We-ɛɛla 13:43 - mzwDBL

⁴³ Nɛra la aa le cheremibɔr bela la, Juu tena ne nɛra baa wola Juu tena ɛɛ dɛ baa ja Juu tena nɛɛ dɛɛ tomɛ Korowii ɡɛ Juu tena aa dɛ tomɔ la teŋɛ Pɔɔl ne Banabas nɛɛ pirim. Yeesu toroma la bol waa baɡ ba, dɛ ja ba ŋɔ báa teŋɛ Korowii ŋwɛnɛ ta ásɛ wɛɛ cha ba.

We-ɛɛla 13:43 ပူးပေါင်းရင်းမြစ်များ

Matiu 23:15

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! Heyaa yon ɡaaɡe aaa ɡɛ haa ɛ dɛ́ dɔ nɛn waa wola Juu te ɛɛ ó ba ja he nɛɛ dɛ́ tomɛ Korowii. Kɛ dɛ he baa dɔ bɛl aa, he yon berɛ ɛo o chɔɡ kwaraa, asɛ a yon berɛ do kɛŋɔ o tenee bera chɛ Bɔnsam nii ta laŋa ɡwaa heya.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

We-ɛɛla 13:50

Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

We-ɛɛla 14:3

Pɔɔl ne Banabas soɡe bela biɡri. Baa lɔ bela la, dɛ ba dɛ bol Yeesu waa bansua ne, dɛɛ baɡle ɡɛ waa dɛ sune nɛwɛnyini nɛɛ dɛɛ cha ba. O cha ba asɛ ba won dɛɛ ɛ nyokpowaa ne wekpeɡa, asɛ nɛra na dɛ jemɛ kɛ o waa baa dɛ bol la ɛ kpela.

We-ɛɛla 16:14

Dɛ nɛra baa lɔ bela dɛ no waa yaa bola la, bɛl sɔne Liidia. Yale aa kɔlaa wɛɛ yoɡ, dɛ do bwɛjen Tiatra dɛɛ tomɛ Korowii. Waa dɛ no waa Pɔɔl aa dɛ bol la, Korowii pili o liire, asɛ o noa kɛrɛdɛ dɛ yarada Yeesu dɛ kpɔ o te tɛo.

We-ɛɛla 17:17

Anomanta, dɛ o dɛ la bela cheremi dea o ne Juu tena, ne Grik tena baa dɛ tomɛ Korowii ɡɛ Juu tena aa dɛ tomɔ la kaa nyiŋi Korowii waa la bini. Dɛ tɔpere bɛlbwaa wɛɛ so bwɛɛ la fɔɡbaah, asɛ dɛɛ bol waa nɛra baa dɛ ba bela la be, asɛ o ne baa nyiŋi Korowii waa la bini.

We-ɛɛla 17:34

Nɛra la bane te yarada Yeesu waa la, dɛ ba ja o nɛ. Nɛra baa yaradaa la bini bɛl sɔne Daneseɔs. Dɛ Areɔpaɡos nomonome la bɛlee on. Haah bɛl baa dɛ yerɔ Damaris ne nɛra bane yarada Yeesu waa la.

We-ɛɛla 17:4

Bane yarada Pɔɔl waa la, dɛ ba ja o ne Silas nɛ. Bela haahna baa ɛ nɛnjena la ɡalɡa, ne bela Grik tena baa dɛ tomɛ Korowii la ɡalɡa ɡe baa ja ba nɛ.

We-ɛɛla 18:7

Waa le ba be la, o kaa choɡ baa bɛl waa dɛ tomɛ Korowii ɡɛ Juu tena aa dɛ tomɛ Korowii baa yerɔ Titeɔs Jastos. Dɛ o dem lɔ bela cheremi dea jwɛɛh tenten.

We-ɛɛla 2:10

bane le Frejea ne Pamfilia, bane le Ijipt ne Lebya harɛ, Sairini jwɛɛh bela. Ya bane le Rom.

