We-ɛɛla 12:7 - mzwDBL

⁷ Kerabeŋkpoŋ dɛ Korowii nyundua torome cheɡɛ dea la bini, asɛ bela chaah. O baa lɔ Pita dɛ chumu, dɛ ŋɔ o be ŋɔ, “Ir warane!” Buɡ la taa, Pita nɔɔra jɔɡrɔre la foo le.

We-ɛɛla 12:7 ပူးပေါင်းရင်းမြစ်များ

2 Samoɛl 22:29

N Naa Korowii, henee do kɛ kandea dɛɛ chaah mɛ, henee ɡela biro ber mɛ bɔr waa chaahna.

1 Koranar 19:5

O chɔ daa la mun chɔ dom. Buɡ la ta, nyundua torome den ba leɡo dɛ ŋɔ o be ŋɔ, “Ir dɛ di kwa.”

1 Koranar 19:7

Korowii nyundua torome la berɔ ba chumu nɛɛtena dɛ ŋɔ, “Ir dɛ di kwa, ŋwɛnɛ haa valɛ la jaŋne taeh.”

Yela 107:14

O laɡ ba le biro tenten ta dɛ chaa jɔɡrɔre baa kpɔa do ba.

Yela 116:16

N Naa Korowii, n ɛ he bonɔɔ kpela, n tomɛ ɡɛ n nya aa tomɛ. He lɛɛ mɛ le seo nyoa.

Yela 146:7

O bol nɛra baa dɛ fiɡ ba waa dɛɛ tɛɛ ba, nɛra lɔr aa dɛ kpo ba ɡe, o dɛ tɛɛ ba kondikwa. O ɡelɔ nɛra baa laɡ ba do dea ɛɛ di ba nyu,

Yela 34:7

Korowii nyundua torome dɛ daah nɛra baa dɛ tomɛ Korowii, dɛɛ lɛɛ ba.

Yela 68:6

Korowiirii tɛ nɛra baa nya nɛra bɔr, ba yon so, dɛ le nɛra baa do ba dea, dɛ ɡel ba sie lɛ baa di ba nyu. Bambikpeɡ tena te, harɛ waa chɔɡa taa baa ba soɡa.

Aesaya 37:30

Ate, Aesaya ŋɔ Kooro Hɛsɛkea be ŋɔ, “Waa aa che a ta, n naa Kooro Hɛsɛkea, he jemɛ laanee nɔ. Koo kwaa baa koma bena nɔ la, ane ɛɛ le a buɡ taa, ásɛ he dia, ásɛ benanyoa chemaa, hé di a tenten. A bentooro te la, hé du mea dɛ́ koma, dɛ́ parɛ daa kooni, dɛ́ di a nɔna.

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Jeremia 40:1

Korowii bol waa men Jeremia be, ɡɛ saŋ Nebusaradan waa chɔ kooro laa tena baa dɛ daahno nyoa, aa lee mɛ dea baa do mɛ Rama la. Dɛ ba laɡ mɛ dɛ do mɛ jɔɡrɔre, dɛ kpɔ n ne Jerusalam dɛ Juda tena baa lawɛ yaa laa ta la kaa Babelɔn harɛ ta.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Daneɛl 6:22

Korowii maa dɛ tomɔ la ɡelɔ o torome ba dɛ ba tɔ nyujentena la nyoo. A ta wone do mɛ bol, dɛkalkɛ Korowii nao kɛŋɔ n di bole, asɛ hen n naa kooro ɡe, n ta hen wechɔɡa bɛlbwa ɛɛ.”

Maeka 7:9

Ya ɛ wechɔɡa dɛ jo Korowii nɛ, anomanta, a chɛ kɛ yá na o bandia tama mɔɔ. Wɛɛ lɛ yaa dɛ́ le chɔɡre baa kpɔa ɛ yaa la ta. Wɛɛ lawɛ yaa ba bɔchaah ta, ásɛ ya na toɡra o wa aa toɡra.

