We-ɛɛla 13:34 - mzwDBL

³⁴ Gɛ Korowii aa baɡle o waa o Tɔn bini ŋɔ wɛɛ iru seo taa ásɛ o bɛ bɔɔ bini chɔ pɔh laanee nɔ. ‘Mɛɛ ɛɛ wedɛɛɡa maa baɡɛ Devid nyoa kasinteŋ bwa ne laanee.’

We-ɛɛla 13:34 ပူးပေါင်းရင်းမြစ်များ

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Jeremia 30:9

Baa tomɛ men Korowii baa dɛ tom mɛ laanee, ne Kooro Devid naa maa leo tɛɛ ba, wɛɛ di kora ba nɛɛ la.

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Sekaria 12:8

Awola tɔpere la, Korowii ɛɛ tɔ nɛra baa soɡe Jerusalam ɡbemɡbee, hale ɡwɛɡre kwaraa waa lɔ ba bini kpeɡri do kɛŋɔ ɡɛ Kooro Devid fa aa doa la. Ásɛ Kooro Devid naanar tɔ ba sie kɛŋɔ Korowii nyundua torome kɛɛ Korowii ɡbaɡba.

We-ɛɛla 13:30

Asɛ Korowii berɛ iru seo ta.

We-ɛɛla 13:33

ɡɛɛ o ɛ tɛ ya nɛra yaa ɛ ba naanar la. Anee kɛ o ir Yeesu seo ta. Ba chwerɛ o waa Korowii Yel Tɔn yel nɛɛte la bini ŋɔ, ‘N Biee hen, fini n berɛ he Mɛɛ.’

We-ɛɛla 13:37

Kɛ nɛn la Korowii aa iru seo ta la te ta pɔeh.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

Tɔn Pɔɔl Aa Chwerɛ Rom Tena 6:9

Ya jemɔ kɛŋɔ Yeesu Kristo ir seo ta waa wola sewɛ kpa bwa, seo ta kpeɡri dɔe o nɛɛ kpa.