We-ɛɛla 13:1 - mzwDBL

¹ Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl.

We-ɛɛla 13:1 ပူးပေါင်းရင်းမြစ်များ

Matiu 27:32

Baa dɛ kaa la, ba kaa na Sairini baa bɛl baa dɛ yerɔ Seemɔn. Ba ɛɡro o lɛ Yeesu daɡaɡre la che.

Amanesoma Luk Aa Chwera Tɔn 3:1

Gɛ saŋ Siisa Tibeereɔs aa di Rom kora bene fi dɛ anue la, dɛ Pɔnteɔs Paelet ɛ Juda harɛ nomoa, asɛ Hɛrɔd ɛ Galilia harɛ kooro, asɛ o dɔɔ Felep ɛ Ituria ne Trakonaetes harɛre kooro. Dɛ Laiseenias ɛ Abilini harɛ kooro,

We-ɛɛla 11:30

Ba ta a ɡɛ suuɡa la, dɛ kpɔ tɛ Banabas ne Sɔɔl ba ka tɛ Juda harɛ asɔre tena la nomonome.

We-ɛɛla 12:25

Banabas ne Sɔɔl aa ɛ toma baa tom ba ŋɔ bá la Jerusalam ka ɛ tonɛ la, ba ne Jɔn Mak kaa Anteɔk.

We-ɛɛla 13:9

Asɛ Korowii Domadɛɛɡe ir Sɔɔl Grik tena aa dɛ yerɔ Pɔɔl la nɛ, asɛ o pa sie baa la nɛɛ dɛ nyiŋu dɛ ŋɔ,

We-ɛɛla 15:32

Dɛ Korowii keameree Judas ne Silas. Ba bol waa taeh dɛ kpɔ do ba ɡbemba, dɛ ja ba.

We-ɛɛla 15:35

Pɔɔl ne Banabas te soɡe Anteɔk tama, asɛ ba ne ba bala bane ɛɛ bol Amanesoma la dɛɛ baɡle ya Dɔɔ Yeesu waa nɛra be.

We-ɛɛla 19:6

Pɔɔl kpɔ o nɔɔra dawɛ ba nɛ, asɛ Korowii Domadɛɛɡe ba so ba nɛ, asɛ baa bol wobofala, dɛɛ bol Korowii Wa.

We-ɛɛla 21:9

Dɛ o dɔ bihaahna banaarɛ baa wola yalɛ bwa, asɛ Korowii Domadɛɛɡe la cha ba ba yon dɛɛ bol Korowii Wa.

We-ɛɛla 4:36

Dɛ ba bini bɛl le Lewi dea, ba lolɔ Saepros, asɛ baa yerɔ Josef. Dɛ Yeesu toroma la dɛ yerɔ Banabas. O sɔn la munii “Nɛn waa dɛ do nɛra ɡbemba.”

We-ɛɛla 9:1

Dɛ Sɔɔl ta swɛɛ siwi dɛɛ aah Yeesu habɔteŋra la ŋɔ wɛɛ kpo baa. O la Sɔfonomoa be

Tɔn Pɔɔl Aa Chwerɛ Rom Tena 16:21

Timoti n ne waa dɛ ɛ toma la dɛ na heya. Lusias ne Jasen, dɛ Sosipata ba bwa aa ɛ n bwɛɛ tena la dɛ na heya.

1 Kɔrent 11:4

Baa bɛlbwa waa dɛ soŋe Korowii kɛɛ dɛ che Korowii Domadɛɛɡe la kpeɡri ta dɛɛ bol Korowii Wa, kɛ dɛ kpɔ kon bɔle o nyu la, waa duure kpɔe dɛɛ tɛ Yeesu Kristo.

1 Kɔrent 13:2

Hale n wono che Korowii kpeɡri la ta, dɛɛ bol o waa aa dɛ ba bala kerekere la kɛrɛdɛ, dɛ jemɛ o wesɔɔhla bwa, dɛ dɔ sipila kɛrɛdɛ, dɛ che o kpeɡri la ta, dɛ dɔ yarada dɛ won ŋɔ bwejen be ó chuɡri le o buɡ ta, dɛ kaa bofale asɛ o chuɡri, dɛ maa nɛn nyin aa, dɛ n ta nɛn ɛɛ.

1 Kɔrent 13:8

Nɛnnyin ta jaɡa dɔe. Korowii waa baa cheɡɛ o kpeɡri ta dɛɛ bol bwa ɛɛ tonɔɔ tɔpebɛl wee. Wobofala baa cheɡɛ Korowii kpeɡri ta dɛɛ bol bwa ɛɛ teŋoo tɔpebɛl wee. Wejema ɡee ba tonɔɔ.

1 Kɔrent 14:29

Nɛra baa dɛ ba Korowii Domadɛɛɡe kpeɡri ta cheɡa dɛ́ bol o waa la, hé ɡel ba ɛ banɛ ne batoro ɡbo, ásɛ ba kar la so dɛɛ no ba be, dɛɛ pese waa la kɛrɛdɛ.

1 Kɔrent 14:32

Nɛra Korowii Domadɛɛɡe aa tɛɛ ba kpeɡri bá bol o waa la, bá won ba te lawa,

1 Kɔrent 9:6

Kɛɛ n ne Banabas ɡboo chɛ kɛ ya koh mɔɔ dɛɛ di?

Galaasia 2:13

Pita koh nɛra siebɔr ɔma waa dɛ nyoɡre ŋwɛnɛ. Yabala Juu tena baa ɛ asɔre tena la kar la ɡe koh nɛra siebɔr ɔma waa dɛ ɛ ɡɛ Pita aa ɛa la. Banabas ɡba nyoɡre ŋwɛnɛ, dɛ teŋɛ ba nɛ.

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Felepae 4:22

Korowii nɛra ba wa aa toɡra la bwa dɛ na heya. Banɔ la baa lɔ Rom koodem laanee dena dɛɛ na heyaa kohona.

1 Tesalonika 5:20

He bɛ he bala baa dɛ na chaahna la nyoa dɛɛ vɛh.