We-ɛɛla 13:2 - mzwDBL

² Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

We-ɛɛla 13:2 ပူးပေါင်းရင်းမြစ်များ

1 Webena 16:4

O berɔ le Lewi dea tena la bane ba baa ɛ toma Korowii Ne Nɛwɛnyina Fɔo Daka la sie, dɛ baa soŋe dɛɛ jam, dɛɛ kpɛɛ Korowii Israel tena aa dɛ tomɔ la.

Daneɛl 9:3

Asɛ n kpɔ lweyal tɔ dɛ so tɔɔ ta, a baɡle kɛ n dɛ di suna, dɛ vɔwɛ nyoa dɛɛ soŋe Korowii.

Matiu 17:21

A ɡɛ kwaa nɔ konsoo la, nyoa vɔwa ne Korowii soŋa ɡboo dɛɛ ba wona doŋa.”

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Matiu 9:38

Anomanta, hé soŋe Koo Te ásɛ o kpɔ tom-ɛɛra bane ba ja, bá ka ɛ a toma.”

Amanesoma Luk Aa Chwera Tɔn 10:1

Anɔ habɔɔ la Yeesu yerɛ o habɔteŋra fifraanuanɛ dɛ banɛ bane, dɛ pɛ ba banɛnɛ, dɛ tom ba ŋɔ bá tɔ sie bwɛɛre ne bela waa dɛ ba a ta laŋa la ta.

Amanesoma Luk Aa Chwera Tɔn 2:37

O ta yalɛ kpa, dɛ ba di bene fifraanuatoro dɛ anaarɛ. O ta o Korowii toma kpɔe bil harɛ. Chɔɔ ne jwaana dɛ o lɔ Korowii Dea, dɛ yon dɛɛ vɔwɛ nyoa dɛɛ soŋe Korowii.

We-ɛɛla 10:19

Pita liire aa lɔ waa la ta o ta ɛɛ lii la, Korowii Domadɛɛɡe ŋɔ o be ŋɔ, “Nɛra batoro bane dɛ nyin he bɔr,

We-ɛɛla 10:30

Belaa Kɔnɛɛleɔs ŋɔ, “Tɔpera anaarɛɛ nɔ, maa lɔ n dem saŋ nɔ bɔr tenten dɛɛ soŋe Korowii wekee saŋ la, kerabeŋkpoŋ dɛ baa bɛl waa do laalapoŋa kpelkpel cheɡɛ n sie

We-ɛɛla 13:3

Anomanta, ba vɔwɛ nyoa dɛ soŋe Korowii, dɛ kpɔ nɔɔra darawe nɛra banɛ la nɛ, dɛ kpɔ ba do Korowii nɔn ta, dɛ ɡel ba kaa.

We-ɛɛla 13:4

Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ.

We-ɛɛla 14:26

Belaa ba che kpɔ ɡbera dɛ laa berɛ ba Anteɔk. Anteɔkee ba fa kpɔ Pɔɔl ne Banabas do Korowii nɔn ta kɛŋɔ ó cha ba, asɛ ba ɛ toma baa tona taraken nɔ la.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 22:21

Anee o ŋɔ n be ŋɔ, ‘Kaa! Mɛɛ ɡeloo he kaa bojaŋ, dɛ́ la nɛra baa wola Juu tena ɛɛ be.’ ”

We-ɛɛla 4:36

Dɛ ba bini bɛl le Lewi dea, ba lolɔ Saepros, asɛ baa yerɔ Josef. Dɛ Yeesu toroma la dɛ yerɔ Banabas. O sɔn la munii “Nɛn waa dɛ do nɛra ɡbemba.”

We-ɛɛla 6:4

ásɛ ya te won dɔ bɔr dɛ́ kpɔ Korowii soŋa ne o Waa bola ɡbo ɛ ya toma.”

We-ɛɛla 8:29

Belaa Korowii Domadɛɛɡe ŋɔ Felep be ŋɔ, “La ka so kon waa do kɛ torɔɡo la jwɛh.”

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

1 Kɔrent 12:11

A ɡɛ waa nɔ bwa, Korowii Domadɛɛɡe beŋkpoŋ laanee tɛ nomɛlbwa kpeɡri o kpɔ dɛɛ ɛ ɡɛ la. Gɛ aa too o teaa o tɛ nomɛlbwa.

1 Kɔrent 7:5

Anomanta, bɛlbwa bɛ o te kpɔ sɔh o dɔŋ chɔe be pera, atane kɛŋɔ he bwa sɛoh kɛŋɔ he dɛ nyin kɛ hé kpɔ bambibeŋkpoŋ soŋe Korowii tɔpere bɛl tama mɔɔ. Gɛ te wer. Kɛ dɛ he ɛ ɡɛ tonaa, hé berɛ pɛ ja. Dɛ he ta pɛɛ yaa, haa wola won lawɛ he te la, Bɔnsam ɛɛ ɡeloo hé ɛ wechɔɡa.

2 Kɔrent 11:27

N ɛ toma dɛ koh kɛrɛdɛ. A kɛrɛdɛ ta, dɛ maa dom chɔ. Lɔr ne nyɔɡre ɡe kpo mɛ kɛrɛdɛ. N vala kɛrɛdɛ ta, dɛ teloɡaa mɛɛ chɔ, dɛ busee mɛɛ chɔ, dɛɛ chɔ waa.

2 Kɔrent 6:5

Ba dɛ lɔɔ yaa, dɛɛ do yaa deene, dɛ lɛ ɡaeh ya nɛɛ dɛɛ ɛ yaa saɡasaɡa. Ya dɛ ɛ tomkpeɡa dɛɛ koh. Tɔpebɛl yaa dom dɔe dɛɛ chɔ. Tɔpebɛl yaa kondikwaa dɔe dɛɛ di.

Galaasia 1:15

Kɛ Korowii te lee mɛ kwaraa mɔɔ ba lol mɛ, asɛ dɛ sune n nɛɛ dɛ cha mɛ, dɛ kpɔ mɛ do toma nɔ ta.

Ɛfesos 3:7

Amanesoma toma nɔɔ Korowii kpɔ tɛ mɛ. Sunaa o sune n nɛɛ kohona dɛ cha mɛ o kpeɡri ne, n won dɛɛ ɛ toma nɔ.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Kolosi 4:17

Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

2 Timoti 1:11

Amanesoma nɔ waa Korowii lee mɛ ŋɔ ń ba bol, dɛ́ ɡel n ɛ o torome ɡe dɛɛ baɡle nɛra o wa.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

2 Timoti 4:11

Luk ɡboo lɔ n be bonɔ. He dɛ ba naa, kpɔ Mak ja he nɛɛ he ne o ba, dɛkalkɛ o ɛ nɛn bɛl waa won n chae n toma nɔ ta ɡa.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

Hibru 5:4

Sɔfonomoa ɛɛ nɔ ɛ wejena. Nomɛlbwa toole dɛ ɡbaɡba won le o te dɛ ɛ a ɡɛ toma nɔ, nemenɛ Korowii aa leo kɛŋɔ waa le Arɔn o ɛ bɛl la.

1 Samoɛl 2:11

Belaa Ɛlkana ne Hana berɛ kaa Rama bela baa soɡa. Kɛ Samoɛl te soɡe Silo bela sɔfo Eli be, dɛɛ ɛ Korowii toma.