We-ɛɛla 12:4 - mzwDBL

⁴ Kooro Hɛrɔd aa lawɛ Pita la, o doo dea dɛ ɡel soojare bananaarɛ bele banaarɛ ɛɛ daahno. Dɛ o fe dɛ lii kɛ dɛ ba di Galekaa Tɔpejen la tonaa, o fee bol Pita waa nɛnfuuh baah ta dɛ́ pa bole ásɛ nomɛlbwa na.

We-ɛɛla 12:4 ပူးပေါင်းရင်းမြစ်များ

Ɛsta 3:13

Ba le toroma bá kpɔ tɔne la kaa harɛre kooro aa di kora a ta la bwa ta. A bini waa dɛ chaɡle kɛ bá kpoo Juu tena bwa. Toli ne bonɔɔna ne nomonome, dɛ haahna ne bechale, bɛlbwa bɛ ka, bá ɛa tɔpebeŋkpoŋ. Adar korobie o tɔpera fi dɛ atoro weeree aa ba chiɡa, ásɛ ba pa ba laala ɡe bwa.

Kaala 12:1

Korowii bol waa baɡle Mosis ne Arɔn Ijipt harɛ ta ja,

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Sɛɡla 27:1

Bɛ waa haa ɛ kere kpɔ dɛɛ bol wa, haa jemɛ ɡɛ tɔɔ aa dɛ ba he pera.

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Matiu 26:5

Baa chema la dɛ ba berɔ ŋɔ, “Yaa won lawɛ baa nɔ ɡɛ tɔpejen nɔ ta, dɛkalkɛ nɛra noɔ waa, aa werii do. Bwɛɛ nɔ ɛɛ vuuɡuu.”

Amanesoma Mak Aa Chwera Tɔn 14:1

A baa ka tɔpera anɛ ásɛ ba di ba tɔpejen baa dɛ yerɔ Galekaa la. A ɡɛ tɔpera nɔ taa baa di Paanoo Iisi Aa Wola Toole a ta la. Dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ sɔh lawɛ Yeesu dɛ́ kpoo,

Amanesoma Luk Aa Chwera Tɔn 21:12

Mɔɔ ɡɛ waa nɔ bwa chiɡ la, baa tɔ sie larawe heya, dɛ́ ɛ heyaa hɔhɔrɔwa, dɛ́ lawɛ heyaa la cheremi deene bini, dɛ́ ka bol he waa dɛ́ do heyaa dea. Baa koh n waa dɛ́ lawɛ heyaa ka che nomonome ne koranar siini.

Amanesoma Luk Aa Chwera Tɔn 22:33

Anee Pita chaŋo ŋɔ, “N Dɔɔ, n cheɡɔ kɛ bá do n ne hen dea. Seo kwaraa yaa, n ne hɛɛ sewɔɔ.”

Amanesoma Jɔn Aa Chwera Tɔn 19:23

Soojare la aa kpaa Yeesu pɛl daɡaɡre ta tonɛ la, ba bɔne o laala bini bɔre anaarɛ, asɛ bɛlbwa kpɔ beŋkpoŋ. Kɛ o batakaare waa doo lɔɡa la te, ba sɔɔh kombir, ba ta bobɛlbwa nyarɛ pɛ.

Amanesoma Jɔn Aa Chwera Tɔn 21:18

Kasinteŋ, n dɛ ŋɔ he be, he fa aa ɛ bonɔɔ la, he won kiriso vɔwa dɛ́ kaa bela bwa haa dɛ nyin. Kɛ dɛ he baa hwɛɛhraa, hɛɛ tɛr nɔɔraa ásɛ nomɛl vɔrɔwe dɛ́ kaa he ne bela haa wola nyin laŋa.”

We-ɛɛla 12:3

Waa ɛ ɡɛ dɛ na kɛŋɔ a lɛ Juu tena sie la, belaa o ɡel ba lawɛ Pita ɡe. Paanoo Iisi Aa Wola Toole a ta Tɔpejen dii taa a ɡɛ waa nɔ chiɡ.

We-ɛɛla 12:5

Gɛɛ a do ba do Pita dea. Kɛ dɛ o bala asɔre tena la pɛpɛo dɛ soŋe Korowii dɛɛ tɛo tenten.

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

We-ɛɛla 4:3

Anomanta, ba lawɛ Pita ne Jɔn ka do dea ásɛ bɔr chaah mɔɔ, dɛkalkɛŋɔ ɡɛ saŋ baa laɡ ba la, dɛ jɔmɔraa.

We-ɛɛla 5:18

asɛ ba ir kpɔ ŋwɛnɛ bɛl dɛ lawɛ Yeesu toroma la do dea, bela baa dɛ do nɛra bwa la.

We-ɛɛla 8:3

Sɔɔl ɡe ɛ wobɛlbwa waa won dɛ́ chɔɡ asɔre tena la waa bwa, dɛ jo bela deremi bwa ta dɛ tɛɡre ba bini baala ne haahna bwa kaa do dea.