We-ɛɛla 12:24 - mzwDBL

²⁴ Anɔ bwa aa dɛ ɛ la, dɛ nɛra dɛ yarada Korowii waa la, asɛ aa perɛ bobɛlbwa.

We-ɛɛla 12:24 ပူးပေါင်းရင်းမြစ်များ

Sɛɡla 28:28

Nomonchɔɡa baa di kora aa, ɡɛɛ nɛra hɔrɔme, ba le bela tenaa, dɛ nɛra ba wa aa toɡra dɔ bɔr dɛ di kora.

Aesaya 55:10

N waa la do kɛ bwaala ne mɛn yon le nyundua dɛ pweh harɛ la ken. A ɡelɔ kwaa baa dua won ɛɛ, nɛra dɔ kondikwaa di, dɛ́ dɔ a dwee ɡe du.

Daneɛl 2:24

Ate, Daneɛl la Areɔk Kooro Nebukadnesa aa leo ŋɔ ó kpoo Babelɔn harɛ ta wejerema la be dɛ ka ŋɔ, “Bɛ Babelɔn harɛ wejerema la kpoo. Kɛ kpɔ mɛ la kooro be, ásɛ n ka baɡlo o deera la mun.”

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

We-ɛɛla 11:21

Dɛ Korowii dɛ cha ba o kpeɡri ne, asɛ nɛra no Yeesu waa la dɛ yaradaa, dɛ charɛ ba liire, dɛ kpɔ ba te tɛ Yeesu. A ɡɛ nɛra nɔ warɔ kɛrɛdɛ.

We-ɛɛla 19:20

Gɛ ŋwɛnɛkpeɡ nɔ taa a che Korowii waa la perɛ, dɛ won do kpeɡri kohona.

We-ɛɛla 5:39

Kɛ dɛ Korowii be ɡee a le aa, ate haa won sɔɔh ba waa nɔ nyoa. He ta kɛrɛdɛ nyiŋaa, Korowiirii hɛɛ yo laa la oo!” Nomonome la teŋɛ Gamaleɛl waa la ta.

We-ɛɛla 6:7

Korowii waa la perɛ bela. Dɛ nɛra baa yarada waa la dɛ baa ja Yeesu habɔteŋra la nɛɛ Jerusalam la dɛ warɛ kɛrɛdɛ. Hale sɔfore la kɛrɛdɛ bwaa yaradaa dɛ baa teŋɛ Yeesu ŋwɛnɛ la ta.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.