We-ɛɛla 13:47 - mzwDBL

⁴⁷ dɛkalkɛŋɔ ɡɛɛ ya Dɔɔ ŋɔ ya be ŋɔ, ‘N le heyaa ŋɔ hé ɛ nii dɛɛ chaah nɛra baa wola Juu tena ɛɛ la bwa, ásɛ nɛra baa lɔ harɛ jaɡa bwa che he nɛɛ dɛ́ no Korowii Waa aa dɛ ba ba lɛɛ la he be.’ ”

We-ɛɛla 13:47 ပူးပေါင်းရင်းမြစ်များ

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 42:6

“Men Korowiirii yerɛ, dɛ tɛɛ kpeɡri ŋɔ hɛɛ ɛ waa aa toɡra harɛ nɔ ta. He nɛɛ aa ba cheɡa ásɛ n ne nɛwɛnyina bwa fɔwɛ fɔo, dɛ́ do kɛŋɔ kandea dɛ́ tɛ harɛre nɛra.

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 60:3

Harɛre nɛra ne koranar bwa ɛɛ ba he bochaah la taa.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Emɔs 9:12

Israel tena ɛɛ ka yo nɛra baa ka Edom harɛ taa, dɛ́ pɔ ba nɛ, ásɛ harɛre ta nɛra ba fa aa ɛ n nɛra la jemɛ kɛ menee ɡela a ba ɡɛ. Men Korowiirii bola.”

Maeka 5:7

Israel tena baa ɛ Jekɔb naanar baa ka la ɛɛ doo kɛŋɔ mɛn aa le Korowii be, dɛ koo harɛre nɛra bini, kɛŋɔ bwaala aa wir kpɔɡa ta, aa wola nɛn siwi ta nyiŋi mɔɔ la.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

We-ɛɛla 22:21

Anee o ŋɔ n be ŋɔ, ‘Kaa! Mɛɛ ɡeloo he kaa bojaŋ, dɛ́ la nɛra baa wola Juu tena ɛɛ be.’ ”

We-ɛɛla 26:23

Anee kɛŋɔ a chɛ kɛ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la na wahala, dɛ́ tɔ sie ir seo ta lala bwa nɛ, dɛ́ won che o seo ta ira la ta, dɛ́ baɡle Juu tena ne nɛra baa wola Juu tena ɛɛ la kɛŋɔ ya toole seo nɔn ta ne biro ta kpa, dɛkalkɛ nii chaah ya nɛ.”

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.