We-ɛɛla 12:5 - mzwDBL

⁵ Gɛɛ a do ba do Pita dea. Kɛ dɛ o bala asɔre tena la pɛpɛo dɛ soŋe Korowii dɛɛ tɛo tenten.

We-ɛɛla 12:5 ပူးပေါင်းရင်းမြစ်များ

Matiu 18:19

N berɔ dɛɛ ŋɔ he be ja kɛ dɛ he bini banɛ ɡba nyoa pɛo harɛ nɔ ta hɛɛ nyin komɛl aa, n Mɛɛ waa lɔ nyundua la ɛɛ kpɔɔ tɛ heya,

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

We-ɛɛla 12:12

Waa na ɡɛ la, o la haah bɛl baa dɛ yerɔ Mɛɛre la dem. A ɡɛ Mɛɛre nɔ biee Jɔn Mak. Dɛ nɛra cheme bela pirim dɛɛ soŋe Korowii.

We-ɛɛla 12:4

Kooro Hɛrɔd aa lawɛ Pita la, o doo dea dɛ ɡel soojare bananaarɛ bele banaarɛ ɛɛ daahno. Dɛ o fe dɛ lii kɛ dɛ ba di Galekaa Tɔpejen la tonaa, o fee bol Pita waa nɛnfuuh baah ta dɛ́ pa bole ásɛ nomɛlbwa na.

We-ɛɛla 12:6

Kooro Hɛrɔd fe lawɛ tɔpere bɛl, dɛ́ fe bol Pita waa la dɛ́ pa bole. Jwaana la tɔɔ aa per ásɛ tɔpere la tel la, dɛ Pita chɔ soojare baa dɛ daahno la banɛ baah ta dɛɛ chɔ dom, asɛ jɔɡrɔre anɛ do o nɔɔra. Dɛ soojare banɛ lɔ dea la doonyoa dɛɛ daah bela.

1 Kɔrent 12:26

Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.

2 Kɔrent 1:11

Hé cha yaa dɛɛ soŋe Korowii, ásɛ dɛ o baa no he wesoŋa dɛ cha yaa aa, nɛra won kpɔ jam tɛo pirim dɛ́ tɛ yaa kɛŋɔ waa no nɛndamanta wesoŋa baa soŋa tɛ yaa la.

1 Tesalonika 5:17

dɛɛ soŋe Korowii saŋ bɛlbwa.

Hibru 13:3

Hɛ́ɛ lii nɛra baa do ba dea waa kɛŋɔ he ne banee ba do dea ken. Hɛ́ɛ lii nɛra baa dɛ ɛɛ ba hɔhɔrɔwa ɡe waa kɛŋɔ he ɡe aa dɛ na weweele la bɛl ken.

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.