We-ɛɛla 13:46 - mzwDBL

⁴⁶ Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

We-ɛɛla 13:46 ပူးပေါင်းရင်းမြစ်များ

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Ɛsekeɛl 2:5

Ba no he be kɛɛ ba ta he be noɛ yoo, ba ɛ deŋnekpeɡ tena wubwa, kɛ baa jemɔɔ kɛŋɔ Korowii keame ba ba be.

Matiu 10:6

Hé kaa Israel tena baa do kɛŋɔ peera aa nyoɡra la be,

Matiu 21:41

Anee ba chaŋo ŋɔ, “O balaa, wɛɛ ba kpoo nɛnchɔɡa la bwaa, dɛ́ kpɔ koo la tɛ nɛnfala, banɔ la dɛ ba komɛ daa nɔna la aa, baa dɛ ba on o dibɔr tɛɛ.”

Matiu 21:43

Anomanta, n dɛ ŋɔ he be ŋɔ, Korowii ɛɛ lɛ o kora laanee le he be, dɛ́ kpɔ ka tɛ banɔ la baa dɛ ba wona nyiŋi o ta kɛrɛdɛ la.

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Amanesoma Jɔn Aa Chwera Tɔn 1:11

O ba o ɡbaɡba harɛ ta, asɛ o ɡbaɡba nɛra vɛoh.

Amanesoma Jɔn Aa Chwera Tɔn 4:22

He Samaria tena te, ɛɛ he ɡee ɛ te, kɛ haa kon haa dɛ tomɛ jemɛ. Kɛ ya Juu tena te jemɛ kon yaa dɛ tomɛ, dɛkalkɛ ya nɛɛ aa ba cheɡa ásɛ Korowii lɛ nɛwɛnyina bwa.

We-ɛɛla 13:14

Pɔɔl ne o nɛra la le Pɛɛɡa dɛ la bwɛjen Anteɔk waa lɔ Pisidia harɛ la ta. Ona Tɔpere la aa baa tel la, ba kaa jo bela Juu tena cheremi dea bini dɛ so.

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

We-ɛɛla 13:5

Baa tel Saepros bwɛɛ bɛl baa dɛ yerɔ Salamis ta la, ba bol Korowii Waa baɡle nɛra bela Juu tena cheremi deene bini. Dɛ ba dɔ Jɔn Mak wɛɛ cha ba ba toma ta.

We-ɛɛla 19:9

Ba bini bane deŋne kpeɡri baa waa la yarada kwara, dɛɛ bol Yeesu nɛɛ teŋa la waa aa wola were kwara nɛnlaa la bwa baah ta. Anomanta, Pɔɔl ɡel ba, dɛ lawɛ nɛra baa yarada Yeesu waa la, asɛ tɔpere bɛlbwa o ne ba kaa cheme bobɛl baa dɛ yerɛ bela Teraanɔs Sukuu la ta.

We-ɛɛla 22:21

Anee o ŋɔ n be ŋɔ, ‘Kaa! Mɛɛ ɡeloo he kaa bojaŋ, dɛ́ la nɛra baa wola Juu tena ɛɛ be.’ ”

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

We-ɛɛla 28:28

Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.”

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

We-ɛɛla 9:20

asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

Tɔn Pɔɔl Aa Chwerɛ Rom Tena 2:10

Asɛ nɛra baa dɛ ɛ wedɛɛɡa la, Korowii ɛɛ ɡeloo ba dɔ jirima, dɛ́ kpɛɛ ba, dɛ́ tɛɛ ba bambisɔɔhna. Juu tenaa dɛ́ tɔ sie na anɔ bwa, nɛra baa wola Juu tena ɛɛ la ɡe jao.

Mmarare 32:21

Ba ɡelɔ mɛɛ meeh voɡa aa wola tɔnɔ dɔe hɛɛ toma la, n bwaawee ir ba voɡpuune nɛ. Anomanta, mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.

Felepae 1:14

Asɛ n dea chɔe la berɛ ɡel yabala ɡalɡa ɡee yarada ya Dɔɔ Yeesu kohona, dɛ́ dɔ bambile dɛ́ɛ baɡle Korowii Waa la kɛrɛdɛ, baa wola ɔmɛ.

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.