hivi ne Pɛrɛs ne Girɡasi ne Amɔre dɛ Jebus tena la.

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 19:19

Belaa n na olchɔɡe la, ne harɛ ta koranar, ne ba dɔm aa kpɔ ba te dɛɛ ba, dɛ́ ba yo naate waa soɡe jaaɡɔ ta la ne o dɔm.

Wepila 22:9

asɛ o ŋɔ, “Bɛ ɡɛ ɛ. N ɡba ɛ Korowii bonɔɔ la bɛl kɛŋɔ he ne he bala keamere la ne nɛra la bwa baa dɛ no tɔn nɔ bini waa nɔ. Korowiirii chɛ kɛŋɔ hé duu.”

Wepila 4:11

“N Naa Korowii haa dɔ komɛlbwa la, he chɛ kɛŋɔ nɛra bwa tɛɛ jirima dɛ́ duuri, dɛ́ sɛh kɛŋɔ hen dɔ kpeɡri bwa, dɛkalkɛŋɔ henee ta komɛlbwa, he tetoora taa a che a do le.”

1 Samoɛl 12:21

Hé laa sie kpɔ voɡa ta. Wedɛɛɡa bɛlbwa toole a toma ta. Aa won lɛ heya, a wobɛlbwa ɛ wepuu.

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

1 Samoɛl 17:36

Gɛ Korowii aa ɡela he bonɔɔ won kpo nyujente ne sisire kwaraa la, ɡɛɛ mɛɛ ba Filisti te waa wola Korowii tomɛ nɔ ɡe ɛɛ, dɛkalkɛŋɔ o ɛ Korowii waa lole saŋ bɛlbwa la sisawa.