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

We-ɛɛla 6:5

Nɛra la bwa sie lɛ waa la Yeesu toroma la aa bola la ta, dɛ le baa bɛl Korowii Domadɛɛɡe aa soɡe o nɛɛ kpeɡri nɛɛ wɛɛ yarada Korowii, dɛɛ tomɔ kasinteŋ ne baa yerɔ Steeven la. Nɛra baa jaa la ɡe sɔnaa Felep, ne Prokɔrɔs, ne Nikenɔ, ne Taemɔn, ne Paamenas, dɛ Nikolas. Dɛ Anteɔk tee Nikolas nɔ, asɛ wɛɛ tomɛ Korowii Juu tena ŋwɛnɛ baa dɛ tomɛ Korowii la ta.

Tɔn Pɔɔl Aa Chwerɛ Rom Tena 11:6

Ba we-ɛɛla ta laa a che o lee ba. Ba sumii o na dɛ lee ba ba ɛ o nɛra. Dɛ ba we-ɛɛla taa a fe che o lee ba ba ɛ o nɛra aa, dɛ suna baa ŋɔa Korowii dɛ sune nɛwɛnyini nɛɛ dɛɛ cha ba la ta mun dɔe.

Tɔn Pɔɔl Aa Chwerɛ Rom Tena 3:24

Yeesu Kristo yawɛ yaa o chal ne. A waa ya wa ɛɛ su Korowii siwi. O nɛn sum nae kohona waa o ɛ ɡɛ tɛ yaa pɛɛpɛɛ la.

Tɔn Pɔɔl Aa Chwerɛ Rom Tena 5:2

Yaa yarada Yeesu dɛ kpɔ ya te tɛo la, a taa a che o ɡel Korowii ɛɛ na ya sum dɛɛ cha yaa ɡɛ waa dɛ cha yaa nɔ. Anomanta, ya sie lɛo, dɛkalkɛŋɔ ya jemɔ kɛŋɔ bela Korowii aa lole o waa dɔ jirima kohona la, ya ɡee do belaa.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

2 Kɔrent 5:11

Yaa jemɛ ɡɛ Korowii aa do ɔma la waa ya bol waa dɛɛ baɡle nɛra ásɛ ba jemɛ kasinteŋ la. Korowii jemɛ ya bambile bini bwa. N dɛ lii kɛŋɔ he ɡe jemɛ ya nɛnsoore he bambile bini.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Galaasia 5:1

Ya di ya nyu. Yeesu Kristo foo yaa, anomanta, ya ta nɛndɔɔla ɛɛ kpa. Waa foo heyaa nɔ, hé che kiŋkiŋ. He bɛ ɡel ba kpɔ waa dɛɛ ha heyaa kpa.

Galaasia 5:4

He banɔ la haa dɛ nyin he che Mosis Mmara ta teŋa ta ásɛ dɛ ɛ nɛndɛɛɡa he waa su Korowii siwi la, he pere he te le Yeesu Kristo be. He ta nɛra Korowii aa sune ba nɛɛ la nɛɛ jae.

Ɛfesos 2:8

Korowii aa lɛ heyaa ta la, o nɛn nɛɛ suna ne he yarada waa o ɛ ɡɛ. He ɡbaɡba be laa a le, pɛɛpɛɛ o lɛ heyaa ta dɛ tɛ heyaa mkpa.

Felepae 3:16

Kɛ ɡɛ bwa yaa wona dɛ jemɛ la, yá kpoŋe a bini dɛɛ la.

Felepae 4:1

Yabala haa ɛ n nɛnnyina, he pɛla laɡ mɛ. He bee n silɛɛ do, he waa baa ba men tɔɔ dawa. Anomanta, n dandɛɛɡa, hé che kiŋkiŋ pɛɛ ya ne ya Dɔɔ aa pɛa la ta.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Taetos 2:11

Korowii pili suna waa dɛ sune nɛra nɛɛ taraken asɛ nɛra bwa jemɛ, o lɛɛ ba.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.

2 Pita 3:14

Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

2 Jɔn 1:9

Nomɛlbwa waa dɛ baɡle Yeesu Kristo waa la dɛ kpɔ o ɡbabir nyu bini liire dɛɛ ja la, amɔ dɛ Korowii ta naate nɛɛ teŋɛ. Nomɛlbwa waa jemɛ Yeesu Kristo webaɡla la dɛɛ baɡla ɡɛ aa doa la, dɛ Korowii ne o Bie la teŋɛ o nɛɛ kɛrɛdɛ.