We-ɛɛla 13:48 - mzwDBL

⁴⁸ Nɛra baa wola Juu tena ɛɛ la aa no waa nɔ la, ba sie lɛo taeh. Anomanta, ba jam Korowii kɛŋɔ waa ɡela ba no o waa la. Ásɛ nɛra Korowii aa ŋɔa baa dɔ o mkpa laanee la yarada Yeesu waa la, dɛ́ kpɔ ba te tɛo.

We-ɛɛla 13:48 ပူးပေါင်းရင်းမြစ်များ

Yela 138:2

Mɛɛ kpɔ sie pa he Dea waa do ɡoroŋ la taa, dɛ́ ba harɛ dɛɛ kpɛɛre, he nyina aa wola jaɡa dɔe, ne kasinteŋ dɔe la wa. Dɛkalkɛ he sɔn ne waa haa ŋɔa hɛɛ ɛo kan ɡwaa komɛlbwa.

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Matiu 28:16

Yeesu habɔteŋra fi dɛ beŋkpoŋ la Galilia harɛ ta ka chemo bwe bɛl o fa aa ŋɔ ba be ŋɔ o baa ir seo ta naa bá chemo bela la.

Amanesoma Luk Aa Chwera Tɔn 7:8

O bolɔ ŋɔ, “N ɛ nɛn maa lɔ nomonome bane lɔɡa, dɛ dɔ soojare ba do n ɡe lɔɡa. Mɛɛ wonoo ŋɔ bɛl be ŋɔ, ‘Ba,’ ó ba, dɛ́ berɛ ŋɔ onfale be, ‘Kaa,’ ó ɡe kaa. Mɛɛ wonoo ŋɔ n bonɔɔ be ŋɔ, ‘Ɛ ken tɛ mɛ,’ ásɛ o ɛ.”

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

Amanesoma Jɔn Aa Chwera Tɔn 11:52

Juu tena ɡbo laa. Ba ne Korowii nɛra baa lɔ bobɛlbwa la bwa sewee wɛɛ ba lɛɛ sewɛ dɛ́ lawɛ ba bwa pɛ, ásɛ ba ɛ beŋkpoŋ.

We-ɛɛla 13:12

Nomoa la aa na a ɡɛ waa nɔ la, o yarada Yeesu waa dɛ kpɔ o te tɛo, dɛkalkɛŋɔ Yeesu waa la baa dɛ chaɡle la kpo o nyoa.

We-ɛɛla 13:42

Pɔɔl aa bol waa tonɛ la, o ne Banabas iro dɛɛ le cheremi dea la bini. Belaa nɛra baa bol waa baɡ ba la ŋɔ Pɔ́ɔlwa berɛ ba Ona Tɔpere waa ba ja la ta, dɛ́ ba bol waa la baɡ ba ja.

We-ɛɛla 15:2

Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.

We-ɛɛla 15:31

Baa kure tɔn la, ba sie lɛo, dɛkalkɛŋɔ tɔn la do ba ɡbemba.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

We-ɛɛla 2:47

Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

We-ɛɛla 20:13

Ya kaa kpɔ ya stiimae la kaa bwɛɛ bɛl baa dɛ yerɔ Asos la ta. Dɛ ya fe dɛ lii kɛ ya ka kpɔ Pɔɔl Asos bela, dɛkalkɛ dɛ ya ne o vɔrɔwɔ asɛ o ŋɔ wɛɛ kpɔ harɛɛ dɛɛ cheme yaa bela.

We-ɛɛla 22:10

Belaa n pɛɛro ŋɔ, ‘N Dɔɔ, ɛrɛɛ mɛɛ ba ɛɛ yɔ?’ Asɛ o ŋɔ n be ŋɔ, ‘Ir la Damaskɔs ásɛ Korowii ka baɡle waa waa dɛ nyin kɛ he ɛ.’

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

We-ɛɛla 8:8

asɛ bwɛjen la tena sie lɛ kɛrɛdɛ.

Tɔn Pɔɔl Aa Chwerɛ Rom Tena 11:7

Ɛrɛɛ yaa ba ŋɔe yɔ? Gɛ Israel tena aa dɛ nyin kɛ ba waa su Korowii siwi la, ba ta ɡɛ dɔe. Nɛra tama Korowii aa lee ba ba ɛ o nɛra la, ba waa su o siwi. Ba kar taŋ deŋne Korowii be.

Tɔn Pɔɔl Aa Chwerɛ Rom Tena 13:1

A chɛ kɛ nomɛlbwa siwi su o harɛ nomonome dɛɛ teŋɛ ba mmara ɡe ta, dɛkalkɛŋɔ Korowii ta ŋwɛnɛ tɛɛ yaa, nomonome aa lee do. Korowiirii cheɡ ba.

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

1 Kɔrent 16:15

Yabala, he jemɔ kɛŋɔ Stɛfanas ne o dem tenaa tɔ sie yarada Yeesu waa la Akaya harɛ nɛra la bwa bini, dɛ kpɔ ba te tɛo dɛ swɛɛ siwi dɛ ɛ toma dɛɛ tɛ Korowii nɛra ba wa aa toɡra.

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Ɛfesos 1:19

dɛ́ berɛ jemɛ kɛŋɔ kpeɡri Korowii aa dɔa dɛɛ cha ya banɔ la yaa yaradao la kan, a dɔŋa toole. Hé lii ɡɛ o fa aa cha Yeesu Kristo o kpeɡri ne la, dɛ́ jemɛ kɛŋɔ kpeɡri la tentenee ó kpɔ dɛɛ cha yaa.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Ɛfesos 1:5

O nyina waa dɛ nyin yaa waa o fel jemɛ ya waa cheɡ kɛŋɔ wɛɛ koh Yeesu Kristo waa dɛ́ kpɔ yaa ɛ o bii. O tetooraa o cheɡa ɡɛ.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.