We-ɛɛla 12:20 - mzwDBL

²⁰ Dɛ o baah di bwɛɛre baa dɛ yera Taaya ne Sidon la tena nɛɛ taeh. Bela bwɛɛre nɔ tena nyoa pɛo, asɛ ba ba dɛ ba na Kooro bonɔɔna nomoa bɛl baa dɛ yerɔ Blastus la ŋɔ ó cha ba, dɛ́ larawe Kooro ásɛ ba ne o pɛ, dɛkalkɛŋɔ dɛ Kooro Hɛrɔd harɛ taa a ɡɛ nɛra nɔ ɛɛ yawɛ ba kondikwa.

We-ɛɛla 12:20 ပူးပေါင်းရင်းမြစ်များ

Ɛsra 3:7

Ate, nɛra la tɛ suuɡa baa kpɔ bɔ tom-ɛɛra baa dɛ peɡri bwea ne kapenta tena, dɛ berɛ kpɔ kondikwaa ne sen dɛ ɔleve noo ŋɔ, bá kpɔ ka tɛ bwɛjena Sidon ne Taaya tena, ásɛ ba kpɔ ka charɛ peleme daa le Lɛbanɔn, ásɛ dɛ taɡa kpɔ mpo sie ba Jopa, ɡɛ Pɛɛsea Koojen Saeros aa bola la.

Ɛsekeɛl 27:17

Juda tena ne Israel tena ne he di bona. Ba kpɔ mea ne tohno ne ɔleve no, dɛ konsɔɔhsoma baa dɛ fɔɡla ba charɛ laala he be.

Amanesoma Luk Aa Chwera Tɔn 16:8

Anee bonɔɔ naŋɡarawa te nɔ dɔɔ la aa noa la, o kpɛɛro ŋɔ o ɛa wejema ta.” Yeesu aa sɛɡ ba tonɛ la, o ŋɔ, “Nɛra baa dɔ harɛ nɔ ta liire la, ba dɔ wejema ba ne ba bala kpoŋa dɛ ɡwaa nɛra ba sie aa chaah Korowii waa ta la.”

Wejereme 10:4

Dɛ kooro baah di he nɛɛ aa, bɛ ŋɔ he dɛ vɛh toma waa kpɔa do he nɔn ta. Bambile lawa ɛɛ won sɔɔh he wechɔɡa haa ɛa nyoa.

Sɛɡla 25:8

bɛ too dɛ́ kpɔ kaa kɔɔto, ɡɛ laa dɛ he dɔŋ kaa di danseɛ bɔe naa, hɛɛ di sihiih.

Sɛɡla 17:14

Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

2 Webena 2:15

Anomanta, ɡel mea ne ane soo siwi ne ɔleve noo dɛ sen haa baɡɛ nyoa la tel he bonɔɔ be.

2 Webena 2:10

Mɛɛ bɔ he nɛra baa ba ɛ daa la toma la kemee. Mea a tɔɡre aa ɛ boyu baaɡe kaɡboŋa fifraanaarɛ, ne ane soo siwi a tɔɡre aa ɛ boyu baaɡe kaɡboŋa fifraanaarɛ, dɛ sen ɡalɔŋre kaɡboŋa lafa, dɛ ɔleve noo ɡalɔŋre kaɡboŋa lafa.”

Josua 19:29

Ba jwɛh la berɔ berɛ dɛ kaa bwɛjena Rama ne Taaya baa ma danjwɛkpeɡ bara, dɛ teŋe ba kaa Hosa, dɛ ka jaɡɛ mpo ta Aksib harɛ ta,

Mumpar 10:19

Asɛ a che a ta Keenan tena dɔ ba jwɛh dɛ le bwɛjen Sidon dɛ kpɔ ka le bwɛɛ bɛl sɔne Gerar ne bwɛjen Gasa, dɛ ka tel Sodom ne Gomoora ne Adma ne Seboiim dɛ ka tel Lasa.

Mumpar 10:15

Keenan ɡe aa baa kpeɡ la, o lolɛ o bibanloɡle dɛ pa o sɔn Sidon, dɛ lolɛ Hiti tena nabaa ɡe. Ba sɔna nɔɔ ba kpɔ dɛɛ yerɛ ba naanar,

Sɛɡla 20:18

Wobɛlbwa haa maɡla la, ɡel ba jae mɔɔ he ɛ. Nyin ŋwɛnɛdɛɛɡe mɔɔ dɛ vɔrɔwe laa.

We-ɛɛla 12:21

Kooro Hɛrɔd tɛɛ ba tɔpere báa berɛ kpɔ ba o be ja. A ɡɛ tɔpere la aa tela la, o do o koolaala dɛ so o kookara ta, dɛ bol waa baɡle nɛra la.

We-ɛɛla 21:3

dɛ ba le bobɛl dɛ na ekwi bɛl baa dɛ yerɔ Saepros la, dɛ berɛ pa sie weekaŋle harɛbɔr dɛ ka le Siiria harɛ ta, dɛ ka tu Taaya, dɛkalkɛŋɔ dɛ belaa stiimae la ɛɛ ba bone aa lɔ o bini la ne.

We-ɛɛla 21:7

Ya le Taaya ba Tɔlemaes dɛ ba chɔɔ bela asɔre tena, dɛ so ba be tɔpebeŋkpoŋ.