We-ɛɛla 13:36 - mzwDBL

³⁶ Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

We-ɛɛla 13:36 ပူးပေါင်းရင်းမြစ်များ

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

2 Samoɛl 7:12

Haa ba sewɛ ka pu he naawa la, mɛɛ ɡeloo he ɡbabir bibaala la bini bɛl bá chiɡ he naa ta dɛ́ di kora, ásɛ o kora che kiŋkiŋ saŋ bɛlbwa dɛɛ la.

1 Koranar 2:10

Asɛ Kooro Devid chɔ o banɔn ta ba huɡo Jerusalam Kooro Devid Bwɛjen ta o ka pu o naawa.

1 Webena 11:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii he naawa aa tomɔ la ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

1 Webena 17:11

Haa ba sewɛ ka pu he naawa la, mɛɛ ɡeloo he ɡbabir bibaala la bini bɛl bá chiɡ he naa ta dɛ́ di kora, ásɛ o kora che kiŋkiŋ saŋ bɛlbwa dɛɛ la.

1 Webena 18:14

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Webena 29:28

O biɡro kɛrɛdɛ mɔɔ dɛ ba sewɛ, dɛ o dɔ kondɔɔh ne jirima kɛrɛdɛ, asɛ o bibaa Solomɔn chiɡ o naa ta, dɛ di kora.

2 Webena 12:16

Kooro Rɛhoboam sewɔ, asɛ ba huɡo o naawa hoɡa ta Jerusalam waa ɛ Kooro Devid Bwɛjen ta. Asɛ o bibaa Abija chiɡ o mɛɛ naa ta, dɛ di kora.

2 Webena 21:1

Kooro Jehosafat sewɔ ka chɔ o naawa hoɡa ta Jerusalam, o naa Kooro Devid Bwɛjen ta. Asɛ o bibaa Jehoram chiɡ o naa ta, dɛ di kora.

2 Webena 26:23

Kooro Ussia baa sewɛ asɛ ba huɡo bɛne o naawa koo bɛl koranar harɛ ta, dɛkalkɛ ba ŋɔ o we wee. O bibaa Jotam chiɡ o naa ta dɛ di kora.

2 Webena 9:31

A habɔɔ, Kooro Solomɔn sewɔ ka pu o naawa, asɛ ba huɡo Jerusalam, o mɛɛ Kooro Devid Bwɛjen ta, asɛ o bibaa Rɛhoboam ba chiɡ o naa ta di kora.

Job Tɔn 17:14

Ásɛ n ŋɔ lalbɔɔ be ŋɔ, ‘N mɛɛ hen,’ dɛ́ ŋɔ dudule ɡe be ŋɔ, ‘Heyaa n nya ne n nimambii.’

Job Tɔn 21:26

Ba bwa dɛ́ sewɛ baa huɡ ba, ásɛ kwaa di ba ola.

Yela 49:14

Baa na waa, dɛ́ serewe kɛ peera, seo tɔ ba sie dɛ́ kaa ba ne lalbɔɔne bini. Nɛra ba wa aa toɡra ɛɛ tiɡri ba nɛɛ, ba pɔh ba lalbɔɔne bini, ba ne ba deremi baah do jaŋne.

Yela 49:9

ásɛ o won so le saŋ bɛlbwa dɛɛ la, waa wola sewɛ.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.

Amanesoma Jɔn Aa Chwera Tɔn 11:39

Yeesu ŋɔ ba be ŋɔ, “Hé laa bwe la ɡbili le bɔɔ la nyoa.” Belaa Maata waa ɛ Lasorɔs nimambie la ŋɔ o be ŋɔ. “N Dɔɔ, taraken o ken ka chɔɡɔ dɛ do sɔɔh, dɛkalkɛ o tɔpera anaarɛɛ la.”

We-ɛɛla 13:22

Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’

We-ɛɛla 2:29

Yabala, mɛɛ wonoo bol n naa Devid wa, dɛkalkɛŋɔ ya bwa jemɛ o waa kɛrɛdɛ. O sewɔ, ba huɡo, hale o ŋwam ta lole fini nɔ.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

We-ɛɛla 8:1

Baa kpo Steeven la, Sɔɔl sɛoh ŋɔ o chɛ kpoe. Awola tɔpere la ba fiiɡi asɔre tena baa lɔ Jerusalam la, asɛ ba chwa peɡre Juda harɛ ne Samaria harɛ bwɛɛre la ta. Yeesu toroma la ɡboo wola chwae.

1 Kɔrent 15:18

A berɔ dɛɛ baɡle kɛŋɔ nɛra ba fa aa dɛ yarada Yeesu Kristo mɔɔ dɛ serewe la, Korowii aa ban lɛ.

1 Kɔrent 15:6

mɔɔ o habɔɔ nɛra lafraanue la ɡe nao kerabeŋkpoŋ. Ba ɡalɡa ta lole ba le fini, bane ɡe serewe.

1 Tesalonika 4:13

Yabala, ya dɛ nyin kɛ ya bol yabala baa serewa la wa, ásɛ he tea bini bɛ chɔɡ kohona kɛŋɔ nɛra baa kaa, baa wola hwɛɡa dɔe kɛŋɔ yaa ir seo taa la.