We-ɛɛla 13:21 - mzwDBL

²¹ A ɡɛ saŋ la ba soŋe Korowii ŋɔ ó tɛɛ ba kooro, asɛ o tɛɛ ba Kes bibaa Sɔɔl ŋɔ ó ɛ ba kooro. Dɛ Bɛnjamen dea biee on. Bene fifraanaarɛɛ Sɔɔl di kora la mɔɔ,

We-ɛɛla 13:21 ပူးပေါင်းရင်းမြစ်များ

1 Samoɛl 10:1

Belaa Samoɛl kpɔ ɔleve noo loŋbir dɛ fuɡe do Sɔɔl nyu ta, dɛ ɡbaaro pɛl bambile dɛ ŋɔ, “Korowii lee he ɛ o nɛra Israel tena sitɔɔ. Hɛɛ nyiŋi ba nɛɛ, dɛ́ lɛɛ ba le ba dɔma baa bar ba cheme nɔn ta. Anee dɛ́ baɡle kɛŋɔ Korowii lee he ɛ o nɛra Israel sitɔɔ.

1 Samoɛl 15:1

Samoɛl ŋɔ Kooro Sɔɔl be ŋɔ, “Menee Korowii tomɛ n fuɡe noo do he nyu ta, dɛ cheɡe kooro tɛ o nɛra Israel tena. Berɛ no waa aa le Korowii be taraken.

1 Samoɛl 11:15

Anomanta, nɛra la bwa la Gelɡal bela, Korowii sie, dɛ ka lɛo do kɛ ba kooro. Ba kpoo kwaa ɛ deŋnesɔɔhna saraha, asɛ Sɔɔl ne Israel tena la bwa di kondikonjena dɛ lɛ ba sie.

1 Samoɛl 8:5

dɛ ka ŋɔ, “Taraken he hwɛɛhrɔ, asɛ he bii la ɡe ta do kɛ hen, ba we-ɛɛla aa were. Nyin kooro tɛ yaa wɛɛ tɔ ya sie ɡɛ harɛre nɛra bwa aa dɔa la.”

1 Samoɛl 9:1

Baa bɛlee fa lole dɛ le Bɛnjamen dea baa yerɔ Kes. O mɛɛ sɔne Abiel, o nabaa sɔne Sɛrɔ. Sɛrɔ mɛɛ sɔne Bɛkɔrat, o ɡe mɛɛ Afiaa. Dɛ a ɡɛ Kes nɔ ɛ nɛnjen dɛ ɛ kondɔɔh.

1 Samoɛl 9:15

Tɔ aa per mɔɔ Sɔɔl ba la, dɛ Korowii pili waa la bini baɡle Samoɛl ŋɔ,