We-ɛɛla 12:21 - mzwDBL

²¹ Kooro Hɛrɔd tɛɛ ba tɔpere báa berɛ kpɔ ba o be ja. A ɡɛ tɔpere la aa tela la, o do o koolaala dɛ so o kookara ta, dɛ bol waa baɡle nɛra la.

We-ɛɛla 12:21 ပူးပေါင်းရင်းမြစ်များ

1 Koranar 22:10

Dɛ Israel Kooro Ahab ne Juda Kooro Jehosafat do ba koolaala, dɛ so ba kookane ta, pɛla bɛl waa bɛne bwɛjen Samaria doonyoa, asɛ Korowii keamere la bwa che ba sie dɛɛ bol waa baa naa ba be.

Job Tɔn 15:21

Ɔmewa ɛɛ chole ba deŋna taa, ɡɛ saŋ baa ŋɔ ba soɡe deŋnesɔɔhna ta, ŋwɛɛra den lɔ ba tɔ ba nɛ.

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Aesaya 5:14

Lalabwɛɛ chɔɔ dɛɛ kpaa ba, o doonyoa pilo che. Jerusalam nomonjena ne dansaara ba sie aa lɛa baa do ɡbɔɡa la bwa ɛɛ jo belaa.

Malakae 3:15

Kɛ taraken nɔ, ya dɛ yerɛ nɛra baa dɛ ɛ jenu bosɔɔhna tena. Kasinteŋ, waa wechɔɡ-ɛɛra aa dɛ ɛ la, a dɛ do wer dɛɛ chiɡ ba kɛrɛdɛ, hale banɔ la baa dɛ tɔŋle Korowii dɛ vɛh o waa la aa deŋnetɛra bɛlbwa dɔ.’ ”

Matiu 27:19

Nomoa Paelet aa soɡe o kara ta dɛɛ bol waa la, o haah tomɛ nɛn o be ŋɔ, “Nyiŋi kɛrɛdɛ dɛ bɛ baa la wobɛlbwa ɛ. Nɛndɛɛɡe tentenee. Gɛ maa dee o waa fini nɔ la, a we n nɛɛ taeh.”

We-ɛɛla 12:20

Dɛ o baah di bwɛɛre baa dɛ yera Taaya ne Sidon la tena nɛɛ taeh. Bela bwɛɛre nɔ tena nyoa pɛo, asɛ ba ba dɛ ba na Kooro bonɔɔna nomoa bɛl baa dɛ yerɔ Blastus la ŋɔ ó cha ba, dɛ́ larawe Kooro ásɛ ba ne o pɛ, dɛkalkɛŋɔ dɛ Kooro Hɛrɔd harɛ taa a ɡɛ nɛra nɔ ɛɛ yawɛ ba kondikwa.

We-ɛɛla 12:22

Waa bol waa la, nɛra la kooɡaɔ, dɛɛ ŋɔ, “Nɛwɛnyini laa bol waa nɔ. Voɡee berɛ nɛn dɛ bol waa la.”

We-ɛɛla 24:1

Tɔpera anue aa baa ɡale la, Sɔfonomoa Ananias ne nomonome bane ne mmara jereme bɛl baa dɛ yerɔ Tɛtolɔs la la Sisaaria. Ba la ba harɛ nomoa Fɛlekse be bela baa dɛ ba waa bola la, dɛ ka baɡle waa Pɔɔl aa ɛa ba ne o dɔ la.

We-ɛɛla 25:23

Tɔ aa pera la, Kooro Aɡrepa ne Bɛnes do ba koolaala, asɛ ba waa dɔ nyɛl kohona, asɛ ba ne bela bwɛjen soojanomonome ne bela nomonjena ba jo lamu ta. Baa chema la, Fɛstɔs ɡelɔ ba ba Pɔɔl ne.