Habakuk 3:11

Wee ne korobie cheɡɛ bobeŋkpoŋ nyundua, dɛkalkɛ he dɛ ta he hɛma ne he lampea, aa nyɛɡle al-al ken dɛ baa kaa.

Habakuk 3:4

He wer do kɛŋɔ wee aa dɛ le chɔɔbɔr la. He nɔmpaa bini dɛ nyɛɡle al-al ken, belaa he kpeɡri sɔh.

Matiu 2:13

Baa le bela dɛ kaa la, Korowii nyundua torome bɛl ba Josef be deera ta dɛ ba ŋɔ o be ŋɔ, “Kooro Hɛrɔd dɛ ba ɡela nɛra ɡaaɡe bie la bɔr dɛ́ kpoo. Anomanta, ir dɛ́ kpɔ bie la ne o nya bwa chwa kaa Ijipt harɛ ka so bela, ka tel ɡɛ saŋ maa berɛ ba ŋɔ hé le bela mɔɔ he le.”

Amanesoma Luk Aa Chwera Tɔn 2:9

Belaa Korowii nyundua torome bɛl forɛ le ba nɛ, asɛ Korowii jirima chaah bela. Ɔmee laɡ ba taeh.

Amanesoma Luk Aa Chwera Tɔn 24:4

Ba nyoa aa kpoa ba che bela la, dɛ baala banɛ bane baa do laalapoŋa aa nyɛɡle al-al ken denɔ ba che ba jwɛh.

We-ɛɛla 10:30

Belaa Kɔnɛɛleɔs ŋɔ, “Tɔpera anaarɛɛ nɔ, maa lɔ n dem saŋ nɔ bɔr tenten dɛɛ soŋe Korowii wekee saŋ la, kerabeŋkpoŋ dɛ baa bɛl waa do laalapoŋa kpelkpel cheɡɛ n sie

We-ɛɛla 12:23

Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.

We-ɛɛla 12:6

Kooro Hɛrɔd fe lawɛ tɔpere bɛl, dɛ́ fe bol Pita waa la dɛ́ pa bole. Jwaana la tɔɔ aa per ásɛ tɔpere la tel la, dɛ Pita chɔ soojare baa dɛ daahno la banɛ baah ta dɛɛ chɔ dom, asɛ jɔɡrɔre anɛ do o nɔɔra. Dɛ soojare banɛ lɔ dea la doonyoa dɛɛ daah bela.

We-ɛɛla 12:8

Asɛ nyundua torome la ŋɔ, “Do he laala ne he naŋɡawa.” Pita aa ɛ ɡɛ nyundua torome la aa ŋɔa la, o berɔ kwaa ŋɔ o be ŋɔ, “Kpɔ he yal tɔ, dɛ́ teŋɛ n nɛ.”

We-ɛɛla 16:26

Kerabeŋkpoŋ dɛ harɛ jiɡro kohona, asɛ deene la jiɡri le mun ta ka le nyundua. Kerabeŋkpoŋ dɛ deene la ɡbeni bwa pilo, asɛ jɔɡrɔre baa do nɛra la bwa cha le ba nɔɔra ta.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

We-ɛɛla 5:19

Awola jwaana la, Korowii nyundua torome bɛl baa ya dea la ɡbera, dɛ le Yeesu toroma la ne buse, dɛ ŋɔ ba be ŋɔ,

We-ɛɛla 9:3

Sɔɔl aa dɛ kaa dɛ ka tel Damaskɔs la, kerabeŋkpoŋ dɛ nii le nyundua dɛ chaah o nɛ.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Wepila 18:1

A habɔɔ la, n na nyundua torome bɛl o le nyundua dɛɛ tu. O dɔ kpeɡri kɛrɛdɛ. O jirima nomanta, harɛ bwa chaahnɔ.