We-ɛɛla 13:5 - mzwDBL

⁵ Baa tel Saepros bwɛɛ bɛl baa dɛ yerɔ Salamis ta la, ba bol Korowii Waa baɡle nɛra bela Juu tena cheremi deene bini. Dɛ ba dɔ Jɔn Mak wɛɛ cha ba ba toma ta.

We-ɛɛla 13:5 ပူးပေါင်းရင်းမြစ်များ

1 Koranar 19:21

Asɛ Elaesa laa berɛ dɛ kpoo nae waa teŋɛ a nɛɛ la, dɛ fuh daa waa kpɔa dawɛ nae anɛ nɛɛ aa parɛ la, dɛ daa ola la tɛ nɛra la ba chwe. Asɛ o ka teŋɛ Elaeja nɛɛ dɛɛ chao.

1 Koranar 19:3

Elaeja ɔmɔ, dɛ kpɔ o bonɔɔ chwa kaa Beɛseeba waa lɔ Juda harɛ ta, ásɛ dɛ dɔ o nyu. O baa ɡel o bonɔɔ la bela,

2 Koranar 3:11

Kooro Jehosafat ŋɔ, “Korowii keame bɛl lɔ bonɔ, ásɛ ya che o nɛɛ bɔɔ le Korowii be naa?” Asɛ Israel Kooro Joram laa nomonome la bɛl ŋɔ, “Safat bibaa Elaesa lɔ bonɔ, dɛ onee dɛɛ cha Elaeja.”

Kaala 24:13

Ate, Mosis ne Josua waa dɛ chao la kpɔ ba te le kaa Korowii be bwe la doa.

Matiu 20:26

Kɛ ɡɛ laa chɛ kɛŋɔ hé te do. He bini bɛl dɛ nyin kɛ ó ɛ nomoa aa, a chɛ kɛ ó kpɔ o te ɛ kɛ bechala dɛɛ tomɛ heya.

We-ɛɛla 12:12

Waa na ɡɛ la, o la haah bɛl baa dɛ yerɔ Mɛɛre la dem. A ɡɛ Mɛɛre nɔ biee Jɔn Mak. Dɛ nɛra cheme bela pirim dɛɛ soŋe Korowii.

We-ɛɛla 12:25

Banabas ne Sɔɔl aa ɛ toma baa tom ba ŋɔ bá la Jerusalam ka ɛ tonɛ la, ba ne Jɔn Mak kaa Anteɔk.

We-ɛɛla 13:14

Pɔɔl ne o nɛra la le Pɛɛɡa dɛ la bwɛjen Anteɔk waa lɔ Pisidia harɛ la ta. Ona Tɔpere la aa baa tel la, ba kaa jo bela Juu tena cheremi dea bini dɛ so.

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

We-ɛɛla 14:1

Pɔɔl ne Banabas aa la Ikooniam la, ba kaa bol Korowii Waa bela Juu tena cheremi dea ta ɡɛ ba yon dɛɛ ɛ la. Korowii Domadɛɛɡe la cha ba, asɛ baa bola kɛrɛdɛ, asɛ bela Juu tena kɛrɛdɛ ne nɛra baa wola Juu tena ɛɛ la bwa yarada Yeesu waa la, dɛ kpɔ ba te tɛo.

We-ɛɛla 15:37

Dɛ Banabas dɛ nyin kɛ Jɔn Mak ja ba nɛɛ dɛ la.

We-ɛɛla 17:17

Anomanta, dɛ o dɛ la bela cheremi dea o ne Juu tena, ne Grik tena baa dɛ tomɛ Korowii ɡɛ Juu tena aa dɛ tomɔ la kaa nyiŋi Korowii waa la bini. Dɛ tɔpere bɛlbwaa wɛɛ so bwɛɛ la fɔɡbaah, asɛ dɛɛ bol waa nɛra baa dɛ ba bela la be, asɛ o ne baa nyiŋi Korowii waa la bini.

We-ɛɛla 18:4

Dɛ o dɛ la ba cheremi dea Ona Tɔpere bɛlbwa dɛ kaa bol wa, asɛ o ne Grik tena ne Juu tena bwa yon dɛɛ nyiŋi Korowii waa bini. Dɛ o dɛ tɔŋ ba, ásɛ ba fe teŋɛ o kon ta.

We-ɛɛla 19:22

O tomɛ o bonɔɔna banɛ baa dɛ yer ba Timoti ne Erastos la, asɛ ba tɔ o sie kaa Makidoonia harɛ. Kɛ o te soɡe Eesia harɛ ta tama.

We-ɛɛla 19:29

Ate, dɛ ɡbɔɡa tɔ bwɛjen la bwa, asɛ nɛnlaa la aa dɛ do ɡbɔɡa la lawɛ nɛra bane baa dɛ yer ba Gayos ne Aristakus la. Makidoonia harɛ tenaa ban, asɛ ba ne Pɔɔl ɛɛ valɛ. Nɛra la tɛɡ ba la bela ba bwɛɛ tena aa chema dɛɛ bol waa dɛɛ pa bole la.

We-ɛɛla 19:8

Pɔɔl di korobie atoro bwa bela, dɛɛ bol Korowii Waa bela tena be bansua ne ba cheremi dea bini. O laɡ ba dɛɛ so, o ne baa bol Korowii Kora la wa. O takapɔ kɛ wɛɛ berɛ ba liiree, ásɛ ba fe teŋɛ o kon ta.

We-ɛɛla 9:20

asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

Kolosi 4:10

Aristakus baa do n ne on dea la, ne Banabas nime Mak dɛ na heya. A ɡɛ Mak nɔ waa n faa bol he be la. O ba he be naa, hé lɛo silɛɛ ne.

2 Timoti 4:11

Luk ɡboo lɔ n be bonɔ. He dɛ ba naa, kpɔ Mak ja he nɛɛ he ne o ba, dɛkalkɛ o ɛ nɛn bɛl waa won n chae n toma nɔ ta ɡa.